اقتباس:
|
رد: تجمع متقدمي الجامعة السعودية الالكترونية 2020
على الرغم اني خلاص طابت النفس من الجامعة الالكترونية
لكن اليوم قابلت احد الاشخاص وكان شغال بالجامعة الالكترونية - فرع جدة وسئلته عن الوظائف قالي القسم عندنا اختار الاشخاص الي يرغب فيهم ولكن التأخير من الموارد البشرية - وقالي الى هذه اللحظة لم يصلنا شي من قسم الموارد البشرية على الرغم ان محتاجين لمحاضرين بأسرع وقت. طلع الاقسام هم ينتظرون زينا 😂😂😂 عموما انا قلت بس انقلكم قليلا من الحوار الي صار لحد يقولي طيب موظفين الجامعة ليه مايدقون ويسئلون موظفي الموارد البشرية..يمكن سئلو وعارف السبب بس مو من المفروض يقوله لي. |
رد: تجمع متقدمي الجامعة السعودية الالكترونية 2020
اخر تحديث حسب صديقي المقرب جدا شاف عقدهم.. العقود مسلوبة للحقوق.. عقد محدود جدا (المحاضر) لايستطيع تطوير نفسه علميا ..لايوجد بدلات مرضيه لايوجد تأمين لايوجد بدل سكن وممنوع الابتعاث منعا باتا واللي بيشوف العقد بيلقاها فقره ١١ واللي يبغا يستقيل يدفع راتب شهرين كامله كاش.. ودوام مسائي من ٣ ل ٩ يعني حياة اجتماعية مافيه ابدا والصباح مطلوب تحضر اجتماعات و ورش للجامعه .. وللاسف اغلب الشغل رح ينرمى على الشخص بسبب انه على مذلة العقد يعني لازم يسويه عشان التقييم السنوي ولا مايتجدد العقد حسب شروطهم..
خلاصة الكلام... اللي ماعنده فرص وظيفيه اخرى الله يوفقه بس اللي على وظيفه حكوميه لا يتهور ويفكر الف مره .. يحيا الاجانب عقودهم السنوية على الاقل افضل بمليون مره .. وشكرا للجميع |
رد: تجمع متقدمي الجامعة السعودية الالكترونية 2020
[CENTER]السلام عليكم ورحمة الله وبركاته
سجلت بالمنتدى بس عشان اكتب مشاركتي ذي لأني عارفه ان بعد سنة او كم سنة بيكون فيه ناس نفس وضعي حايسين ضايعين يدورون أي معلومة بسيطه بخصوص الوظيفة والتقديم بالجامعة الالكترونية كل اللي ابغاه منكم دعوة لي ولوالداي وبالتوفيق للجميع يارب :w بكتب لكم تجربتي من بداية الإعلان عن الوظيفة اللي كان بشهر سبتمبر ٢٠٢٠ قدمت فيها ورفعت اوراقي وبعدها بشهر تقريباً ١٠/١١/٢٠٢٠ جاني ايميل يفيد ان عندي مقابلة بكره الساعة ٣ العصر عبر منصة تيمز بالبداية ارتبكت وخفت لأن ماكان عندي وقت احضر واجهز أشياء كثير بس توكلت على ربي وجهزت معلومات عامة واشياء بتخصصي وقريت عن الجامعة وطريقة الدراسة فيها ونظامها اليوم الثاني الساعة ٣ العصر دخلت المقابلة كان فيها رئيس القسم وثلاثه او اربعه دكاتره، توقعت المقابلة بتكون بس صوت بس طلب مني افتح الكام. البداية كانت مع رئيس القسم عرفني عن نفسه وشرح لي عن الوظيفة وكيف بتكون وبعدها عرفني على الدكاتره الموجودين ما اذكر بالتفصيل الأسئلة كلها بس اللي اذكره سألوني عن الجامعة وايش اعرف عنها وليش اخترتها سألوني أسئلة عامه عن التخصص واسئله بالتخصص واحد من الدكاتره كان يسألني أسئلة مره محدده باعماق أعماق التخصص حقي وصراحة كان صعب علي اني اجاوب خصوصاً اني ماكنت محضره ، سألني سؤال ثاني برضو بأعماق التخصص كان يتعمد انه ينرفزني و يضغطني حتى اذا سكت ماجاوبت يقولي عادي قولي انك ماتعرفين " للأمانه نرفزني" بس قلتله لا اكيد اني اعرف بس اني متوتره شويه وهذي أشياء اخذتها من فتره طويله خصوصاً اني متخرجه من شهور فمستحيل اذكرها وحاول مره ثانيه يحرجني وينرفزني المهم اني خلصت من المقابله وانا غاسلة يدي منها بعد الدكتور ذاك هههههههه "واخذت مني تقريباً ٣٠ دقيقة المقابله كلها كانت بالانقلش" وبعدها لا حس ولا خبر عنهم من تاريخ ١٠/١١/٢٠٢٠ الى ٧/١٢/٢٠٢٠ ارسلولي ايميل ارسل صورة من معادلة الشهادة وارسلتها بعدها بأسبوع رجعوا ارسلولي يبغون صورة من معادلة الشهادة، طبعا كل الفتره ذي وانا ما ادري انقبلت او لا وبعدها لا حس ولا خبر الى ١٠/١/٢٠٢١ مع بداية السنة الجديده جاني ايميل من الموارد البشرية يطلبون مني مراجعه اقرب فرع للجامعة عشان اطابق اوراقي والنسخ الاصلية وبعدها بأسبوع ارسلوا العقد للجامعة بتاريخ ٢٤/١/٢٠٢١ وقعت العقد " تأخرت بالتوقيع لأسباب خارجه عن إرادتي" والحمدلله على التمام بنود العقد الحمدلله كويسه ومرضيه جداً بالنسبة لي بخصوص الأبتعاث صراحة ما ادري اللي فهمته من البند انهم يقولون انه مو اجباري علي اني اكمل دراسة زي باقي الجامعات اللي تجبر منسوبيها بالابتعاث او تغير مسمى وظيفته من معيد الى اداري اللي بيقدم عليها بالمستقبل اول شي قدم وانسى لا تقعد تستنى منهم تحديث قوي قلبك وتناسى لين يتواصلون معك لأن الفتره من اعلان الوظيفة الى توقيع العقد اخذت مني تقريباً ٤ شهور الله يرزقكم ماتتمنون واتمنى التوفيق للجميع يارب |
اقتباس:
والحمدالله الي احد من هذا القروب انقبل وشكرا لنقل تجربتك لعل يستفيد منها المتقدمين في السنوات القادمة ونتمنى من الجميع الي انقبل يسردلنا تجربته مثل ماسردتها لنا ديم وبالنسبة للأبتعاث ذكرولنا وقت المقابلة انه لا يحق لك الابتعاث وغير ذالك لك مثل مالا للمحاضر السؤال الان خصوصا انك وقعتي والمعلومة عندك ان شاء الله هل يوجد بدل ساكن ؟ وهل يوجد تأمين طبي؟ |
الساعة الآن 02:08 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين