طبعاً فتح التقديم عام 1441/5/3 وجاني قبول 1441/6/17

طبعاً طلبو مننا نسخه من الهويه والمؤهل ثانويه عامه
وقاسو الطول والوزن وعطيتهم الملف وسويت مقابله عند النقيب محمد عبدالله السريعّ طبعاً الاسئله الشخصيه كم عدد اخوانك ويشوف مظهرك وبس وقالو رح وخلك قريب عند جوالك ، طبعاً بعدها بأسبوع دقو على وقالو تعال بلبس رياضه وجب نسخه من الهويه والمؤهل 15 صوره دخلنا وقاسو الطول والوزن وسلمتهم الملف مرا ثانيه ، بعدها جت كورونا وقفلو ودقو علينا 1442/4/1 تقريباً بتاريخ هذا قالو لنا حضرو يوم الاحد حضرنا كان اختبار لياقه اختبرنا لياقه وطلعونا وبعدها ب3 ايام دقو وقالو حضرو تحليل سموم حللنا سموم ونتظرنا اسبوعين ودقو على 1442/4/27 قالو حضر كان يوم الخميس - اول ماحضرت قالو يوم الاحد تروحون الجوف بيكون الفحص هناك ، رحت يوم السبت الجوف نمت هناك وجا يوم الاحد ، رحت مستشفى الامن اللي بالجوف طبعاً كان موجود 5 من افراد قوات الطواري معنى نزلنا صفونا بساحه حقت المستشفى وبدو ياخذون بالاسامي اللي بالكشف الفحص هو تحليل سموم ، عيون ، اسنان ، اشاعه للبطن والظهر ، الاذنين ، الطول الوزن ، وتروح عند الدكتور وتفصخ جميع ملابسك كما خلقت ويخليك تلف 4 مرات وخلاص يقولك ارفع سروالك وترجع لبيتكم
وبعدها بشهر دقو قالو حضرو وجيبو 15 صوره مكشوف الراس وهويتك - رحت وعطيتهم الصور وانتظرت اسبوع ودقو قالو تعال استلم اوراق العمده طبعاً رحت وستلمتها يعطونك 3 ايام وتجيبها لهم طبعاً بعد ماسلمت اوراق العمده انتظرت اسبوع ودقو على قالو جب 15 صوره شهادة ثانويه واذا عندك شهاده غير الثانويه جبها ونسخه من الهويه طبعاً رحت وعطيتهم من بكرا ، بعدها بأسبوع دقو وقالو جب الايبان و15 صوره وصوره من المؤهل ، سلمتهم ودقو على بعد اسبوع قالو حضر وجب قلم وحبر البصمه ورحت عندهم وعطونا ورقتين توقع عليهن اللي هي حقت التعيين واقرار وبس اما الادله الجنائيه يكون من عند الطواري يرسلون اوراقكم لرياض وبعدها تطلع بصماتكم يعني انت ماتروح الا عند العمده ومدير الشرطه فقط وهذا اللي صار معي لنا سنه الان وكلها اتصالات وجب وهات الله يعين

عاد ننتظر الدوره واللي بيدخلون 200 شخص فقط عسى الله يوفقنا ويرزق كل عاطل يارب العالمين ، صلو على محمد اللهم صلِ وسلم على محمد ،
إن أحسنت فمن الله، وإن أسأت فمن نفسي والشيطان
دعواتكم لي بالقبول النهائي ودخل 1442/7/10

ينقل للقسم المخصص