حلول البطالة Unemployment Solutions

حلول البطالة Unemployment Solutions (https://www.btalah.com/index.php)
-   قسم مشاريع وأفكار (https://www.btalah.com/f12.html)
-   -   تكفون في مشروع النظافه والصيانه (https://www.btalah.com/t718137.html)

fzh7000 10-01-2019 06:43 PM
تكفون في مشروع النظافه والصيانه
 
السلام عليكم جميعا

انا عندي مشروع ابي افتحه اللي هو مشروع نظافه وصيانه

ابي فزعتكم تكفوون تكفوون ي اخواني والله لا اعلم شي بالمشاريع ابي شي يساعدني بالمشروع هذا واقوم على رجولي

ابي اعرف بعد ايش الاشتراطات حق النشاط من البلديه ؟

بعد مااطلع السجل التجاري ايش اسوي من غرفه تجاريه وبلديه ومكتب عمل والعمال ؟

من رسوم الاداريه في البلديه ومكتب العمل والتاشيرات والتفويض الالكتروني وشهو ووين اروح بعد التأشيرات وكم رسوم التاشيرات وشلون اجيب العمال ؟

وهل مشروعي يحتاج سعوده والا لا؟

والله مااعرف اي شي واللي يبي الاجر يساعدني والله يبارك له ويفتحها عليها ويقضي عنه كل دين وهم ويفرجها عليه

fzh7000 11-01-2019 11:17 AM
رد: تكفون في مشروع النظافه والصيانه
 
تكفون ابي فزعتكم ي اخوان

مختبر الاعمال 14-01-2019 03:43 PM
رد: تكفون في مشروع النظافه والصيانه
 
عليكم السلام

ممكن توضح نظافة وصيانة ماذا ؟

بعض المهن تحتاج تروح تشوف العمال بنفسك في دولتهم .

MoeAlo3 15-01-2019 04:24 PM
اقتباس:
المشاركة الأصلية كتبت بواسطة fzh7000 (المشاركة 9134735)
السلام عليكم جميعا

انا عندي مشروع ابي افتحه اللي هو مشروع نظافه وصيانه

ابي فزعتكم تكفوون تكفوون ي اخواني والله لا اعلم شي بالمشاريع ابي شي يساعدني بالمشروع هذا واقوم على رجولي

ابي اعرف بعد ايش الاشتراطات حق النشاط من البلديه ؟

بعد مااطلع السجل التجاري ايش اسوي من غرفه تجاريه وبلديه ومكتب عمل والعمال ؟

من رسوم الاداريه في البلديه ومكتب العمل والتاشيرات والتفويض الالكتروني وشهو ووين اروح بعد التأشيرات وكم رسوم التاشيرات وشلون اجيب العمال ؟

وهل مشروعي يحتاج سعوده والا لا؟

والله مااعرف اي شي واللي يبي الاجر يساعدني والله يبارك له ويفتحها عليها ويقضي عنه كل دين وهم ويفرجها عليه

حياك الله اخوي
•بخصوص البلدية تقدر تمر البلدية للموقع الأقرب عندك وتشوف الاشتراطات(حسب علمي من مساحه 60 و انت طالع و تقدر تصدر رخصة فورية من موقع بلدي).
•بعد ما تطلع السجل
1-تسجل في الغرفة التجارية عن طريق موقعهم و تسدد الرسوم.(بعدها تمرهم تعتمد التوقيع).
2- تشوف موقع حسب الاشتراطات و تستخرج الرخصة.(تسجل في واصل التجاري 500 ريال)
3- تفتح ملف للمنشأة في موقع وزارة العمل للخدمات الإلكترونية و تسوي طلب تأشيرات تأسيس و تختار المهن المطلوبه.
4- اول ما تجي الموافقة تدفع رسوم التأشيرات
كل وحده 2000 ريال.
5- بعدها تشوف الاستقدام.

اتمنى اني افدتك
الله يوفقكم و دعواتكم

فيوزز 17-01-2019 03:01 AM
رد: تكفون في مشروع النظافه والصيانه
 
الله يوفقك حسب خبرتي البسيطه السجل مع الغرفه التجارية بيكلف عليك 1900 وتستاجر محل وتطلع رخصة وترفقهن لوزارة العمل ويعطونك 3 تاشيرات وتسدد 6000 وتختار المهن والافضل دامك تبيهم يشتغلون معك جبلك هنود احسن وافضل شي . واذ جم تطلع لهم اقامات وجواز بيكلف أقل شي 4000 أعتقد . وبعدين يشتغلون معك اذ تقصد صيانة وتنظيف البيوت . بس بالاول مر كذا موسسة نظافة واشف وضعهم حتي لو تطلع بفائدة قليلة .

fzh7000 21-01-2019 09:55 PM
رد: تكفون في مشروع النظافه والصيانه
 
اقتباس:
المشاركة الأصلية كتبت بواسطة MoeAlo3 (المشاركة 9135351)
حياك الله اخوي
•بخصوص البلدية تقدر تمر البلدية للموقع الأقرب عندك وتشوف الاشتراطات(حسب علمي من مساحه 60 و انت طالع و تقدر تصدر رخصة فورية من موقع بلدي).
•بعد ما تطلع السجل
1-تسجل في الغرفة التجارية عن طريق موقعهم و تسدد الرسوم.(بعدها تمرهم تعتمد التوقيع).
2- تشوف موقع حسب الاشتراطات و تستخرج الرخصة.(تسجل في واصل التجاري 500 ريال)
3- تفتح ملف للمنشأة في موقع وزارة العمل للخدمات الإلكترونية و تسوي طلب تأشيرات تأسيس و تختار المهن المطلوبه.
4- اول ما تجي الموافقة تدفع رسوم التأشيرات
كل وحده 2000 ريال.
5- بعدها تشوف الاستقدام.

اتمنى اني افدتك
الله يوفقكم و دعواتكم
ماقصرت ي غالي ، بالنسبه انا طلعت السجل اللحين والغرفه التجاريه ، بس هل لازم امر عليهم اعتمد التوقيع ؟
وبالنسبه لفتح الملف للمنشأه في موقع العمل هل هو بسيط مو معقد ؟ يعني سمعت انه لازم يكون فيه ختم للموسسه ؟ هل هذا الكلام صحيح ؟

وبالنسبه للاستقدام اخذ التشيرات واروح لهم فالمكاتب ؟ طيب لو عندي عامل اعرفه هل ارسل له التاشيره والا شلون وانا اخوك

واعذرني وماقصرت ي غالي وافي :h

fzh7000 22-01-2019 03:08 AM
رد: تكفون في مشروع النظافه والصيانه
 
اقتباس:
المشاركة الأصلية كتبت بواسطة فيوزز (المشاركة 9135610)
الله يوفقك حسب خبرتي البسيطه السجل مع الغرفه التجارية بيكلف عليك 1900 وتستاجر محل وتطلع رخصة وترفقهن لوزارة العمل ويعطونك 3 تاشيرات وتسدد 6000 وتختار المهن والافضل دامك تبيهم يشتغلون معك جبلك هنود احسن وافضل شي . واذ جم تطلع لهم اقامات وجواز بيكلف أقل شي 4000 أعتقد . وبعدين يشتغلون معك اذ تقصد صيانة وتنظيف البيوت . بس بالاول مر كذا موسسة نظافة واشف وضعهم حتي لو تطلع بفائدة قليلة .
اي ي غالي صيانه ونظافه البيوت ييعني الشغل كله اونلاين حتى مكتب العمل اختار العمال كم عامل وجنسيتهم وبعدها اروح لمكاتب الاستقدام ؟

طيب لو عندي عامل يبي يجي ارسل له التاشيره والا شلون وايش سالفه التفويض ؟ والسعوده ايش وضعها ؟ هل احتاج سعوديين ؟ لانه مافيه احد راح يشتغل نظافه وصيانه وراتب عالي علي كبدايه مشروع


الساعة الآن 05:49 PM

Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين