الي عنده حل يدلني
 

انا زوجي جته جلطه وتنوم وبنك الاهلي جمدو حسابه وقبل يمرض وديته البنك لتحديث ماحدثو ولا طلبو العنون الوطني نزل لنا الضمان شهر واحد بس ولنا شهرين مجمد الحساب رحت البنك رفضوا لزم صك ولايه رحت المستشفى كتبوا تقرير رفضه الشيخ لان مافيه عدم الادراك ومن اول زوجي عنده عندم الادراك لزمان والمكان بس رفض يكتب يقول مسوليه يشهد ربي اخرتها اليوم زوجي طلع من العنايه وبتنويم العادي اكلمه الدكتور عن التقرير ورفض رحت الضمان قالو مالهم دخل بتجميد الراتب ياعالم ويش الحل شهرين اعاني والله اعلم زوجي متى يطلع من المستشفى ومافي الا انا وهوه بضمان

رد: الي عنده حل يدلني
 

الله يكون بعونك ويشفي لك مريضك

اتوقع تجميد الحساب من البنك ماله دخل الضمان اتوقع مافيه حل الا كما ذكرو لك صك ولاية على زوجك او يروح يراجع ويفتحون له حسابه

اذا عنده حساب ثاني شغال ومعاك صرافه تقدرين تدخلين وتعدلين الايبان من الموقع

وان شاء الله الاخوان يفيدونك اكثر مني

رد: الي عنده حل يدلني
 

من حقك يروح معك احد من المحكمه للمستشفى ويطلع على الحاله ومنها يكتب لك صك

رد: الي عنده حل يدلني
 

اولا اسئل الله العظيم رب العرش الكريم ان يشفي زوجك ويعيده اليك بخير وعافيه وان يكتب لكي وله الاجر والثواب على ماتعانوه واقول حسبنا الله ونعم الوكيل في كل انسان يعقد امور المساكين المشكلة من المستشفى لازم يكتبون تقرير يذكرون فيه عدم الادراك عشان يقبله الشيخ ويعطيك صك الولاية ومن ثم تراجعين البنك وتمشي امورك اقول راجعي المستشفي وحاولي تطالبين الطبيب اكيد الطبيب من الناس اللي حسبنا الله ونعم الوكيل فيهم اذا مانفع شوفي اشتكي لمدير المستشفى وضحي له الحالة وان الشيخ رفض التقرير الا بعدم الادراك واطلبي منه يشوف لك حل مع الدكتور الله لايوفقه اذا مانفع تقدمي بشكوى الى المحافظة واطلبي يرسلون شخص يتقصى الحقيقة ويقف الحالة ويلزمون المستشفى بالتقرير على الوجه الاكمل واخير لاتنسي الدعاء على الطبيب واعوانه في جوف الليل حسبنا الله ونعم الوكيل

رد: الي عنده حل يدلني
 

الله يشفيه وربي يعينك
من وجهة نظري
س| ماهوسبب التجميد هل بسبب البطاقه منتهيه او بسبب التحديث
اذا كان كذلك ويستطيع الكلام فعليك اخذه بسياره الى مقر كتابة العدل وطلب صك وكاله منه لك او لأي احد وهو جالس بالسياره بعد اخبار كاتب العدل انه لايستطيع الحضوروهو موجود بالاسفل وسوف يسأله كاتب العدل اسئله روتينيه
هذا اذا يستطيع الاجابه او من الممكن ان يطلب كاتب العدل للمنزل واخذ الصك
مراجعه البنك بموجب الوكاله ولكن ليس البنك الاول الذي طلب التحديث بل ابحثوا عن فرع اخر
عمليه ماتاخذ نص ساعه
بالنسبه لصك الولايه عمليه معقده وارى البدء بها ابتداء من مدير المستشفى والطبيب المعالج فاذا رفض الطبيب فالحل بيد المديرولتكن الشكوى بصفه رسميه وبموجب استدعاء وسيحلونها ويضيفون المطلوب وبعدها انهاءها من المحكمه
الان بصفه مبدئيه انهاء صك الوكاله حتى يمكن الاستمرار بأخذ مستحقاته وحتى حالتكم لاتزداد سوءا
الله يوفقك