عاجل جدا ارجو الرد
 

السلام عليكم
انا اشتغلت من تاريخ 6 يناير 2019 وطلبت عدم تجديد العقد فانتهى عقدي بتاريخ 5 يناير 2020
في اخر العقد طلبت اجازه 5 أيام انتهت في تاريخ 26 ديسمبر
تاريخ 27 و28 كانو اوف لي على السستم تم احتساب اني داومت الى 26 ديسمبر والراتب نزل ب29 ديسمبر
طلبت المخالصه يوم الخميس اللي راح قال عليك فلوس تدفعين لنا 895 ريال قلت انا لي مكافاه نهايه خدمه نصف راتب وهي الفين اخصمو منها الغياب رفضو قالو مالك مكافاه لانك ماكملتي الى اخر يوم في العقد مع انه عندهم الخطاب والأوراق وداخل في السستم عدم تجديد وقالو مانعطيك شهاده الخبره لين تدفعين اللي عليك اذا تهمك الشهاده او اطلبي اعفاء من المدير التنفيذي لاني قلت للمحاسب ماعندي فلوس (هو عندي بس قلت كذا )
صديقتي كانت تشتغل في المالية محاسبه انجنت تقول كيف مافي مكافاه وقالت اكتبي خطاب وروحي للمدير التنفيذي واشرحي كل شي ترددت على المدير والاتش ار والماليه وكلهم كتبو على الخطاب نفس الكلام انه ماتستحق مكافاه عشان يخصم منها الغياب وعليها دفع 895 ريال
المدير التنفيذي قال مالي صلاحيه اعفيك لكن في المدير اللي اعلى منه روحي له اذا بيعفيك بكيفه هو مدير الشركه المشغله للمكان
رحت انا وصديقتي وعطيناه السكرتيره
المهم انا في حال مااعفوني رح ادفع المبلغ خلاص كفايه بهذله
كلمت صديقه ثانيه لي قلت فلانه أصرت علي انه انا على حق وطلعت غلطانه تبهذلت واحراج مرررره وكل الموظفين والموظفات درو
انا عادي يدرون بس ماودي يحسبون اني ضعيفه ومحتاجه او شي من كذا واني مب قادره ادفع المبلغ
اللي فهمته انا ان هذا الغياب حسبوه من 27 الى 31 وهم معطينا الراتب قبل بتاريخ 29 فبيوني ارجعها لهم
انا نفسيتي تعبانه مررره تبهذلت وانحرجت وليتي ماسمعت كلام البنت
المهم ابغى اسال لو رحت اشتغل مكان ثاني مستقبلا يطلبون شهادات الخبره كلها وهل يتاكدون من عملي السابق اذا علي شي ولالا ؟
وانا ندمانه لان كل الموظفين والموظفات يوم شافوني جايه يقولون وش فيك والا يبون يعرفون وعرفو وانحرجت
تكفون افيدوني باي شي راسي بينفجر من كثره التفكير

رد: عاجل جدا ارجو الرد
 

الموضوع بسيط وما فيه إحراج هذي مشكلة تواجه أي موظف وأقترح تطلبين من المدير إعفائك من المبلغ وبالنسبة لشهادة الخبرة من حقك ومستحيل يكتبون فيها إن عليك مبلغ .. بالتوفيق

رد: عاجل جدا ارجو الرد
 

يا اختنا الغاليه
مكافئة نهاية الخدمة من حقوقك
اما الدين تقدرين تصرفينهم باي شيء