رايكم واقتراحاتكم في فتح متجر الكتروني لملابس اندية كرة قدم
 

مرحبا
اتمنى من الخبراء في عالم التجاره مايبخلون علي في النصائح والاراء المفيده ..
سبق قبل عام فتحت متجر الكتروني في الانستقرام خاص بملابس احد اندية كرة القدم في السعوديه وله شعبيه كبيره وكان يوجد طلبات ..
في البدايه كنت تائه ما اعرف من وين ابدأ في توفير الملابس ف كنت اعرف وحده عندها حساب في الانستقرام وتبيع ملابس طلبت في البدايه غرض شخصي لي منها وكلمتها ابغى افتح حساب مثلك واستقبل طلبات قالت بتعطيني ملابس وانا ابيعها وانها تتعامل مع شركه تبيع ملابس وتطبع ارقام واسماء حسب الطلب على الملابس ..
تكاسلت في المتجر الاكتروني واخذت خبره بسيطه والحين ناوي افتح من جديد وبشكل اقوى تقريبا بنفس الفكره ..
بس مشكلتي كيف اجيب الملابس من شركه او وين ؟
لان حساابات الملابس نفس المجال الي ابيع فيه كثير اقدر اخذ منهم وابيع بس احس طريقه خطأ
وش نصيحتكم لي ؟ وشكرا
وعذرا على الاطاله

رد: رايكم واقتراحاتكم في فتح متجر الكتروني لملابس اندية كرة قدم
 

فكرة انك تاخذ من واحد يبيع مثلا ب 100 وانت تبيع ب 120 مثلا
غلط
انت ماستفدت + 20 ريال ولا شي الا اذا كان باليوم 20 طلب ممكن.

اما بالنسبه لـ من وين يجيبون الملابس - هذا السؤال لكن الافضل تسأل المحلات الرياضه بالشارع لو تعطيه 50 ريال بيعطيك رقم الموزع ويتكلم معاك بجدية.

رد: رايكم واقتراحاتكم في فتح متجر الكتروني لملابس اندية كرة قدم
 

انا افكر مثلا اخذها من واحد يبيع ي 100 وانا ابيع مثلا 150 مع سعر التوصيل يكون مرتفع شوي
اشوف كبدايه كويس اذا فيه طلبات مو شرط 20 طلب لان مره صعب اوفرها وحتى لمتجر جديد صعب
اضافه لذلك اذا احد يبي طلب لازم اتواصل مع المتجر الي اشتري منه عشان يوفرها وبعدين ابيعها للعميل يعني يمكن يكون تاخير شوي

رد: رايكم واقتراحاتكم في فتح متجر الكتروني لملابس اندية كرة قدم
 

من وين يجيبون الملابس ؟ فيه متجر الكتروني يبيع ملابس في الانستقرام نفس المجال الي بشتغل فيه
قال لي اسمه الشركه
بس اخاف اطلب كميه كثيره من الشركه وما اقدر ابيعها

الكمية على المزانية اللي عندك، وهل فيه طقم جديد راح ينزل؟؟
تعرف لو تشتري كمية وبعد كم شهر ينزل طقم جديد بتتعب بتصريفهم،

حط في بالك،
العمولة كتالي:
مستورد او مصنع ==> الوكلاء او الشركات ==> موزعين ==> المحلات

الافضل تبحث وتتعمق حتى توصل للمصدر لن بيكون رخيص وتقدر تنافس، لن مستحيل احد يبي لك براس مالها الا اذا للتقبيل.

كل ما تشتري اقل تقدر تسوي عروض وتسوق متجرك بسهولة،

يعني لو تشتري ب 100 وتبيع 120 ريال صعب صعب جدا تسوي عرض

اشتريت منتجات اسعارهن من ٨ الى ١٣ ريال وابيعهن على ٦٠ و ٨٠ ريال واقدم توصيل مجاني وبعضهم يبي يدفع حق التوصيل وهذا شيء راجع له.
وصحيح اسعار مرتفعة لن بيعهن ياخذ وقت. وان بعت رخيص قالوا جوده ضعيفة.

تخيل رحت متجر النادي الرسمي قلت عندي متجر إلكتروني ويشتري منك بالجمله قال اقل شي تشتري 50 الف ؟
وين سلامات كلام غريب مع ان المتجر ملابسه جميله وماركات بس المفروض فيه مراعاه
أصلا الحساب البنكي بكبره مافيه 50 الف
ولو فيه 50 الف فكرت في تسديد مخالفات ساهر ماحطيتها في ملابس شي مو مضمون

طيب وش رأيك في فكرة السوق الصيني في البحرين و دبي يقولون رخيص وحلو للتجاره بحيث تشتري رخيص وتبيعها بسعر أفضل

رد: رايكم واقتراحاتكم في فتح متجر الكتروني لملابس اندية كرة قدم
 

up up up up up up up

حلوه بس كيف بتشتري؟؟

اذا بتسافر وتشتري بتكون مكلفة الا في حال مسافر سياحه
بتشتري اون لاين ممتاز بس برضو لزم تحسب حسابتك، هل الملابس تبيعها بسهوله؟؟

اشتريت كيابل (بدون ماركة) وعجزت اصرفهن، وصرت اوزعهن هدايا مع منتجات اخرى،

الملابس مشكلتهن بالمقاسات، كنت بشتري 200 حبه كل 5 حبات شكل واستايل بس اكتشفت ان المقاس صغير جدا، المنتتج مقاس وان سايز ولكن هنا بالكثير مقاس ميديم يلبسه واكثره بعضهم سمول.

تقدر تشوف محل قريب منك صور منتجاته واعرضهن والطلب عن طريقك.

وبكذا تكون ماخسرت شيء فقط وقتك

ايه اذا بسافر سياحه وتجاره بنفس الوقت
المشكله اذا خذيت بضاعه وكميه مكلفه ومابعتها صعب أرجعها وهاذي مشكله ..
بخصوص اشوف محل قصدك محل او متجر إلكتروني في حسابات التواصل الاجتماعي ؟

شكلك خسرت في مشروعك وش كان المشروع وكيف تقييمك له

اقصد تأخذها من محل اسرع واريح، لن بتشتري من الانستجرام بتكون خسران وربحك قليل ولا يسوى.

الحمدلله مافيه خسارة لني طالب كمية من كذا كم نوع وابيع فيه اشياء غطت الخسائر،

وبالعكس اللي ما قدرت اصرفهن احطهن هدايا مع منتجات اخرى، لكن اذا منتجين قيمتهم واصلين للبابي 35 ريال وابيعهم والصافي 51 ريال (السعر 65 ريال بس سوق كوم ياخذ عمولته) يعني مافيه خسارة