تكفون في مشروع النظافه والصيانه
السلام عليكم جميعا
انا عندي مشروع ابي افتحه اللي هو مشروع نظافه وصيانه ابي فزعتكم تكفوون تكفوون ي اخواني والله لا اعلم شي بالمشاريع ابي شي يساعدني بالمشروع هذا واقوم على رجولي ابي اعرف بعد ايش الاشتراطات حق النشاط من البلديه ؟ بعد مااطلع السجل التجاري ايش اسوي من غرفه تجاريه وبلديه ومكتب عمل والعمال ؟ من رسوم الاداريه في البلديه ومكتب العمل والتاشيرات والتفويض الالكتروني وشهو ووين اروح بعد التأشيرات وكم رسوم التاشيرات وشلون اجيب العمال ؟ وهل مشروعي يحتاج سعوده والا لا؟ والله مااعرف اي شي واللي يبي الاجر يساعدني والله يبارك له ويفتحها عليها ويقضي عنه كل دين وهم ويفرجها عليه |
رد: تكفون في مشروع النظافه والصيانه
تكفون ابي فزعتكم ي اخوان
|
رد: تكفون في مشروع النظافه والصيانه
عليكم السلام
ممكن توضح نظافة وصيانة ماذا ؟ بعض المهن تحتاج تروح تشوف العمال بنفسك في دولتهم . |
اقتباس:
حياك الله اخوي •بخصوص البلدية تقدر تمر البلدية للموقع الأقرب عندك وتشوف الاشتراطات(حسب علمي من مساحه 60 و انت طالع و تقدر تصدر رخصة فورية من موقع بلدي). •بعد ما تطلع السجل 1-تسجل في الغرفة التجارية عن طريق موقعهم و تسدد الرسوم.(بعدها تمرهم تعتمد التوقيع). 2- تشوف موقع حسب الاشتراطات و تستخرج الرخصة.(تسجل في واصل التجاري 500 ريال) 3- تفتح ملف للمنشأة في موقع وزارة العمل للخدمات الإلكترونية و تسوي طلب تأشيرات تأسيس و تختار المهن المطلوبه. 4- اول ما تجي الموافقة تدفع رسوم التأشيرات كل وحده 2000 ريال. 5- بعدها تشوف الاستقدام. اتمنى اني افدتك الله يوفقكم و دعواتكم |
رد: تكفون في مشروع النظافه والصيانه
الله يوفقك حسب خبرتي البسيطه السجل مع الغرفه التجارية بيكلف عليك 1900 وتستاجر محل وتطلع رخصة وترفقهن لوزارة العمل ويعطونك 3 تاشيرات وتسدد 6000 وتختار المهن والافضل دامك تبيهم يشتغلون معك جبلك هنود احسن وافضل شي . واذ جم تطلع لهم اقامات وجواز بيكلف أقل شي 4000 أعتقد . وبعدين يشتغلون معك اذ تقصد صيانة وتنظيف البيوت . بس بالاول مر كذا موسسة نظافة واشف وضعهم حتي لو تطلع بفائدة قليلة .
|
رد: تكفون في مشروع النظافه والصيانه
اقتباس:
وبالنسبه لفتح الملف للمنشأه في موقع العمل هل هو بسيط مو معقد ؟ يعني سمعت انه لازم يكون فيه ختم للموسسه ؟ هل هذا الكلام صحيح ؟ وبالنسبه للاستقدام اخذ التشيرات واروح لهم فالمكاتب ؟ طيب لو عندي عامل اعرفه هل ارسل له التاشيره والا شلون وانا اخوك واعذرني وماقصرت ي غالي وافي :h |
رد: تكفون في مشروع النظافه والصيانه
اقتباس:
طيب لو عندي عامل يبي يجي ارسل له التاشيره والا شلون وايش سالفه التفويض ؟ والسعوده ايش وضعها ؟ هل احتاج سعوديين ؟ لانه مافيه احد راح يشتغل نظافه وصيانه وراتب عالي علي كبدايه مشروع |
الساعة الآن 05:49 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين