محتاج عدد 4 موظفات سعوديات
السلام عليكم ورحمة الله وبركاته
اخواتي السلام عليكم ورحمة الله وبركاته للجادين أنا محتاج عدد اربع موظفات سعوديات مؤهلاتهم علم اجتماع أو علم نفس يفضل علم الاجتماع وما يمنع لو فيه خبرات في الانجليزي والحاسب الالي ( غير مشروط ) مسمى الوظيفة باحثة اجتماعية االراتب يحدد بعد المقابله الشخصية الي عندها المؤهلات هذي اتمنى انها ترسل سيرتها الذاتية على ايميلي info@cv2job.com وتكتب السيرة الذاتية كاملة وشكرا تمنياتي لكم بالتوفيق |
جزاك الله خير...........والله انك مثال يقتدى به.......وتاج على رؤوسنا....
لكن اتمنى انك تحددين المنطقة والمدينة...........لان وضع البنات مو زي وضع الاولاد........ |
وعليكم السلام ورحمة الله وبركاته
هلا انا خريجه علم اجتماع بس ممكن اعرف ايش الوظيفه بالضبط؟؟؟اذا مايكلف عليك ووين مكانها؟؟ جزاك الله خير |
فعلا البنات محتاجين تفصيل اكثر
مو زي العيال ويعطيك العافية |
مكان الوظيفة اخواتي اخواني في مدينه جدة إن شاء الله
والراتب يحدد بعد المقابله الشخصية من قبل الإدارة المسؤلة نوع الوظيفة باحثة اجتماعية |
جزاك الله خير
|
تفاصيل اكثر الله يجزاكم خيييييييييييييييييييير
|
خساااااااااااااااااااااااااااارة لو بالرياض كان.... ع العموم يعطيك الف عافيه
|
تناسبني تماما بس في جده !! ممكن أجي لو الوظيفة حكومية .. ممكن تردي لنا خبر !! وكل الشكر عزيزتي .. |
انا خدمه اجتماعيه
ينفع اصلا كل دراستنا فيها بحث اجتماعي ارسل السيره وكم الراتب؟ والدووواااااااام ؟؟ ووين ؟؟ مدرسه شوو بالظبط |
السلام عليكم ورحمة الله
ارسلت لكم البيانات الشخصيه كامله من بريدي الخاص لان مشاركاتي لاتسمح لي بالارسال على الخاص ولم استطع الدخول على البريد الذي زودتمونا به ارجو الاهتمام والرد في حال اطلعتم على البيانات الشخصيه ارجو سرعه الرد شاكرين لكم تعاونكم وجزاك الله خير على الاعلان |
جزاك الله خير
|
السلام عليكم ورحمة الله وبركاته
مرحبا ... ياليت اعرف الوظيفة حكومية ولا لأ ؟؟ انا انهيت دراسة مواد ماجستير علم اجتماع واعمل الآن على انهاء بحث التخرج |
مشكوررررا
والله يوفقك الجميع |
السلام عليكم ورحمة الله وبركاته
بناء على استفسارات الكثير عن الوظيفة ونوعها اولاً: الوظيفة مو حكومية تعتبر شركة خاصة عندها مجال في الخدمه الاجتماعية مسمى الوظيفة باحثة اجتماعية ميداني ومكتبي كيف يعني ميداني يعني تزورو ناس محتاجه ظروفهم صعبة سواء كانوا في ملاجئ او مقرات خاصة بالمحتاجين او في المنازل وهذي في الغالية طبعاً لو ما عندكم مشكله في هذا الشي الوظيفة نسائية اقصد قسم نسائي ما فيها اختلاط الراتب يحدد بعد المقابله الشخصية موعد المقابله لم يحدد بعد ملاحظه: عدد المطلوب ما شاء الله من اربع إلى خمس موظفات والي وصلني ما شاء الله زيادة في هذي الناحية قد تحتاج الشركة للزيادة او قد يكون هناك مفاضله تمنياتي لكم بالتوفيق |
شكراً على المعلومة بس ياليت توضيح إذا فيه فرع للمنشأة في الرياض
|
نوسه يالغاليه فيه لها فرع في الرياض أكيد وفي جميع انحاء المملكة بالنسبة للشركة ولكن بالنسبه للوظيفة لا إلى الان ما جاني خبر انهم يبغو موظفات خارج جدة ولو فيه راح احط إعلان إن شاء الله
اتمنالك التوفيق إن شاء الله |
الووووووووووووو
متى تردون علينا وتخبرونا عن المقبولين واللي طلعو برى والواسطه مالها مكان عندكم مشكوريييييييييييييين |
ضحية صمت من كلامه فهمت انه عضو وليس عضوه كما فهم البعض الاعزاء على قلوبنا ولكن يجب التثبت من ارسال السيره لااني ارى عرض الوظائف هنا كثير للبنات |
الله يوفق الجميع
|
ضحية صمت من كلامه فهمت انه عضو وليس عضوه كما فهم البعض الاعزاء على قلوبنا
ولكن يجب التثبت من ارسال السيره لااني ارى عرض الوظائف هنا كثير للبنات |
بالتوفيــق للجميـع بالنسبه لي ما تنفع لانو تخصصي مختلف يعطيـك العافيــه اخوي |
يرجى وضع رابط لموقع الشركة أولاً
كتابة رقم فاكس خاص في التوظيف ثانياً أي رد بعد هذا الرد من الأخـ/ ـت ضحية صمت لايحتوي على موقع الشركة أو رقم الفاكس سوف يحذف كامل الموضوع. تحياتي للجميع |
اخوي مطفر هلاوغلا فيك وأشكرك على التنوية
بس صعب اني احط رقم فاكس الشركة او عنوان الشركة أنا كذا بحكم اني مكتب توظيف وان كنت فاتح المكتب خيري لكن لو حطيت اسم الشركة او عنوانها انا فقدت خصوصيتي بهذا الشأن أنا طريقتي اني اخذ على فتح الملف 20 ريال فقط المكاتب الاخرى تاخذ على فتح الملف 120 ريال انا اخذ بعد توقيع العقد مع الشركة 300 ريال الماكتب الاخرى تاخذ الراتب كامل لهذا السبب انا اخذ السير الذاتية واعرضها على الشركات وبعد موافقه الشركة على السيرة الذاتية اقوم بالاتصال على صاحب السيرة الذاتية هذا كل الي عندي وأنا اسف فعلاً لو كان سببت احراج لإدارة الموقع بخصوص اعلان الوظائف قد تكون غير نظامية ولكن هدفي الأول والاخير العمل خيري تحياتي للإدارة وللمشرفين |
لي عودة..
|
اعتذر لصاحب الموضوع ولكن تاكدت ان جميع الوظائف ( خيالية ) وليست بواقع، تم ارسال معلومات احد الاخوان بدرجات امتياز ولم يتم اي رد لماذا.؟؟
اين الاثباتات،، ماهي الشركة المحتاجة للتوظيف،، وين ارقام الشركة،، وين مقرها،،..؟ اتمنى من الاداره اتخاذ اللازم.. وشكراً |
مرحبا بكـ أخـوي ضحية صمت .. يعطيك العافية .
أخوي عشان ماتكثر إستفسارات الأخوات عن الوظيفة ياليت تقول أسم الشركة ومقر الشركة إذا على قولتكـ شركة خاصة . وياليت تحط رقم التلفون عشان مايتلتهون الأخوات وتحدد الدوام ونوع المقابلة . وشكراً . |
اخوي السالمي فيه ناس عندهم هندسه مو المؤهلات الي انت ارسلتها ووصلتنا هندسه وللحين ما لقوا وظائف يعني تبغاني اجي وامسك الشركة من حلقها واقلها هذا مؤهلاته حلوه غصب توظفوه
ياخي الله ما شفناه بالعقل عرفناه في كل الاحوال أنا فعلاً اعتذر لإدارة الموقع كامله وصحيح المثل الي يقول سوي معروف تلقى سبعة كفوف وأنا جيت الموقع هذا عن طريق ناس يعرفو إمكانياتي والحمد لله وقالولي إنه فيه ناس كثيرة محتاجة موظفين وأتمنى من إدارة الشركة تلغي اشتراكي تمامي مو أنا الي أنحط محل اتهام أو تشكيك تحياتي للجميع وأعتذر من كل قلبي بعدين يالسلمي إنت تقول تأكدت إن جميع الوظائف وهمية ( تأكدت )؟؟؟ كيف لأنك ارسلت سيرة ذاتية بمؤهلات عاليه وما تم القبول ههههههههههههههههه وربي شي غريب طيب صاحب السيرة الذاتية العالية ما لقى وظيفه من غير الموقع تبغاه يلقى وظيفه بالموقع فيه شي اسمه صبر وفيه شي اسمه رضا من الله ومن الوالدين وفيه شي اسمه امتحان وفيه شي اسمه توفيق من الله حط عقلك في راسك تعرف خلاصك أكرر اسفي واعتذاري للجميع وزي ما قلت أتمنى إن إدارة الشركة تلغى اشتراكي لو لاحظت إدارة الشركة إني فعلاً مخطي في تصرفاتي تحياتي للجميع |
ارسلت لهم السي في على عنوان الكتروني كان معلن عنه في الجريده بس كالعاده....
|
اخوي الرحمن
السلام عليكم ورحمة الله وبركاته لو انت حاب اننا نتعاون في موظوع ذوي الاحتيجات الخاصه إنا ما عندي مانع أقدر اوصلك لمدير نادي الصم والبكم والاحتياجات الخاصة سواء انك تلقى وظائف شاغرة أو تلقى ناس يبغو وظائف خاصه انتظر ردك |
الساعة الآن 05:03 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين