السلام عليكم

مساء/صباح الخير

قبل سنه تماما قدمت على التجنيد بعد ما تم الاعلان عنه وشفت الموضوع في المنتدى الله يجزا من قام فيه بالخير

والحمد لله انقبلت في معهد طيران القوات البريه

وكانت اول مره اسمع بالمعهد او بالاصح اول مره ادري ان البريه عندها طيران .
عموما بحثت وبحثت وبحثت ما لقيت معلومات الا قليله جدا و قديمه

الان اتممت سنه بحمد لله و الامور ماشيه ومعد بقى زي اللي راح

نبدأ فالموضوع المعهد يحتاج لغه وهذا اهم شي حتى بعد التخرج و التعيين طبيعة العمل تحتاج لغه و الترقيات تختبر لغه وكل مره مطلوب تحقق درجه اعلى اذا ما عندك خلفيه في اللغه او قابلية تعلم اقولك ما ينفعلك ،نظام الدراسه سابقا اذا رسبت في ثلاث كتب متواصله او خمسه متفرقه يتم استبعادك ولا يوجد تحويل ولا يحق لك المطالبه بشهادة فرد اساسي ،النظام الحالي تقسم كل ستة كتب مستوى مثلا الكتاب رقم ١ الى ٦ هذا المستوى الاول، المستويات تطلب منك معدل درجات اختباراتك ونفترض رسبت في كتاب في المستوى الثاني لكن جبت المعدل ،بمجرد بدء مستوى جديد لا تحسب عليك الكتب الي رسبت فيها و النظام ممتاز افضل من السابق ،بعد ما تخلص من 24 كتاب تختبر اختبار مافيه صعوبه الي هو اختبار ALCPT ومطلوب تجيب 65 ولو رسبت يعيدون لك الاختبار لين تنجح ، بعد مرحلة اللغه يصدر قرارك وتحضر على وحدتك تعلق الرتبه وتجلس تقريبا شهرا وبعدها ترجع المعهد تدرس مصطلحات طيران ثلاث اشهر بعدها ترجع تحضر على وحدتك شهر او شهرين وبعدها ترجع المعهد تدرس تخصص دوره تأسيسه وتتخرج بعد رحله طويله لكن هذي كلها تمهيد خلال عملك الترقيات تطلب مستوى فني معين ، فالبدايه اول ما تتخرج وتروح وحدتك يتم تدريبك في فتره تبدا من 9 اشهر و كحد اقصى سنه و شهرين لابد تتقن تخصصك بعدها تختبر على المستوى الفني العشرين، مشوار التخصص طويل لكن السلاح يستاهل المجال ممتع ،اذا دخلت بعمر صغير تعلق النجمه وتوصل رايد ونت تضحك فيه ملازم اول في جنناح التعليم من خرجين المعهد وعمره الان ما يتعدا 35 ،اهم شي الدورات و البعثات موجوده بكثره خصوصا الا****ي لانه تم تحديثها ,اخيرا بعض التخصصات مطلوبه في القطاعات الخاصه ،

اخيرا ايا استفسار اخواني انا موجود وفي خدمتك

وش يخرجك المعهد فني صيانة؟

وكيف طريقة التقديم عليه لاهنت و وش الشروط