الجامعي كيف يصير ضابط بالحرس الملكي؟
 

السلام عليكم

الحين الجامعي اذا يبغى يصير ضابط بالحرس الملكي

وش الكلية اللي يدخلها

وكم عدد الجامعيين اللي ياخذونهم الحرس الملكي سنوياً وهل فيه شرط معين للطول ؟

رد: الجامعي كيف يصير ضابط بالحرس الملكي؟
 

ضباط الحرس الملكي ياخذونهم من وزارة الدفاع
بعد ماتقدم على وزارة الدفاع ويجيك ترشيح اولي

تنتظر فتره ويجيك اتصال من رئاسة الحرس الملكي ويعطونك
موعد للمقابلة الشخصية ، يعني يتم اختيارهم من المتقدمين لوزارة الدفاع
انت وحظك

وبالنسبة للضباط الجامعيين السنه هذي اخذوا منهم 40 واحد للحرس الملكي تقريباً
والله يوفقك

رد: الجامعي كيف يصير ضابط بالحرس الملكي؟
 

وعليكم السلام ورحمة الله
شوف يا غالي في العسكرية (دورة الضباط الجامعيين)مستحيل تختار قطاع معيّن هم يوجهونك حسب احتياجهم للتخصصات او يكون عندك واسطه وتروح القطاع الي تبغاه، لكن بخصوص الحرس الملكي ابتداءً من هالسنه بدأ برنامج اختيار المميزين من المتقدمين لوزراة الدفاع يتصلون عليهم قبل الدوره ويحددون موعد للمقابله وعلى اساسها يتم اختيارهم، وفيه طريقه ثانيه اسهل يكون عن طريق (الواسطه)
ودورة ضباط الحرس الملكي تكون في الكلية الحربية مع ضباط البرية
انا الآن في دورة الجامعيين بالحربية وضباط الحرس الملكي عددهم 60 لكن مو شرط نفس العدد في الدورات المقبله ممكن اقل وممكن اكثر حسب احتياجهم
وفي النهاية تراها توافيق من رب العالمين قابلت ناس يقولون والله ما نعرف احد في الحرس ولا قدمنا عليها ولا طرا على بالنا لكن اتصلوا فينا وسوولنا مقابله وانقبلنا، وناس دخلوا بالواسطه فلا تتعلق فيها او ترفض غيرها على امل يقبلونك الي يجي من الله حياه الله وربي يسهل امرنا وامرك
اتمنى اكون افدتك والله يوفقك

رد: الجامعي كيف يصير ضابط بالحرس الملكي؟
 

وبالنسبه للطول من 165 سم وفوق (للضباط)

رد: الجامعي كيف يصير ضابط بالحرس الملكي؟