|
نفسيتي دمار
انا اشتغل بمستشفى وهذا الشهر الثالث مني طايقه الوضع الوضع لايحتمل زحمه بشكل مقرف الناس فوق بعضهم والمدير يراقبنا بالكميرات ويقول للمشرفات اذا في زحمه لايصلون !! والحين حاطيني هالشهر بقسم لحالي من 7 الى 3 العصر ولاقدر اصلي او اروح الحمام الا اكلم احد ومايردون علي واحيانا انا انحرج ولافي بريك ولاحتى نص ساعه! ماقدرت اتاقلم تعبت من ذا البيئه الشهر الي راح يوم كان دوامي مساء الله يكرمكم من ضيقه الصدر قمت استفرغ من الحزن والضيقه اكثر من مره يتكرر معي ويوم جيت استقيل قبل اسبوعين ضغط علي ابوي ضغط رهيب لين رحت للدوام قلت لامي ايش اصراره الغريب ؟! قالت عشان يفتك من مصروفك الحين بقي 21 يوم وتخلص التجربه وانا خايفه اعدي التجربه وبعدين يزيد
الوضع عن حده ويقولون لازم تدوامين شهرين قبل الاستقاله اليوم السبت والاتش ار مايداومون سحبت اليوم على اساس بكره اروح اقدم استقالتي انا مره تعبانه نفسيا وجسديا واحيانا اقول ودي براتب عشان اجمع شي يبقى لي لبعدين وفكرت اقعد سنه بس عشان اخذ الخبره وبعدها عدم تجديد عقد بس خايفه اصبر ويزيد الوضع عن حده عجزت اتوصل لقرار بداخلي مابي ولمااستخير ماتتيسر الاستقاله امس كلمت اهلي اني بغيب اليوم السبت والاحد الاستقاله وسكتو وفكوني من الحاحهم وفعلا غبت وارسلت لي مشرفه بالواتس صباح الخير فلانه وينك انتي مداومه اليوم قلت لاوالله اعتذر ماداومت لكن بكره بقدم استقالتي لان الاتش ار يداومون الاحد قالت ليه سلامات وش فيك قلت والله مخليني لحالي لااصلي لاروح الحمام 8 ساعات وفي اسباب كثير لكن هذي واحد منها ولاقدرت اتاقلم مع المستشفى وصحتي هالايام في النازل قالت ماتشوفين شر الله يسهل امرك ابوي يوم سمعني الساعه 12 بدخل الحمام راح عند امي وهاوشها قال شفتي ماراحت ؟! قالت امي مالي دخل قال ليتها تقول اني كنت تعبانه وبس قلت لامي اني قلت للمشرفه اني بستقيل بكره قالت انه قولي قلتها لاني مضغوطه مره وتعبانه بس خلاص بستمر واصلا ماكتبت استقاله انا الحين انا بين نارين من امس مانمت الا ساعتين يمكن الفجر وساعه الظهر ويمكن نص ساعه الصبح احس بتوتر لاجيت انام مع اني ماكنت متردده ابد والحين مدري شبسوي ان استمريت الحين انا غبت يوم سبت وغياب السبت خصم بيومين ماهمني الخصم ماهمني الراتب قبل عشان يهم الخصم لكن لو استمريت هل بيؤثر على فتره التجربه خصوصا اني جبت طاري للاستقاله للمشرفه انا مااحب ابين اني متذبذبه يااستمر يامااستمر مااحب ابين اني اليوم بستقيل وبكره اقول لابداوم وفوق كذا مالي خاطر بالشغل ذا اصدع من النقاب امي تقول عشانك تعبانه وفيك جيوب انفيه مصدعه يقولون اهلي كل مره تتذمرين يوم كنتي في النادي والحين بعد |
اقتباس:
الله يفرج همك من حقك الراحه النفسيه بس ابقولك شي دائم البداية صعبه والضغوط تكون قويه بس اذا محرومه من الصلاة والاكل و الراحه انا اشوفها سجن مش وظيفة امسكي المصحف و رتلي سورة البقره كل ليله والله يرزقك بالوظيفة الي ترتاحين فيها لي ولك ولكل عاطل اهم شي صحتك و رزقك بيسهله رب العالمين لك بس استغفري و أدعي |
رد: نفسيتي دمار
|
رد: نفسيتي دمار
الله يسهل امرك ويفرج همك
|
رد: نفسيتي دمار
انا اشوف الراحه اهم نقطه في العمل
اذا انتى مو مرتاحه شوفي مكان اخر والحمد لله الرزق والخير من الله سبحانه ولاتخافين على رزقكك ابد واستخيري الله في اي امر لك |
رد: نفسيتي دمار
اتركيها وربي بيعوضك دام وصلت للاستفراغ
انا خبره بالقطاع الخاص اكثر من 15 سنة واعرف معاناتك بالضبط كاني معك اقول لها لك اتركيها وربي بيعوضك لاتخسرين صحتك وبيئه المستشفيات القطاع الخاص كرف وتعب على قل راتب استقيلي فورا واقنعي ابوك باللتي هي احسن وقولي له اذا شايل هم مصروفي مابغى منك شي عشان ينحرج انا جاني ضغط الدم بسبب كنت متمسك بوظيفه العن من كذا خايف ما القى آكل وربي عوضني خير هذي الحياه يوم فوق ويوم تحت اهم شي لما تستقيلين كافئي نفسك الي صبرت على الوضع الصعب هذا كوفي والامطعم وكلميها انا اسفه يانفسي اني تعبتك مع الشركة او المستشفى التعبان هذا بتحسين براحه عجيبه والزمي سجادتك (الوتر) وادعي ربك وابكي وقولي يارب ابي استرنفسي واعز نفسي عن اني اطلب احد وانت شايف الوضع وادرى بحالي , يارب عوضني بأحسن منها وخلك دايما على الوتر, والضحى والدعاء والله يعوضك خير يارب |
رد: نفسيتي دمار
اول شي نظاما لزم يكون عندك وقت راحه والصلوات في وقتها واتصلي على مستشارك العمالي 19911 واشرحي لهم الوضع ولو صار فصل يمديك تسجلي في ساند ويصرف لك راتب لمدة سنتين
|
رد: نفسيتي دمار
ايش اسم المستشفى هذا
|
| الساعة الآن 10:43 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين