|
رايكم .. اخواني واخواتي .. تكفون .. لا تبخلون ..بوجهة نظركم
شباب يعطيكم العافية على تفاعلكم مع المواضيع .. بكل جديه .. انا ابي رايكم حسب خبرتكم ومعلوماتكم انا عمري 25 خريج ثانوية عامة .. ودورة حاسب الي 6 شهور .. وخبرة عمل لمدة 4 سنوات .وكنت على رأس العمل في شركة صناعات حديدية بدون تأمين صحي واجتماعي براتب 4000 قدمت على شركة زين عن طريق احد الايملات المنتشرة .. وتم الاتصال بي من قبلهم واجراء مقابلة على الهاتف ..بعدها طلب مني الحضور لمقابلة اخرى .. وبعدها ذكر لي انها ليست وظيفة وانه برنامج تدريبي .. لمدة شهر بمكافئة 2000 وطلبت التسجيل لكسب الخبرة .. خضنا الدورة لمدة اسبوعين ... وبعد ذلك بدأ عرض الارقام المميزة وكنا نساعد العملاء على الحجز عن طريق الموقع عن طريق الهاتف وبعد انتهاء الشهر طلبوا من اي شخص يرغب في التمديد لشهر اخر .. يسجل اسمه .. كان العدد 250 شخص .. وتم ترشيح 80 شخص .. للتمديد لشهر ثاني .. وكان اسمي من ضمنهم .. ولله الحمد .. اكملنا الشهر الثاني .. وكان تدريب على برامج الشركة (التي تدرب عليها الموظفين لمدة 8 اشهر ) وكنا نأخذ كل يوم برنامج لمدة اسبوع .. واسبوع اخر تطبيق .. وبعدها جاء الافتتاح وعملنا معهم .. لمدة اسبوعين فقط .. بعد ذلك شكرونا وطلبوا منا التوجه لشركات مشغلة لشركة زين لأستلام المكافئة .. بعد استلام المكافئة .. تم الاتصال بي وطلبوا مني العودة لحاجة الشركة لموطفين خلال رمضان فقط .. براتب 2000 ريال .. واوفر تايم .. 400 عدت لكسب الخبرة .. فقط . وكنت اعتقد انه تم الاتصال بجميع الموظفين السابقين .. لكن لم اجد سوى25 شخص .. وعملنا الى 27 رمضان .. .. وتم عمل اجتماع للتقديم الشكر . .وصور جماعية .. واستمارات لمن يريد .. الاكمال في زين .. وقام الكل بتعبئة الاستمارات .. ..وقالوا انهم اذا احتاجوا موظفين خلال الفترة القادمة ستكون الاولية لنا .. وطوال الفترة التي تواجدنا نعهم نسألهم عن الوظائف .. ويجيبون لا يوجد وظائف .حالياً بعد العيد بأربعة ايام .. تم الاتصال بي من قبل شركة مشغلة .. لزين من اجل العمل في زين وطلبوا شهادتي وخبراتي .. وقمت بتقديم جميع ما لدي صباح يوم الخميس .. 8/10 وقمت بتوقيع العقد .. ؟ وانه علي المباشرة في شركة زين يوم السبت 10/10 بعقد غير محدد المدة ..وبراتب 4000 اساسي .. وحافز 2000 وبدل شفت 350 ولكن ؟ في الساعة الثامنة تم الاتصال بي من قبل مسؤول علاقات العملاء .. يفيد بأنه قد يتم الغاء عقدي بسبب عدم حصولي على الشهادة الجامعية .. وبعد الذهاب لشركة زين دخلت على مدير خدمات العملاء وذكرت له ماحصل ..قال لي انه هو من طلب من الشركات المشغلة عدم قبول اي شخص في خدمة العملاء .. (كول سنتر) الا ان يكون جامعي او دبلوم+خبرة سنتين نفس المجال +لغة انجليزية وذكرت له اني شهادتي .. ثانوية عامة .. وشهادة حاسب ..ودورة محاسبة مبسطة 3 اشهر وطلب مني الانتظار .. قليلاً وطلب من المشرف عيلنا ايام الدوام السابق في الصيف ان يحضر لديه وبعد ذلك ذكر لي انه لا مانع من تواجدي .. معهم وانه يستثني تلك الشروط مني .. ؟ (للمعلومية لم يتوظف سوى 4 اشخاص من الزملاء السابقين .. الـ 280) الزبدة .. وش رايكم هل الوظيفة .. تعتبر .. امان .. ويقدر الواحد يتزوج .. ويستقر .. ولا تخوف .. لأني محتار مدري وش اسوي هل انا موظف زين ولا شركة رواسي .. ولا راح يستغنون عني بعدين لما يتقدمون ناس جامعيين .. والله محتار .. وعايش قلق نفسي اتزوج واريح .. ولا وش اسوي |
إذا تبحث عن الامان فكل القطاعات الاهلية مافيها امان وظيفي
- أهم شيء ومن واقع خبرة لازم يكون معك نسخة من اي عقد توقعه و تنتبه لكل كلمة فيه قبل التوقيع ولا تهمل هذا النقطة - حاول ان تاخذ دبلوم من اي معهد موثوق لتدعم مؤهلاتك أكثر - وبالنسبة للزواج اذا عندك بيت مٌلك وسيارة توكل ع الله وتزوج هذا رأيي وأكيد الاخوان راح يفيدونك اكثر والله يسر امورك للأفضـــل .... |
استاااذي خليك معهم وتوكل على الله ... ترشيحك اكثر من مره دليل على اثباااتك لجدارتك وكفاءتك .. فلا تضيع الفرصه وبعدين اخوووي اذا قدرت تكمل دراستك انتساااب موازي اي شيء لا تقصر دامك ما شاااء الله مثااابر وطموح ولا تنسى الإستخاااره ربي يوفقك ويرزقك من فضله |
ومن يتوكل على الله فهو حسبه
خليك صادق وواثق في الله , فالله لن يخذلك ابداً , تبغى تتزوج اتزوج , رزقك ماهو بيد مدير خدمة العملاء ولا مدير شركة زين نفسها , رزقك عند مقسم الارزاق انت وزوجتك ومن تعيل , اتوكل على الله واخطب واتزوج وعيش حياتك :) |
مشكورين اخواني .. ويعطيكم العافية ..
قاتلة البطالة: ابشرك .معي نسخة من العقد ومختوم .. بس اعتقد ان بيت وسيارة بدون دخل شهري .. يفوق الـ 4000 .. لا تكفي لحياة .. زوجية |
بيت ملك اجل مقلعه انتي من بها الزمن عنده بيت ملك :)
|
خلك وياهم
|
استغفر الله و أتوب إليه
|
اخي الكريم في البدايه ادعولك بالتوفيق في حياتك العلميه والعمليه ...
اما بالنسبه لانهاء العقد غير محدد المده بس عدم حصولك على الشهاده الجامعيه فهذا يرجع الى بنود العقد الذي تم التوقيع عليه من قبلك فاذا كان متضمن هذا الشرط فيحق لهم اما ان كان لم يتضمن هذا الشرط فلا يحق لهم فصلك بسبب عدم حصولك على الشهاده الجامعيه ..... بالنسبه للأمان الوظيفي اعتبر ان شركه زين من الشركات الكبيره والتي تعتبرشركه آمنه وظيفياً لمن يثبت جدراته ... في النهايه كل الامور بيد الله استخر وتوكل عليه ... |
| الساعة الآن 06:41 AM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين