22-11-2022, 02:26 PM
|
عضو جديد
|
|
تاريخ التسجيل: Nov 2022
المشاركات: 2
معدل تقييم المستوى: 0
|
|
اقتباس:
المشاركة الأصلية كتبت بواسطة mohammad766
تجربتي للتقديم على المباحث العامة
((((((النقل مسموح))))))
اتمنى تنقلون الموضوع بالتجمعات واذا احد استفسر
دورتي كانت بالرياض ورتبت الموضوع كنقاط لترسخ المعلومة اسهل
يمكن يقفل التقديم باول يوم ك اكتفاء بعدد المتقدمين
اضف مؤهل علمي كان لك الاولوية
لابد أن يتناسب الطول مع الوزن ويكون الاختبار اليا (من الحاسب)
التخصصات
مكتبي
ودوريات وشرطة عسكرية
وفني
ومطارات
ومداهمات
وغيرها كلها اللبس مدني الا الشرطة العسكرية
اذا كثرت التخصصات يكون اختياري اما لو تخصص واحد اكيد إجباري
الدورات التخصصية تنقسم لدورة تأهيلية(كل القطاعات والدورات لازم يأخذون دورة تأهيلية) ثم دورة التخصص
قد يكون القبول بدورتين
نصيحة سنو تنظيف للاذن والأسنان وارفع لياقتك
....
راتب الجندي بدون 1000 غلاء المعيشة 8000 وفيه تخصصات 9 الا مثل شرطة عسكرية لهم 25 بالمية بدل
الملازم من 14 إلى 17 ع حسب التخصص
انا قدمت 4 مرات والتقديم الرابع هو الوحيد اللي جاني قبول مبدئي وسمعت ان اصعب شي القبول المبدئي والباقي سهالات
تقديم 1438/7/7 والدورة كانت بعد 9 أشهر تقريبا اطول فترة مرت ع المباحث خلال تقديماتي لأنهم طالبين أكثر من 2000 طالب وعلى كلام مدرب بمكة يقول بياخذون 5000 طالب خلال سنتين
قدمت 4 مرات
1 جندي
2 جندي
3 وكيل رقيب وانلغى التقديم
4 جندي جاني قبول كنت مقدم بالجامعة وحاسب 6 أشهر
لو كان معك شهادة حاسب تكون لك الاولوية
فحص الطول والوزن 3 مرات
1 القبول المبدئي
2 فحص المستشفى قوى الأمن بالملز
3عند استلام متطلبات الدورة
الحد الأدنى الطول 168
فحص النظر مرتين
1 القبول المبدئي
2 المستشفى
البصمات هم يحيبونها ماهو زي قبل تروح للادلة الجنائية وتبصم
المسح الأمني
اسمك رباعي و رقم هويتك يروح للداخليه
و يبحثون عنك بكل قرنه و ساس إذا لقوا عليك سابقه
أو مسجل عليك قضية بأي مكان ، أستبعدوك
حتى بعض الجهات الحكومية ترسله للداخليه
خاصه اللي بتوظف عندهم فـي الأمن الصناعي مثلاً
القبول المبدئي يعلن عن طريق موقع وزارة الداخلية
والباقي مثل فحص المستشفى عن طريق الاتصال
القبول المبدئي
مقابلة شخصية
فحص نظر وطول ووزن
مطابقة الأوراق
بعد القبول المبدئي اتصال فحص المستشفى
من 6 الصبح إلى الظهر
اي شي ترسب فيه تطلع على طول ماتكمل
1 فحص طول زوزن
2 عمليات
3 صدر
4 نفسي يسألك من وين انت وزي كذا أسئلة عادية
5 فحص نظر
6 دم وبول
ويعطونك ورقة الأحوال
ودفتر الالتحاق
دفتر الالتحاق
الأصل والمؤهل وغيره ومعلومات كثيرة
المعرفين لازم مايكونون اخوانك ولا من عمانك خوالك و وناس مايقربون لك عادي
الشهود اي شخص عادي
الدفتر اما
يوقع من العمدة ويصدق من مدير قسم الشرطة
او
يوقع من شيخ القبيلة ويصدق من الإمارة
بالنسبة لورقة الأحوال المدنية تعبي الوقة من جهة الحفظ اللي مسجل بالبطاقة
بعدين فحص سموم عندهم عن طريق البول وانتم بكرامة
بعدين استلام متطلبات الدورة وفحص طول ووزن
بعدين تدخل الدورة وبالتوفيق
التعامل دايم عن طريق الاتصال وليس الرسايل ويمكن يتصلون اي وقت حتى الجمعة الظهر يتصلون
كانت الدورة 4 مراكز 1 الرياض 2 الشرقية 3 مكة + 4 مركز أمن المشاة بمكة
جدول اليوم بالدورة
تصحى قبل الفجر بساعة الساعة 4 تتوضى وتروح المسجد وترجع ترتب سريرك وكل يوم ع 2 التنظيف الغرفة والممرات بعدين حصة رياضية بعدين فطور بعدين حصة تعليم بالميدان بعدين حصة مشاة بعدين صلاة الظهر (كل مكان تروح له هرولة الا المصلى والمسجد مشي) بعدين تصليبة بعدين غداء وبعد العصر حصة رياضية ثانية وبعد المغرب العشاء محاظرة (دينية أمنية صحية عسكرية الخ) وبعد العشاء تصليبة بعدين عشاء بعدين نوم بالكثير 7 ساعات (دورتي كانت بالشتاء) هذا 45 بعد 45 يوم حصة الرياضة الصباحية تصير تعليم ورقة وقلم
بالنسبة للحظيرة (الغرفة) فيها 12 طالب كل سريرين فوق بعض وحمامين فرنجي (حمامات المسجد عربي) وحمامين للتروش ومكيفات مركزية هذا بالرياض اما مركز تدريب أمن المشاة كل الفصيل بخيمة طلابهم حدود 1100 اما الرياض حدود 350 والدورة كان فيه 8 فصيل كل فصيل 47 طالب
بالنسبة للتمرينات حاول ترفع لياقتك توب لأنهم بيمغطونط تمغيط وبرضو تمارين البطن وبوش اب وتمارين كثير بس اختبار اللياقة بس ع الهرولة والبطن وبوش اب وتمرين اسمه تحمل (1 تمتد 2 تجلس 3 تنقز 4 ترجع هذا تمرين التحمل )
الجزوات
الجزاء المفتوح يعني ينادونك اي وقت ويجازونك
فصيل الحثالة يجمعون المبزوطين بهذا الفصيل وتدرون وش راح يسوون فيهم
وفيه فصيل الأوزان للسمناء كله هرولة بهرولة
المحظر
لو تسجل عليك 3 محاظر (للبزوطة) تفصل
العصيان جزاء او فصل
تتجازا او ما تتجازا ماتاثر ع درجاتك الدرجات ه الاختبارات اخر 20 يوم
الاختبارات
أسلحة
لياقة هرولة ضغط بطن تحمل
تعليم
مشاة
الدورة التأهيلية 4 أشهر 45 يوم تطلع أسبوع 40 يوم تطلع أسبوع 20 اختبارات وبروفايل وتتخرج
بالتقديم ما في اختبار لياقة بالنسبة للرياض مدري عن المناطق الثانية
فترة الدورة لا يصرف لك مكافأة لكن اذا تخرجت يصرف لك حق 4 أشهر اللي بالدورة راتب أساسي فقط بدون بدلات
الميز بالرياض اكلهم مجنون من جد ومنوع
مركز تدريب الرياض عندهم مسبح وصالة حديد وملعب كورة
المدربين بالرياض أغلبهم فلة سواليف وضحك وتنكيت
مركز تدريب الرياض فيه مكينة للجالكسيات وفيه أيضا بوفية
مسموح تجيب مكينة حلاقة والموس بعد مسموح
بالنسبة لتصديق الشهادة الثانوية تصدق من إدارة التعليم بنفس المدينة اللي تخرجت منها
انا بسنة قبولي بالإجراءات كانو ماشين على الحروف بالترتيب
رقم كلية نايف(المباحث العامة) بالرياض
0112686339
وبالتوفيق للجميع
|
السلام عليكم انا خلصت كامل الاجراءات ولكن لم يتم الاتصال بي لكي التحق بي ادورة التدريبه ولم والمستشفى قد اجتزته وذالك تاريخ 1442/04/10
برتبة عريف
|
العرض العادي
