|
تكفون ابي اي وظيفه عسكريه تجنيد
يا اخوان انا متخرج من الثانويه عام 1433 يعني 7 سنوات بالظبط صارلي متخرج وللاسف ضعيت نفسي دخلت جامعه وفصلت ودخلت تقنيه مرتين وفصلت وتوظفت بشركات واستلمت حافز واشتغلت كداد ما خليت شي والعسكريه قدمت على القطاعات الحلوه مثل القاعده الجريه شرطة عسكريه مرتين وما انقبلت نهائي بس مبدئي وقدمت على الامن العام مرتين وردوني عشان الطول ناقص 2 سم وقدمت على الطوارى برضو ردوني المهم ما قبلني الا سلاح الاشاره و التموين والدفاع الجوي هذا الكلام قبل 5 سنوات وكلها سحبت عليها لعلي احصل على افضل منها خصوصا الداخليه المهم راحت الايام والحين صرت ابي اي وظيفه حكوميه واستقر وينزلي واتب اخر الشهر زي الخلق لان الشركات ما توكل عيش خصوصا لاصحاب الموهلات العاديه ثانويه دبلوم بكالوريوس الشركات ما تنفع الا لاصحاب الشهادات الهندسيه و زي كذا
المهم قدمت على التجنيد الموحد 3 مرات ولا انقبلت ولا مره مدري ليش وقدمت على الحرس الوطني باقي بياناتي موجود من عام 1436 ما جاني قبول ولا رفض والله محتاج وظيفه بسرعه 7 سنوات تغيرت فيها حاجات كثير حتى المجتمع تغير وانا ما زلت على حالي وش الحل ابي احد يدلني كيف اسوي انا الاحظ حتى الجيش قام يتغلى والله تعبت وعجزت وانا في حالة مزريه تكفون الي عنده حل لموضوعي |
رد: تكفون ابي اي وظيفه عسكريه تجنيد
لو الدنيا باقي على خبري كان رحت قدمت على التجنيد حق الجيش بس كل شي صار بالتقديم الموحد و 3 مرات قدمت ولا قبلني كلها احتياط اولي مدري الى متى يعني هل هي واسطات والا كيف انا اخبر الجيش قبل تقدم ملفك بالقياده وتسوي كشف طبي وتتوظف على طول في اي وحده والان كل شي تعقد
|
رد: تكفون ابي اي وظيفه عسكريه تجنيد
العسكرية مع التجنيد الموحد صارت تطلب معدل ونسبة عالية سواء في الشهادة او قياس |
رد: تكفون ابي اي وظيفه عسكريه تجنيد
يارجل انا زيك ومتخرج من 1433 ، دورت على وظيفة عسكرية لين ما دخت اما يردوني طول واما معدل تعبان الى ان وصلت الى قناعة ان العسكرية ماهي كل شئ ، والله سبحان وتعالى قدر لي اني اخلق بهاطول 167.7 وهو ادرى بمصلحتي القطاع الخاص بأذن الله يتحسن ، هو صح ان الشركات بالقطاع الخاص تعبانه. الا ان في كثير شركات تعطي مميزات ورواتب احسن من العسكري بمراحل كثير ..... والقادم مع رؤية 2030 واستقطاب شركات اجنبية عملاق يعطي امل كثير فأنا حاليا ادرس دبلوم من معهد خاص ولغة انجليزية ، ومتفائل بخير ان شاء في السنوات الجاية وتذكر يكتب الله للعباد أرزاقهم وهم في بطون أمهاتهم: فإنّ العبد قبل أن يُولَد يُكتَب رزقه وأجله وجنسه هل هو ذكرٌ ام أنثى، وذلك لما روى البخاريّ ومُسلم عن رسول الله -عليه الصّلاة والسّلام- أنّه قال: (إنَّ اللَّهَ عزَّ وجلَّ قد وَكَّلَ بالرَّحمِ ملَكًا، فيقولُ: أي ربِّ، نُطفةٌ، أي ربِّ، علقةٌ، أي ربِّ، مضغةٌ، فإذا أرادَ اللَّهُ أن يقضيَ خلقًا، قالَ: قال الملكُ: أي ربِّ ذَكَرٌ أم أنثى؟ شقيٌّ أم سعيدٌ؟ فما الرِّزقُ؟ فما الأجلُ؟ فيُكْتبُ كذلِكَ في بَطنِ أمِّهِ) :w |
رد: تكفون ابي اي وظيفه عسكريه تجنيد
زيك انا مش حالك بالقطاع الخاص لين الله يفرجها أخص بكلامي شركات العطورات درعه الماجد نخبة العود العربيه ...الخ السبب انتشر فيها التوطين والسعوده وترقيات مدراء
|
| الساعة الآن 08:43 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين