وظيفة كاتب أداري قطاع البحرية
 

السلام عليكم انا جامعي تخصص إدارة تقدمت على وزارة الدفاع قطاع البحرية الملكية على رتبة وكيل رقيب تخصص كاتب إداري أبي أعرف كيف الوظيفة في القطاع من ناحية الراتب مع البدلات والدوام يكون بالبدلة ولا عادي بالثوب ويكون استلامات ولا دوام رسمي من 8 الى 2 واضرب الباب وكيف اذا أبي انقل من تخصص الى تخصص مثلا انا كاتب إداري ابي انقل الى شرطة عسكرية وكيف نظام الدقيش اذا بتنقل من مدينة لمدينة مثلا جاء تعييني في الرياض وانا ابغى جدة كيف اسوي

رد: وظيفة كاتب أداري قطاع البحرية
 

عليكم السلام ورحمة الله وبركاته ، حياك الله

- دوام بالبدله .
- الراتب لا يقل عن 9000 الالاف ريال .
- دوام يومي من 7.30 إلى 2.30 .
- مافي تغيير تخصص لانك جامعي وتخصصك جداً ممتاز .
- التعيين على حسب منطقة الاحتياج ، يمكن الرياض او جده او الشرقيه او جازان .


وفالك التوفيق إن شاء الله :w

رد: وظيفة كاتب أداري قطاع البحرية
 

هل الجامعه رتبة وكيل رقيب ؟
انا اعرف الدبلوم
وفي الموقع موجود رتبة رقيب ؟ رتبة رقيب اي شهاده

رد: وظيفة كاتب أداري قطاع البحرية
 

للأمانه ما دخلت على معلومات التقديم الاخير اللي فتح ، ولكن توقعي الشخصي رتبة رقيب بتكون لـ المهندسين والممارسيين الصحيين يعني اللي دارسين اكثر من 5 سنوات ، ومعاي شباب الحين معاهم شهادة جامعية ومثلهم مثلي بالرتبة وكيل رقيب لكن وقت الترقيات الأولويه لهم بفارق نقطتين عني

وبالتوفيق لك :w

طيب يمديني بالدقيش انقل من الرياض مثلا الى جدة
مثلاً انا وكيل رقيب كاتب داري ف البحرية في الرياض أبغى جدة
وواحد ثاني في جدة نفس الرتبه ونفس التخصص ونفس القطاع ويبغى الرياض

رد: وظيفة كاتب أداري قطاع البحرية
 

ايه نعم تقدر تداقش اذا وافق رئيسك المباشر

طيب كيف نظام الدورات اللي بعد الدورة الأساسية يعني مثلا زي مظلي وامن وحماية يمديني اخذها ترفع من الراتب

رد: وظيفة كاتب أداري قطاع البحرية
 

تخصصك ما يتطلب انك تاخذ هالدورات ، لو انك قوات خاصه نعم تقدر تاخذها

طيب وش الدورات اللي اخذها في تخصص فني كاتب اداري مع الأصناف

رد: وظيفة كاتب أداري قطاع البحرية
 

تخصصي ليس كاتب أداري لكن اعرف زملاء بالتخصص ذا ، لك دوره وحده اللي هي دورة تخصصية وتاخذها بعد دورة الفرد الاساسي مباشرة

والتوفيق لك :w