حلول البطالة Unemployment Solutions - هل فيه طلب أو احتياج على تخصص الحاسب؟

نعم فيه فرص للحاسب ممتازه قطاع البنوك الاتصالات والقطاع الخاص بشكل عام فرص كثيره وماراح تتعطل.
الوظايف المدنيه فيه لكن يتطلب منك معدل طيب واختبار قدره معرفيه بدرجه حلوه أو تنتظر سنوات تزيد نقاطك.

بشكل عام تخصص فرصه الوظيفيه كويسه وإذا تبغى امتيازات وشغل بروفيشنال تعلملك شغله وطوّر نفسك فيها خارج الجامعه خلها هوايه لك وبكذا بتتخرج ويدورونك اقسام الIT فالشركات الكبيره وبمرتب ممتاز جدا.
الحاسب بحر لكن نصيحتي لاتتخرج إلا وأنت متقن شغله مثل برمجه ويب أو برمجة والتعامل مع قواعد البيانات أو شبكات تسوي فيها مشاريع صغيره خارج كورسات الجامعه يعني تاخذها هوايه.

أغلب الوظايف اللي يطلبونها بمرتب ممتاز هي قواعد البيانات اوراكل و SQL والشبكات.
اما باقي الوظايف هي مستخدم حاسب ومشرف صيانه ومشغل حاسب واداري ودعم فني هذي متوفره فالسوق بكثره لكن رواتبها متوسطه وممكن ضعيفه اذا ماعندك خبره.

آخر شي نعم انصحك تاخذ تربوي عشان تقدم فالتعليم وخذه بعد ماتتخرج واشتغل بدوام مسائي قطاع خاص.
موفق خير