قصيدة الجمس للشاعر يحيى بن شيبان


اقبل علينا مرفع الجمس ترفيع
ع الجنب الايمن داخلن بالبراحه

سواقه اللي مطوع الطار تطويع
والى إرتفع كنه يستل جناحه

جناحه اللي لا انفرد زاد تبديع
تحت السما دايم يرف بجناحه

ولا عطاه اثنين من دون ترجيع
ثم ريحه تلقى على الجمس راحه

راحة مثلها الطايرات المشاليع
منها سلب قلبي وزاد استباحه

ياهيه ياللي مصنع الجمس تصنيع
انا اشهد انك صانعه للسياحه

وياما على التهريب راحو بأسابيع
وسط النفود اللي صعيب اجتياحه

وياما اطردوا به من ضبا والجرابيع
سواقه مصحصح ولا ذاق راحه

لو عذربوا بالجمس والله ما اطيع
من قبلهم ما طعت راعي الرجاحه

يا هيه ياللي تشتري دوم وتبيع
حذرا تبيعه كان تبغى الصراحه