استفسار لأهل الخبرة عسكري
 

السلام عليكم ورحمة الله وبركاته
عندي موضوع اتعبني بصراحه ومحتاج خبرتكم عشان اقدر اواجه الرجال بالموضوع
السالفه ومافيها انا طالب عسكري مفصول غيابيآ من معهد الدراسات الفنية بالظهران
وكتب لي الله وظيفة في الحرس الوطني تجنيد نظام الافواج المجاهدين وجبت اوراقي وكل شيء رسمي وانتظرت حول شهرين وسويت كل شيء بعدها قالو بنخاطب مرجعك عشان الافادة عن اسباب الفصل وقلت لهم تفضلو هالكلام برئاسة الحرس الوطني وبعد مرور شهر جتهم الافادة وعن اسباب الفصل قالو تمام خلاص بس وين وثيقة انك كنت عسكري سابق قلت لهم مرفقة بالملف وناظرو قالو لا ماهي موجوده هنا صار الخلل انا ياجماعة الخير اخذت فرد اساسي فقط حتى ماتعينت ولا صرت عسكري رسمي بس الاحوال الي حطوني عسكري والقوات الجويه عطوني فقط سجل تدريبي وشهادة فرد اساسي فقط الان شلون افهم الي بالحرس الوطني قسم التعيينات اني كنت مجرد طالب والقوات الجويه ماعطوني وثيقة اني عسكري سابق ؟ انا مدري انا الغلطان ولا هم ؟ اتمنى احد يفيدني الله يجزاكم خير تعبت وانا ادابك وراهم وابي اتوظف والله يعين
وشاكر لكم جزاكم الله الجنه

رد: استفسار لاهل الخبرة عسكري
 

كان قلتلهم اجيب الوثيقه من وين
يبون برنت من الاحوال ؟
ولا يبون شهاده الفرد الاساسي ؟
ولايبون قرار الفصل
اتصل عليهم او راجعهم واسئلهم وش الوثيقه بالضبط

برنت الاحوال جبته وصرت متسبب وشهادة فرد اساسي جبته وقرار فصل افادة جتهم

هم يبون وثيقة عسكرية اني كنت عسكري سابق واني فصلت فقط وقلت لهم انا طالب ماني عسكري رسمي مجرد طالب وخلصت فرد الاساس وفصلت وهم ضيعوني ب اسالتهم الله يهديهم اتمنى اني وصلت لك المعلومه يالغالي

رد: استفسار لاهل الخبرة عسكري
 

انا صراحه ماادري وش الوثيقه المطلوبه الي يبون بس احاول اعرف معك الحل
تروح لمرجعك السابق الي فصلك وتطلب منهم وثيقه عسكريه وشف ردهم اذا مافهمو وش المطلوب اشرحلهم الي صارلك وقلهم انهم طلبو وثيقه عسكريه لي من المرجع الي فصلت منه
بيعطونك خطاب مكتوب فيه انك فصلت وانت طالب في معهد الدراسات الفنيه

عطوني خطاب اخلاء طرف وبالفصل بعد وفوقها شهادة فرد اساس والخبرات
لكن شكلهم مضيعين الحرس الوطني علقوني وماطلو الله يهديهم
ماقصرت وبيض الله وجهك على وقفتك معي

رد: استفسار لاهل الخبرة عسكري
 

ياليت الي عنده خلفيه يعلمني

رد: استفسار لاهل الخبرة عسكري
 

بشر يا تركي وش صار معاك؟