استشاره عاجله
 

السلام عليكم ورحمة الله وبركاته

اسعد الله اوقاتكم بكل خير

بحاول اختصر الموضوع طبعا نظرا لنقص السيولة التي لازلت اواجهها في مشروع المطعم وتعثري في الافتتاح لاسباب منها نقص السيولة وايضا نقص الايدي العاملة وللاسف وصل بي الحال بعض الاحيان اللي اني اعرضه للتقبيل وماتقبل وعرضته للشراكه ومحد جاني مع انه في خاطري مو عاجبني هالشي اللي انا جالس اسويه اني ابيع تعبي وخسارتي في يوم وليله (وبنفس الوقت قلت في نفسي يمكن خيره من الله انه ماتقبل الى الان او احد شاركني لاني من داخلي ماني راضي بها الامرين ) وبعد حاله من اليأس وفقدان الامل جتني فكره اني ابدأ اشتغل باقل التكاليف يعني بالمبلغ الموجود عندي بمعنى اني اقفل قسم الافراد كامل لاني لو فتحته يحتاج لي عمال وراح يكلفني في بعض التجهيزات اللي الى الان ماقدرت اكملها لاني صالة الطعام كبيره ففكر اني اقفلها كامل ويكون على الزجاج من الخارج بنر يوضح بانه افتتاح قسم الافراد قريبا .

السؤال هنا واللي ابغى فيه نصيحتكم وتوجيهككم

هل اخلي المطعم نظامه سفري وطلبات خارجيه فقط

او

اضيف طاولتين بحيث اني مااخسر زباين المحلي ايضا وتزيد مبيعاتي (ولكن راح اضطر لفتح جزء من قسم الافراد وراح يكلفني الوضع مكيفات وورق جدران وووالخ).

فما ادري افزعو لي بنصيحه لانه الثلاث تاشيرات باقي عليها لين شهر 5 وتنتهي ويتبقى لي تاشيرتين لساتها جديده باقي لها سنه .

ملاحظه هامه :
في حال فتح قسم السفري فقط سيتم استقدام 4 عمال لان الخامس راح يحسب علي المقابل المادي وانا مثل ماسبق وذكرت المبلغ اللي نعي محدود ماابغةى اخسر زياده فما راح اجيبه الا بعد ماابدا بشهرين الين يتحسن الدخل .