لمستفيدات الضمان مطلقه ارمله التسجيل بسكني حياكم
السلام عليكم ورحمة الله وبركاته العنوان واضح بموضوعي ما ابي اطول عليكم وكتبت هالشي لاني ابي لكم الخير اللي مطلقه او ارمله بعلمكم الطريقه للتسجيل في برنامج سكني واللي يخص مستفيدات الضمان طبعا وحدات سكنيه اول شي تروحين لمكتب خدمات ويفضل لو اللي بالمكتب سعودي اولا ابن الوطن وبيعلمك كل شي عن هالبرنامج حتى لوخبرته بسيطه ثانيا لو انتي مطلقه او ارمله تاخذين كرت العائله اللي مذكور فيه اسماء البنات والاولاد علشان على حسب عددكم يختارون لكم عدد الغرف ومرافق الوحده واللي عرفته انه اما 6 غرف او 3 غرف وتاخذين كل شي معك مثل صك الترمل او الطلاق وصورة هويتك وكل شي يخصك تصورينه واذا فيه شهادة وفاه هاتيها معاك الزبده لا تخلين شي الموظف بالمكتب راح يسجل بيانتك ويسئلك عن الدخل احنا قلنا 3 الاف عاد حسب دخلكم اول مايسجلك بموقع سكني بعد دقايق بيطلع انك مستحقه او لا يعني شلون؟؟؟ يعني اذا انتي مستحقه للسكن بجميع ظروفك سواء مطلقه او ارمله هنا نقول الامور ماشيه تمام ثالثا نجي للخطوه الاهم والمهمه جدا جدا لازم تكوني مسجله في جمعيه خيريه حسب منطقتكم لان اول ماتكوني مستحقه ثاني يوم تروحين للجمعيه وتاخذين الورقه اللي مكتوب فيها انك قدمتي على البرنامج ومذكور فيها كلمة مستحقه او استحقاق طبعا هذا في حالة اذا كان لك ملف سابق بالجمعيه او تسجلين لان الجمعيه والاسكان بينهم ربط معلومات في حالة معرفة ظروف الاسره المستحقه خلاص الحين خلصنا من كل شي بتنتظرين توصلك رساله من سكني بالموافقه واللي عرفته بعد شهرين يردون اما برساله او اتصال انك اتاهلتي للسكن وممكن المده تطول نجي الحين لموضوع السكن بتطلع معك مندوبه او مندوب عشان تختارين شقتك راح يورونك الشقق اللي غرفها صغيره او كبيره طبعا هالمعلومات جبتها من صديقة الوالده علمتنا جزاها الله خير ومادري حسب كل منطقه عاد انتي وحظك اذا مندوبه قشره او طيبه بالنسبه لاختبار مكان وحدات السكن يتم بشكل عشوائي شلون يعني؟؟؟ مثل في حي النسيم او السويدي انتي ماتختارين على كيفك لا القرعه عشوائيه طبعا بما انك تاخذين ضمان وهذاا مصدر دخلكم الوحيد بيخصمون 200 ريال والشقه او الوحده السكنيه بتنكتب باسمك وكل منطقه لهم طريقتهم وتعاملهم في هذي الامور ملاحظه= رحت انا وامي وسجلنا وطلع لها مستحقه وللحين ننتظر ردهم ودمتم بحفظ الله |
رد: لمستفيدات الضمان مطلقه ارمله التسجيل بسكني حياكم
وعليكم السلام
الله يجزاك الخير كله وفي ميزان حسناتك يارب بالتوفيق للجميع |
رد: لمستفيدات الضمان مطلقه ارمله التسجيل بسكني حياكم
وعليك السلام
في شي مهم لا اعلم عن صحته ولازم تتاكدون وهي اذا الام قبلوها بالاسكان و مضاف معها بنات مطلقات يمكن تجي رفض الام وتروح عليها السكن لان احد بناتها قدمت و طلعت من الام لازم تتاكدون قبل لا تقدمون |
قبل سنة تقريبا الجمعية الخيرية حولونا على الاسكان التنموي واتصلوا ورحت واخترت الحي والشقة وقالوا نخصم 200 من الضمان وان شاء الله نتصل خلال شهر اوشهرين وتستلمين الشقة والحين سنة ماحد دق
|
رد: لمستفيدات الضمان مطلقه ارمله التسجيل بسكني حياكم
مساك خير
وين نروح لمكتب ايش الله يسسعدك مع الشكر |
رد: لمستفيدات الضمان مطلقه ارمله التسجيل بسكني حياكم
اي مكتب خدمات
|
اقتباس:
|
رد: لمستفيدات الضمان مطلقه ارمله التسجيل بسكني حياكم
اقتباس:
اهلين اخوي لما امي قدمت في هوية ابوي اختي موجوده ومتزوجه وللحين على التبعيه القديمه ما انشالت وبعد اخوي بالهويه الله يرحمه والقصد من ذا كله حالة المتقدمه هل هي تستحق او لا وصديقة امي بنتها مطلقه وقبلوهم واخذو سكن |
رد: لمستفيدات الضمان مطلقه ارمله التسجيل بسكني حياكم
اقتباس:
ياغاليه لاتسكتين على حققك اتصلي بالاسكان شوفي وش المشكله واذا ماتجابوا ارسلي خطاب للديوان الملكي لاتسكتين خليك وراهم والمساله توافيق ولعلها خيره وبتاخذين السكن ان شاء الله بس تواصلي معهم او قدمي للديوان |
رد: لمستفيدات الضمان مطلقه ارمله التسجيل بسكني حياكم
اقتباس:
الا تقدرين بس القصد لانهم عاررفين طريقة التسجيل بعيد عن الحوسه ووجع الرراس |
الساعة الآن 07:49 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين