مشروع مكينة تجديد شاشة الجوال
 

السلام عليكم ورحمة الله وبركاته

فيه مكينة تجديد شاشات الجوالات الايفون والجالكسي
تغير الشاشة الامامي فقط حتى الان المحلات ماجابت المكينة
لان سعر تصليح الشاشات راح يكون اقل من تغير شاشة كاملة يكلف مبلغ كبير
واصحاب المحلات حتى الان يمنه متسترين عليهم يفك الشاشة الاصلي ويركب شاشة درجة اولى قيمة جوال جديد

ودي افتح محل واجيب المكينة وش رايكم هل الناس بتسوي تجديد شاشة او تغير شاشة الجوال بكامل ويكلف مبلغ التغير

هنا فيديو يوضح المكينة

https://youtu.be/FH1a01b0v90

رد: مشروع مكينة تجديد شاشة الجوال
 

الله يوفقك فكرة حلوة انا عن نفسي بختار اني اصلح الاصلية ولا اخذ تجاري واتوقع في ناس كثير ودهم بالشي هذا اتمنى ينجح مشروعك وراسلني اذا بديته عندي لك اربع جوالات يحتجون تصليح ههههههه

بالتوفيق....

رد: مشروع مكينة تجديد شاشة الجوال
 

شكلك مادريت عن السعودة!!!!
المكينة جابوها شباب يبيعونها ويصلحون الشاشات لأصحاب المحلات في سوق الجوالات وعندهم اجهزة توصل بها الشاشة وتكشف عليها اذا مضبوطة او لا في أمل تتصلح تغير وجه الشاشة(اللمس) ولا تغير الشاشة وهم أول من عزل من السوق. جرب ما تعسر مع غيرك يمكن يمشي معك. أما تحط العذاريب في ابويمن وابومصر وابو فلبن مصيبة اول ما سعودو الجوالات البطارية الي ب40 صارت ب 120 صار وسلك الشاحن ب15 وقبل السعودة 2-5 بعدها الغالبية يطلب من الصين. بأختصار ابو اي جنسية ما أخذ رزقك رزقك على الله ولا ما تقفلت أغلب المحلات مع أن الحكومة مخرجة الاف من المتدربين على الصيانة.

فكرة جميله في ناس كتير ماتعرف الفرق اذا اصليه او درجة أولى
المهم الجودة.. فأنت دايم ركز على الجودة عشان يصير لك قاعدة جماهيرية وولاء عملاء