|
سحر هاروت
الشاعر يحيى بن شيبان
البيت مظلم بعدكم ياهل البيت ما كني الا عايشن في بطن حوت ان قلت انا حي ٍ وان قلت انا ميت عايش ولكن الحشا صار مكبوت مكبوت صدري والفكر فيه تفتيت واحس كني مواجهن شرفة الموت الموت يوم ان الصدر فيه تنهيت بارود منه خايفن صار موقوت البيت هاجد من بعد عالي الصيت عساني والله ما افتقد راعي الصوت لواهبن تسعر على دخلة البيت ادخل وكني داخلن بيت حانوت لا والله الا في زماني توذيت لا في يدي قدرة ولا سحر هاروت عجزت اجسر خاطري ياهل البيت عزي لنفسي صابها خفت وخفوت عيسى و روز اللي بهم ينور البيت واخوانهم للعز والصيت منعوت ياليت لو تنفع فأنا اقول ياليت ياليت بالدنيا نخلد ولا نموت https://www.youtube.com/watch?v=0hA5vWsiuaQ |
رد: سحر هاروت
صح طرحك واختيارك الاجمل من رائع وصح الله لسان قايلها .
|
| الساعة الآن 12:17 AM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين