استشاره عاجله أتمنى تفزعون لي بآرائكم
السلام عليكم
كيفكم يااخوان والله يسعد أوقاتكم بكل خير عندي مطعم جديد عمره 6 شهور تقريبا وتوقفت وقت الازمه شهرين ونص ورجعت فتحته والحمد لله ع كل حال المطعم شغال ع السمعه وزبائنه المعروفين فقط المطعم الى الان لم يشتهر ولم يعرفه الناس اللي ف المدينه اللي انا فيها والسبب أني ماعملت اعلانات وتسويق قوي له لسبب هام جداً هو اللي مرددني كثير ومخوفني واللي هو نقص العمال وعدم مقدرتي ع الاستقدام حالياً عني عاملين ف المطبخ وعامل تقديم بررا ووكاشير بعص الأحيان في حالة اذا انا مش موجود بحثت عن عمال اوفر تايم ماحصلت الا من بعد المغرب الين الساعه 12 بالليل وانا أبغى عمال من بعد الظهر او ع الأقل من بعد العصر طيب ممكن تسألوني ليش خايف السبب خايف أعلن وتجي زحمه وضغط ع المطعم ويكون هناك تأخير ولخبطه في الطلبات وارتباك والزبائن تاخذ صوره وانطباع سيئ عن المطعم واسمه وماإلى ذلك وانا مااحب هالشي وفي نفس الوقت ودي ارفع من دخل المحل عشان اقدر اشتغل وأطور من المحل واستقدم عمال واتوسع والله أني احترت أعطوني رأيكم تكفون لاني متلخبط وماني قادر اتخذ قرار نهائي وصارم وكلها بسبب نقص عمال الويتر ونقص العمال بصفه عامه لان المطعم مساحته 100 متر وعدد الطاولات 10 وأيضا 36 كرسي. . بانتظار مشورتكم لاخلا ولاعدم . |
السلام عليكم ورحمه الله وبركاته
الله يباركلك ويرزقك اخوي اتمنالك كل التوفيق من رايي انك ترضى وكل فتره تزيدهم عامل ليتحملو الضغط تبي تدبي العامل من تحت لارض لتقدر تستمر الضغط الزايد بينتجلوك يوم يومين شهر بيمل العامل ويصير اي كلام كذا تخسر زباينك وماعاد لهم ثقه حاول تنشر ادخل لجوجل واكتب مثلا وظائف بيطلع لك اول مربع اعلانات كله من مواقع ناس اصحاب مطاعم ومشاريع يدورون ع وظايف حاول توصل للموقع وتحط طلبك ورقم جوالك ابدا بمشكله ولو لنها تثقل ظهرك برواتب واجرائات ولا مشكلة تخليك تخسر اتعابك عسى الله يباركلك في رزقك ويجعله حلال يشهد لك تحياتي اخوي |
رد: استشاره عاجله أتمنى تفزعون لي بآرائكم
الله يوفقك ان شاء الله
كلامك بالنسبة لي غير واضح هل المشكلة في التزام العمل واستمرار العمال ؟ ام المشكلة في استيعاب العمال لحجم الطلبات ؟ اذا كان المشكلة في العمال وتحتاج عمالة هذي النقطة لازم تحلها لانها شكل اساسي اذا كانت المشكلة ان الطلبات لو سويت اعلان قد ماتستوعب العمالة الحجم برضو لازم تعرف كم المقدرة الاستيعابية تقدر تشترك في تطبيقات المطاعم واذا زاد الحمل عليك من الطلبات طفي الجهاز لما تعرف قدرتك الاستيعابية كل التوفيق لك |
اقتباس:
الله يجزاك خير اخوي Hanoali شكراً لمرورك |
اقتباس:
المقصد وانا اخوك ان عندي نقص في العمال والمطعم كبير يعني العمال اللي على كفالتي الان عددهم 3 ( طباخ - مساعد طباخ - ويتر ) المقصد أني أبغى أبدأ اعمل اعلانات عشان يشتهر المطعم وينعرف بين الناس ويزيد الدخل عشان اقدر أتوسع واستقدم عمال وأطور من المطعم لان الناس الى الان ماتعرفه الا شريحه بسيطه فقط ممن يرتادون المطعم والدخل الى الان من 700 الى 1600 يادوب اقفل رواتب عمال وإيجار وغيره . خلاصة الكلام / خايف اعمل اعلان ويكون زحمه ع المطعم وماعندي عمال زياده يقدمون الأكل للناس ويقومون بالخدمه ككل طبعا انا حصلت عمال يشتغلون اوفر تايم ولكن للأسف يبدأون معي من بعد المغرب لين 12 بالليل لاراتباطهم بأعمالهم فترة النهار . فالشي اللي جالس افكر فيه هل أتوكل ع الله واشتغل اعلانات حتى لو حصل لخبطه وقصور بعض الشئ واجيب لي كم عامل اوفر تايم حتى لو بعد المغرب لاني بصراحه مليت الى الان دخلي لم يتجاوز 2300 من يوم فتحت المطعم ولي الان 6 شهور أبغى ارفع من الدخل . أتمنى وضحت الصوره اكثر اخوي |
2300 باليوم ماشاء الله ممتاز
ربي يوفقك كامشروع جديد |
اقتباس:
|
رد: استشاره عاجله أتمنى تفزعون لي بآرائكم
اقتباس:
السلام عليكم أخي شمس باكر متى يجي باكر وتشرق شمسك وتتهنى :wa طبعاً الوضع الحالي للبزنس لايمكن القياس عليه لأنه وضع استثنائي من جميع الجهات نصيحتي لك يبي لك تحلل المبيعات عندك من واحد خبرة وصاحب تجربة وتشوف وين المشكلة وكيف طريقة الحل .. تحليل التكاليف ونقطة التعادل وفرص زيادة المبيعات وهندسة المينيو وتحليل شرائح العملاء راح يريحك نفسياً والصورة راح تتضح لك اكثر وأكثر فيه مواقع ممكن تخدمك وتشوف لك ناس بمبلغ مقطوع عندها خبرة وتجربة: منصة بحر https://bahr.910ths.sa/ مستقل https://mostaql.com/ موفق خير :w |
اقتباس:
الله يحييك اخوي سيد الإحساس شكراً لك ع المقدمة الجميله ومرورك الأجمل المشكله عندي واضحه وضوح الشمس وانا ذكرتها ف بداية موضوعي وهي أني ماعملت اعلانات قويه للمطعم بحيث ينتشر صيته والناس تعرفه عملت اعلان واحد فقط مجاني وكان مردوده ضعيف اغلب زبائني جايين من طرف زبائن اخرين يقولون احنا مانعرف مطعمك ولاسمعنا فيه ليش ماتعمل اعلانات والناس تعرفك لدرجة والله يااخوان فيه زبائن في الحي اللي خلف المطعم لمن جوني اول مره يقولون والله ماندري بك مع انه من فضل الله المطعم مايحتاج من كل النواحي نظافة ديكور اكل . طبعا انا مقصر ف التسويق لظروف أني انضغطت ماليا وماقدرت اوفر حق الدعايات بالإضافة اللي النقطه اللي قلتها اخوي سيد الإحساس اللي هي مراجعه الحسابات وغيره هذه فعلا توضح لك الطريق اكثر ولي فتره والله ادور شخص بس مالقيت المناسب ولكن راح ابحث ع الروابط اللي أضفتها . شكراً لك ياغالي |
رد: استشاره عاجله أتمنى تفزعون لي بآرائكم
الله يعينك ويوفقك
وجهة نظر :- بما انك تبغى اعلان ولاعندك عمالة تكفي انت امام خيارين اما :- تبحث عن عمال اضافيين باي طريقة . او :- تسوي اعلانات مبسطة مثلا داخل الحي والاحياء القريبة حتى تجذب زبائن ولكن باعداد يمكن للمحل ان يغطي عليها . هناك وسيلة اعلان تعرف انها تصل الى مئة شخص وهناك وسائل تعرف انها تصل الاف من الناس .. |
الساعة الآن 04:36 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين