حلول البطالة Unemployment Solutions

الشاعر : يحيى بن شيبان

يا إلهي وانت ما غيرك قوي
يا عليم بكل ما عبدك خفاه

جير عبدك من دروبن تلتوي
وثبت اقدامي قبل يوم الوفاه

ومدّني من كل خيرن يستوي
وأجبر بقلبي اذا بيّن خفاه

عند ربي حاجتن ما تستوي
القلوب اللينه وأهل الجفاه

راعي النيات ينويها نوي
في فؤاده ثم تنطقها شفاه

كل غاوي في مكانه منثوي
وكل شيطانن تلقى من لفاه

وش بلاها الناس قامت تلتوي
ما درو إن بآخر الدنيا وفاه

كل نفس إبليس لاويها لوي
إلا حرّن مؤمنن والله كفاه

يا بومفلح تكفى ياعز الخوي
من صروف الوقت عضيت الشفاه

أتصبر كن في صدري شوي
لو تجيب النيل ما ظني طفاه

ريقي اللي ناشفن ما يرتوي
لو توقفني على النهر وضفاه

وإنفجار حيل تسمع له دوي
من عظيم الصوت ولينا حِفاه

شفني والأيام في شد قوي
ومرتن كنها سواة السلحفاه

اشهد انها ما تهيت للقوي
لو يجيه العون من كل حلفاه

الرخوم اطويها بالدنيا طوي
والحرار مكرّمة فوق الصفاه

الصديق نعزّ شانه والخوي
يشهد الله ما لحقنا في قفاه

يا ابن آدم لا تحسبنك قوي
دنيتك هذي سواة الزخرفاه

إحفظ لسانك قبل فيك يهوي
وفي كلام الغيب لا تحرك شفاه

https://www.youtube.com/watch?v=5-sTAIHiydI&