الدعم السكني
السلام عليكم ورحمة الله وبركاته استفسار لو تكرمتوا
اتصل علينا الاسكان وقالوا ان الوالد مدعوم وروحو البنك هل الذين مشمولين براتب الظمان يعطونهم الدعم السكني ولا لا ؟ هل البنك يعطيهم وشكرا |
رد: الدعم السكني
وعليكم السلام
مرحبتين طامي ياليت تمرون على مخيم سكني وهم في كل مدينه منتشرين وتوجيه الاسئله لهم وعن السكن الممنوح لوالدك وعن نوعيته لأن المساكن التي يقدمونها تختلف فيه ارض وقرض وفيه شقق جاهزه احد الاقرباء عطوه شقه بعماره ويدفع شهريا لهم 3200 ريال ولمدة 25 سنه وبمبلغ 960000 ريال البنك مايعطي شئ ببلاش وبعدين ليه مايتم ضمكم للاسكان التنموي والقسط حسب ماسمعنا 200 ريال المهم قبل توقيع العقد لاتوهقون انفسكم بأشياء لاطاقة لكم بها الله يوفقكم |
اقتباس:
|
رد: الدعم السكني
اظن هم يحولوه للتنموي طالما انه من مستفيدي الضمان
ومثل ماقلت لك اول خطوه راجعوا ( سكني ) وخذوا العلوم منهم وعن كل شئ |
رد: الدعم السكني
اقتباس:
من المفترض الذي اتصل عليكم يخبركم الى اَي جهه تمويلية تقبل مستفيدي الضمان وحسب فرع الاسكان في منطقتي ان مستفيدي الضمان الذين لديهم ضامن او كفيل تقبله بعض شركات التمويل اما البنوك لا تقبل تمويل مستفيدي الضمان |
رد: الدعم السكني
اما سالفة ان جميع مستفيدي الضمان يتم تحويلهم الى الاسكان التنموي غير صحيح لان الذي يستفيدون من الاسكان التنموي المسجلين في الجمعيات الخيرية سوا كان في الضمان او غيره لان الجمعيات لها منصة خاصة بها في موقع الاسكان التنموي ومن نفس المنصة يظهر المستحقين من الاسكان من مستفيدي الضمان ويتم الاختيار حسب الاشد حاجة للسكن
يعني تكون من مستفيدي الضمان وغير مسجل بالجمعية الخيرية ما راح يطلع لك سكن من الاسكان التنموي كل شيء متعلق بالإسكان التنموي لايوجد فيه شفافية خاصة انهم لم يذكرون من البداية انه لازم يكون مستفيدي الضمان مسجلين بالجمعية أولاً حتى يحصلون على سكن آسفة على الإطالة |
رد: الدعم السكني
والله هذي افاده الاسكان انه يتم تحويلهم عاد اذا هناك نظام لديهم جديد وتحت الخفاء ماعندنا خبر عنه
|
الساعة الآن 05:18 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين