طريقة تصريف التمور وبيعها
 

السلام عليكم
انا شاب ودي استغل هالموسم وابيع التمر بس مالقيت طريقه اصرف به التمر ، نزلت اعلانات بحراج ماحد تواصل معي وولا ادري وش اسوي.
انا اجيب التمر من عنيزه وساكن بالرياض ، التمر بدون كيماوي حسب كلام الرجال وانه الي يبي يفحص يفحص وينزل به هو لسوق عنيزه ، وولا ادري شلون افحصه وكم بيكلف الفحص، لاني ماودي ابيع شي يضر الناس واصير كسبان بذنوب.
وكان عندي فكره بيع التمر بالكويت بس مادري شلون اشحنه وولا اعرف شلون اصل للزباين الي هناك
ماعندي راس مال الا 1000 ريال وودي باي مشروع ، سبق وان فكرت بالجح والمنقا لكن نفس الفكره مادري وين اصرف البضاعه وخصوصا انه بضاعه حساسه وممكن تخرب

وسؤال اخر ، كم يقعد التمر على بال مايتغير ؟

والله يجزاكم خير

رد: طريقة تصريف التمور وبيعها
 

ماعندي اي خلفيه الا كان واحد من اصدقائي كان يبسط فيه على طريق فيه حركه وكان يمشي معه وعندك في صلاة الجمعه تبسط فيه وتقدر بعد الصلاة تتوجه للحراج مادري حراج الرياض مثل الحفر او لا لان بالحفر تقدر تبسط بالحراج وفي زباين وبتربي زباين وبيعرفون مكانك وحبيت اقولك الله يرزقك ويوفقك تحياتي لك

الله يعطيك العافيه
بس الظاهر حنا ممنوع عندنا البسطات بالسوق ، بعض الاماكن بهن ناس يبسطون بس مادري اذا نظاميين ولا لا ، لان حسب علمي لازم تصريح وحوسه وممكن حسب ماسمعت انه تنسحب السياره
والله يجزاك خير

اظن واكيد انه ممنوع بس وش الي حدنا نبسط ؟ مانبي يكون بجيبنا قرش لنصير نظاميين في مره من المرات استوقفني عسكري وكنت مخالف من راسي لساسي وكان مباشر يبي يكتب فيني المخالفه قلتله وش باليد من حيله تبيني اشحد ولاوش شايفني ماني بشر مابي اكون بمكان افضل واعيش زي غيري مرفه مكرم ولا هالشموس وهالكد انت برايك اشوفه اجمل واريح والعين فيها دمعتها
لني بوضع صعب ومتحمل فوق طاقتي فحس فيني وخلاني المغزى جرب وانقذ نفسك باذن الله وكلي ايمان كل شخص مجتهد له نصيب وان كان مكتوبلك بتنسحب سيارتك فهي مسحوبه على الحالتين هذي بضاعتك والخسارة واقعه عليك جرب تطلع لقرى قريبه ومحطات ع طريق سفر وابسط وابتعد عن اماكن (الهاي كلاس) المهم اصنعلك الف طريقه لتنفق فيها البضاعه

ايه انا ادري اني بطلع منه لو حاولت ، لكني مابي اقعد اتطلب الي يسوى والي مايسوى عشان كذا ودي بشي ماحتاج اتعامل مع العسكر ولا البلديه ولا الخرابيط هاذي لاني للامانه ماني محتاج ولله الحمد والشكر لكن سبب الشغل اني فاضي فمابي ادخل بحوسه عشاني فاضي بس
والله يجزاك خير على هالاقتراحات بفكر بهن مشكور

والاخ الي تواصل معي على الخاص ماقدر ارد عليه ماعندي عدد مشاركات كافي ، كانك عندك طريقه ثانيه ولا ارسل لي رقمك خاص اتواصل معك واتساب ولا مكالمه ولا الي تبي

رد: طريقة تصريف التمور وبيعها
 

الجمعة والاثنين عند الحراج ولا عند سوق الحمام
بالرياض والخرج واذا عندك صور نزلها خل الكل يشوفها حتى يطلب منك
والله يوفقنا وياك .

ماعرفت شلون احط ، بس عندي اعلان بحراج اقدر احطه ولا يوقفون حسابي المنتدى ؟
والله يجزاتس خير

رد: طريقة تصريف التمور وبيعها
 

وضع الروابط ممنوع فاذا تبي تعلن الافضل
تحط اعلان جديد بالمنتدى وبقسم البيع والشراء

رد: طريقة تصريف التمور وبيعها
 

البسطه فكرة حلوه لكنها جدا محدوده
انصحك انك توزع على المحلات وتعرض عليهم التمور ومميزاتها..لف على كل محلات التمور والخضارواعرض عليهم
وعلى محل الحلويات او الاسر المنتجه

اقترح يكون عندك حسابات بالتواصل الاجتماعي، موبس حراج حتى تقدر تسوي دعايه وتجيب متابعين..تقدر تسوي اعلان عند التاجرات بالانستقرام اللي حساباتهم فوق 50 الف متابع بمبلغ بسيط 50 ريال وحولها

وبالتوفيق