رقيب فني في الصواريخ ابي افصل المهنة متسبب
 

اذا كنت بتفصل على شان ما عطوك مستحقاتك
ترا كل القطاعات كذا
اول ٣ شهور ما يعطونك يجمعونها لك و يعطونك دفعه وحده

و اذا كان ما عجيك المكان او التخصص ما تقدر تفصل و تغير القطاع صعب جدا الا اذا معك واسطه تشق الصخر

لانه اي وظيفه عسكريه تشرط انك ما خدمت في اي قطاع عسكري اخر

و عصفور باليد احسن من الف على الشجره ما تضمن كم بتجلس عاطل حتى تلقى وظيفه اخرا و فيه كثير يتمنون مكانك

رد: رقيب فني في الصواريخ ابي افصل المهنة متسبب
 

ماعلي من المستحقات المكان ماعجبني وطبيعة العمل وانا لازلت متسبب ماني عسكري ؟

ليش ما اعجبك اخوي ي ليت تقول لنا تجربتك عشان نستفيد
انت دخلت دوره ولا باقي
وين عينوك فيه
وايش طبيعة عملك
وايش تخصصك
ي ليت تفيدنا
واسفين ع الاطاله ..

رد: رقيب فني في الصواريخ ابي افصل المهنة متسبب
 

وعليكم السلام ورحمة الله وبركاته
اذا كنت لاتزال طالب بالدورة ولم تتخرج ممكن تمسك الباب وامرها بسيط
ولكن اذا كنت تخرجت وحملت رتبة رقيب وعين في قطاع اين كان ذلك القطاع لاتستطيع الفصل حتى تمضي مدة خدمة العلم 4 سنوات
بعدها بإمكانك تفصل خلاف ذلك لاتسطيع ... ولكن اذا لم تكن مرتاح بالقطاع الذي عينت فيه بإمكانك النقل لأحد افرع القوات المسلحة
طبعآ لابد من ( الوووووو )
ولكن نصيحة احمد الله غيرك ماحصلها لديه ابناء جامعيين تربويين اقسم بالله طايحين بالبيت حتى جنود لم يجدوا

رد: رقيب فني في الصواريخ ابي افصل المهنة متسبب
 

هلا اخوي .. الصواريخ بصراحة اماكن تعيينها نوعا ما تعتبر سيئة وفي مناطق نائية
وادي الدواسر .. السليل .. الدوادمي .. رنية .. الحريق .. وكلنا عارفين الشيء هذا ومقدر والله شعورك يا قلبي وعارف ان دورتك اربع شهور كانت في وادي الدواسر وكانت قوية جدا كما سمعنا
لكن ترا فيه ايجابيات في المقابل لهذه السلبيات
اول شي قطاع الصواريخ هو قطاع ممتاز جدا بالرواتب سواء للافراد او الضباط وبالذات للافراد لانهم مقارنة مع القطاعات الاخرى واحد برتبة رقيب صدقني ما يستلم نفس راتبك
ثانيا بالنسبة للعمل والدوام ما عندك شي غير صفة الصباح والتمام الصباحي بعدها تفطر وما عندك شي تتكي بالدوام وتمشي الساعة 12 الا اذا عندك استلام
وحتى يوم عندك استلام انت متكي بالقاعدة ما عندك شي تسويه او يتعبك زي القطاعات الاخرى
تخيل لو انك بالقوات البرية كل شوي يشنتلونك بمكان وغالبا في الحد وسط المعمعة والحرب بينما الصواريخ انت اخر خط في الحرب
كذلك الصواريخ قطاع جديد فيها دورات بالهبل وكلها مفيدة لك مادياً وعلمياً وتخليك تنسى بيئة العسكرية والعمل العسكري لفترة معينة وتقتل الروتين اللي كنت فيه
ايضا يا اخي الترقيات تمشي فيها بسرعة لانها تعتبر قوة جديدة .. وايضا هناك احتمال انك تنقل للقيادة بالرياض او قاعدة الصيانة الموجودة بالطائف وكلها تعتبر ليست من المناطق النائية يعني حياتك فيها بتكون حلوة
اما فكرة انك تفصل انا بصراحة ضدها نهائياً اول شي تعب الدورة اللي تعبته لين تخرجت كله يروح بادراج الرياح ثانيا لو فصلت الظاهر انك معد تنقبل بالقطاعات الاخرى وخلي في بالك قلة الوظايف وشحها بالوقت الصعب ذا
انا اعرف واحد مهندس حاسب اشتغل 6 سنوات بعد تخرجه بالشركات وما ارتاح وسحب عليها وراح رقيب في الصواريخ بتخصصه والان يعمل بقاعدة الطائف
الحياة كذا يا حبي وكل واحد ما ياخذ الا نصيبه وانا والله حاس بشعورك لكن خلك قنوع عسى الله يرزقنا واياك ويكتب لنا الخير
ثانيا القطاع يعتبر قطاع جديد والترقيات فيه ماشية بسرعة كبيرة

رد: رقيب فني في الصواريخ ابي افصل المهنة متسبب
 

دام باشرت فخلاص اي وقت بتتغير مهنتك الى عسكري وبتبلش
لو انك مابشرت يوم عرفت مكان تعيينك كان عادي تفصل ومثلك مثل اي شخص مدني

رد: رقيب فني في الصواريخ ابي افصل المهنة متسبب
 

اخوي هل انت مهندس