خريجي كليات التقنية للأهميه !!
 

السلام عليكم ..
مساكم الله بالخير جميعا ..

تكفون الي يشوف موضوعي يرد للاهمية !!

أنا طالب متخرج من الكلية التقنية السنة الماضية تخصص برمجة حاسب الي.
وزي ما تعرفو جميعا الحين صار التقديم على الوظائف عن طريق ابشر ..
و انا كل ماقدمت على وظيفه بشاهدتي الدبلوم ما انقبل ابدا حتى ما يرسلو لي رسالة بعدم القبول مدري وش السبب؟؟؟
وإذا قدمت على الوظائف الي بشهادة الثانوية انقبل على طول و بدون مشاكل .
بس المشكله انها (جندي) و انا شهادتي (دبلوم).

سؤالي الاول :
هل ف احد منكم مرت عليه نفس المشكله او يعرف احد وضعه زي وضعي و لقي حل ؟

سؤالي الثاني :
هل من الضروري تعديل مستوى التعليم لـ ( تعليم متوسط ) عشان انقبل بوظائف الدبلوم ، أو ان الاشكاليه ليست منها و إنما الله ما كتب لي نصيب !!

و هذي صورة من معلوماتي بموقع ابشر توضح ان المهنه طالب ومستوى التعليم (تعليم ثانوي).



https://5zznly.com/l5yJx


تكفون الي عنده حل لمشكلتي يفيدني والله طفشت من جلست البيت و كل يوم تروح مني وظيفه بسبب هالمشكله ولا ادري وش حلها .

الله يسعدكم سعاده ابديه و الله يعطيكم الف اللف عافيه :rolleyes:

رد: خريجي كليات التقنية للأهميه !!
 

الوظايف العسكرية الي في منصة ابشر مو كلها تكون بشهادة الدبلوم مرات تنزل وظايف على رتبة "جندي" ومرات مختلف الرتب لثانوي والدبلوم والبكالوريوس
وابشر يرسلك فقط في حال القبول اما في حالة الرفض يكتفون بالموقع بجملة "نعتذر لعدم قبولك"
اما بخصوص المهنة انا خريج بكالوريوس وكانت مهنتي لين فترة قريبه طالب تعليم ثانوي وكنت اقدم عادي ومرات يجيني قبول
يعني ماله اي علاقة المهنة لكن اشور عليك تروح الاحوال وتاخذ نسخه مصدقة من اخر مؤهل وصورة الهوية وبدون موعد يغيرونها على طول
بتفيدك اذا بتقدم على حافز وبوظايف القطاع الخاص
والله يكتبلك الي فيه الخير