السلام عليكم
الموضوع للفائده و وللي حاب يستثمر
انا إنسان اكرف ليل نهار على التوصيل ومكسبي بسيط جدا وطالب على وشك التخرج هذا المشروع ما يحتاج كرف مثل كوفي ومع ذلك المكسب اكثر من الي أطلعه ب أضعاف ف معناته هالشي أريح وأسهل من التوصيل وراح ابذل كل ماعندي في هذا المشروع

اسف طولت عليكم هذا الكلام فقط توضيح للي ممكن تجيه رغبه في الشراكه ومتخوف اني مو قد المسؤوليه واذا يحتاج يتطمن ويعرف اكثر يكلمني و راح ارد على اَي سؤال ان شاء الله

فكرة المشروع
تأجير سكوترات درفت و سيارات أطفال
في حديقه عامه هذي الحديقه عدد العوائل متوسط في ايّام الدوام ومزدحم ايّام الويكند راقبت الوضع فتره وجيزه وفيه اثنين عاملين الفكره وللامانة خطرت الفكره على بالي قبل لا اعرف ان الأشخاص العاملين المشروع هذا موجودين قبلي
المهم رحت وشفت الوضع لقيت الشغل في ايّام الدوام تقريبا المتوسط 10 سكوترات تتاجر في العصر و 5 تتاجر من بعد المغرب الى الساعه 9 او 10 ... اما ايّام الويكند بما فيها الخميس تتاجر أضعاف مضاعفه
اللي قايمين على المشروع مستغلين الوضع بشكل ما حبيته بحيث ياجر السكوتر او السياره الدقيقه بريال يعني الساعه ممكن 60 او 50 اذا قلت !!
انا فكرتي كالآتي

باخذ تقريبا 3 سكوترات و 1 سكوتر ميني هذا مافي زيه هنا الدد وشكله مرره مرغوب وجديد نازل ف باخذ واحد اشوف كيف الطلب عليه وبعدها أوسع المشروع
أسعار الايجار ربع ساعه 10 ريال نص ساعه 20 و الساعه الكامله ب 30
وهذا الشي راح يخلي الواحد م يستخسر انه يسلي ولده مقابل 30 ساعه كامله وفِي المحافظة الي انا فيها مافيها ملاهي وأماكن ترفيه ( رابغ )

نجي للحسبه التقريبيه حسب دراستي للمشروع
طبعا كل يوم ان شاء الله من بعد صلاة العصر الى الساعه 9 بكون هناك
ف نقول خلال 5 ساعات كل سكوتر تاجر مره وحده لمدة ساعه ما راح ابالغ يعني الواحد ب 30 لمدة ساعه على اربعه سكوترات هذي 120 في اليوم وطبعا هذا المتوسط ممكن تزيد وما اتوقع تقل بكثير

يعني 120 في اليوم يعني في الشهر هذي 3600 ريال وفيه ايّام الويكند بيكون الدخل اكثر ان شاء الله
ولو قلنا بس اسكوترين تاجرو في اليوم لمدة ساعه راح يكون المدخول 1800 ريال وهذا شي ممتاز مقارنه برأس مال بسيط

من ناحية الشحن والبطارية والصيانة والخخ
الشحن عندي في العزبه الكهرباء شامله وما عليها خوف
وأفكر استأجر متطور عشان اشحنها وانا ف الحديقه لو كان في طلب كبير و هي لو تنشحن فل تشتغل ساعتين
اما الصيانه فماهو شي مخوف لان تكرف ومع اخوي الصغير وحده وماشاء الله له سنه وعليها كارفها ولا اشتكت من شي ولو نقول خربت ماعندي مشكله اصلحها وتصليحها ما اتوقع فيه كلافه

انا للاسف ما حصلت الدعم وضعنا ميسور وأهلي مو ف نفس المنطقه الي انا فيها يبعدون عني 1400 كيلو تقريبا ف انا هنا متفرغ للاخر


اللي حاب يطبق الفكره الله يوفقه واهم شي كثافه ساكنيه جيده
واللي حاب يدخل معاي شراكه ويعطيني 1500 ريال وله نسبه من الأرباح 15٪ يعني لو زي ما حسبنا 3600 ريال بيطلع له بما يقارب 500 ريال شهريا وممكن تزيد وانا في كل مره بوسع المشروع اكثر و شي ثاني الي بيدخل بيني وبينك عهد ولو تبغى ورقه وحلف وذمة امام الله نسبتك تجي كامله ولو خايف ما يمشي المشروع او شي لك من عندي مبلغك يرجع كامل مكمل ولك حرية طلب اَي شي لضمان حقك

وآسف على الاطاله عندي كلام اكثر من كذا ودي اقوله ولكن لتكتفي بهذا القدر و اَي استفسار او طلب مساعده انا حاضر

اسال الله لكم التوفيق والصحه والعافيه 💜

لا تواخذوني على التكليجات بس كله من التصحيح الإملائي ف الجوال

الله يوفقك
افضل شي لك انك مادخل شركاء
لان الربح مايستاهل شريك
حرام تشقى كثير والربح يشاركك عليه واحد ثاني

الله يوفقك

لو تتسلف من أحد هالمبلغ أو تشارك خويك بالمال والعمل أحسن من شراكة مع أغراب خاصة أن راس المال بسيط
والله يوفقك

انا مستعد تواصل معي خاص

الله يوفقك ويسهل امرك

بالتوفيق .. تواصل معي خااص