ايش رأيكم بمشروعي ؟؟ ابي رايكم؟؟
السلام عليكم
عندي مشروع بس ابي اخذ رأيكم فيه عندي مبلغ حلو ودي استثمره واشتري سياره لنقل الموظفات او لتوصيل المشاوير واسوي عقد من المحكمه بيني وبين السائق سواء سعودي او اجنبي بحيث اني أعطيه السيارة يكد عليها ولي مبلغ شهريا خمس الاف السؤال كيف بيتم الإجراء بيني وبينه ووين اروح اي محكمه ؟ وايش اشتري نوع سياره عطوني افضل نوع يشيل موظفات وسياره تتحمل التعب ؟ وكم تكلفة الشراء ؟ وايش رأيكم بمشروعي حلو او لا ؟ عطوني رأيكم الله يرضى عليكم |
رد: ايش رأيكم بمشروعي ؟؟ ابي رايكم؟؟
ما في عقد اعطيك السيارة وتعطيني 5 او عشرة في تشتغل عندي بمقطوع مقابل توصيل مدرسات كذا لمكان كذا او تشتغل معي ولك من المدخول كذا.
الا في حال الشخص مملوك"عبد". |
رد: ايش رأيكم بمشروعي ؟؟ ابي رايكم؟؟
ايش قصدك بمملوك ؟ انا اقدر اجيب سائق من برى لكن ابي سائق من هنا علشان يكون يعرف الاماكن والاحياء
وقصدي انه يأخذ السياره عنده ببيته والي بس بيني وبينه مبلغي الشهري والباقي له علشان كذا لابد من العقد بيننا لحفظ الحقوق ايش رأيكم بنظامي كويس او فيه عيوب ؟ |
اقتباس:
ع حسب بكون التحديد راتب شهري او بالنسبة والافضل بالنسبة عشان في اوقات وشهور يقل فيها الطلب وعلى حسب تبيه يوصل طلاب وطالبات المدارس او الموظفات لاتنسى شي هالزمن البنات انسمح لهم بالسواقه ويرغبو بفتاة توصلهم يعني لو تلقى بنت افضل وفي فئة تفضل سائق افضل من بنت كله يعتمد على منطقتك مااقدر اقول مشروعك فاشل او ناجح يعتمد على المنطقة اللي ساكن فيها مثلا في منطقتي ماينفع هالمشروع بسبب كثرة السائقات |
رد: ايش رأيكم بمشروعي ؟؟ ابي رايكم؟؟
السلام عليكم
هل ما زلتي مهتمة بموضوعك اذا مازلتي امل مراسلتي وأين موقعك |
رد: ايش رأيكم بمشروعي ؟؟ ابي رايكم؟؟
مافيه اي عقود من المحكمة نهائيا
اذا تستقدمين سائق براتب وانتي تنشرين رقمك وتبحثين عن موظفات او طالبات وتتفقين معاهم لكن بدون عقود .. |
رد: ايش رأيكم بمشروعي ؟؟ ابي رايكم؟؟
ممكن تاجر السيارة على شخص مقابل مبلغ وقدره ويكون هو حر بالتصرف بالسياره ممكن تكون السيارة صالون او بيك اب او دينا . . . الخ ويكون بينكم عقد يكون فيه مسئول عن السيارة ويسلمها نهاية العقد كما كانت ويكون المسؤل عن الصيانة الشهرية للسيارة والاهم تسوي له تفويض من ابشر |
رد: ايش رأيكم بمشروعي ؟؟ ابي رايكم؟؟
الله يكتبلك اللي فيه الخير
مشروعك عزيزتي غير نظامي ولايمكن ان يتوثق لاعند محامي ولامحكمه لانه يعتبر تستر في حال كان العامل اجنبي، هذا يعتبر جريمه بحد ذاته غير التفاصيل الثانيه اللي ممكن تحصل من وراك بسبب السائق لان نقل الطالبات والموظفات مسؤولية صعب تسلمينها لشخص بعدين تخلين مسؤوليتك وتصير علاقتك معاه بس فلوس..ممكن تصير جرائم..مخدرات..ارهاب اقترح عليك تجيبين السائق على كفالتك والسياره.. وتقومين بالمشروع بنفسك ، وتاخذين الاجره بشكل طبيعي من التوصيل سواء طالبات او موظفات. الخيار الثاني، تجيبين لك شريك في مشروعك..بمعنى انتي تجيبين السيارة وشريكه تكون السائقه مثلا،، وتتقاسمون الارباح بالاتفاق. في حالة تبين الشراكه، العقد يتوقع ويتوثق عند محامي عشان تضمنون حقوقكم بان الله.. ااذا حبيتي معلومات اكثر..انصحك تحملين تطبيق منشآت وتسجلين فيه عندهم نخبه من الاستشاريين في المشاريع ومحاميين خيار ثالث، ممكن تجيبين انتي السيارة، وتوظفين عندك سائقه او سائق براتب شهري ثابت فااما شراكه او راتب ثابت عشان تصيرين بالسليم وبالتوفيق |
رد: ايش رأيكم بمشروعي ؟؟ ابي رايكم؟؟
اقتباس:
شرح وافي وكافي :Thumbs: موفق خير :w |
رد: ايش رأيكم بمشروعي ؟؟ ابي رايكم؟؟
خلي نيوف يكبر ويسوق الباص للبنات ،،،
هو المشروع ناجح حتى الآن كون فيه مدرسات بين مشاويرهم بين القرى لكن أفضل بالنسبة ،،،، لأنه في تطبيق الحين لسواقين الباصات مختصر الموضوع ،،، ثالثاً بنظام أبشر بخدمات المرور تقدرين تفوظين أشخاص يسوقون السيارات المالكة لك ،،، لكن حسب خبرتي للسعودين لأن الغير سعودين ممنوع حتى يسوقون سيارات كبيرة ملكهم مثل الجيوب الكبيرة والجموس عشان مايشتغلون فيها وتكون الفرص للسععوديين فقط ،،، |
الساعة الآن 11:29 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين