|
هل هناك حل لمشكلتنا مع المرور ؟؟؟
السلام عليكم ورحمة الله وبركاته
اخواني لم اكتب هذه المشكلة هنا الا وانا على ثقة تامه ان كثيرا من المواطنين تعرض لها وكذلك بانها سوف تلقى صدى وتجاوب من الكثير بداية القصة انا احد المواطنين الذين يسكنون في اسكان طريق الخرج 1 ودائما نستخدم طريق الخرج - الرياض الجديد حيث انه طريق سريع ولا توجد اشارات به لكي نتمكن من الوصول الى الدائري الشرقي وذلك ابتعادا عن زحمت الاشارات بالطريق القديم ولكن منذ فتره تتجاوز السنه تقريبا وضعوا دوريات المرور نقطة تفتيش سرعة في نهاية الطريق قبل مخرج 18 بإتجاه الشمال لكي ترصد السيارات المسرعة وتخالفها ومؤخرا بداء جميع السكان على معلومه بان هذا الطريق مراقب بالرادار فتخفف السرعة ولكن مازلنا نرى المخالفات تظهر واليوم وانا في طريقي الى عملي الواقع بحي المحمدية وانا على علم بان الطريق مراقب بالرادار من بعد صلاة المغرب الى وقت متاخر فكانت سرعتي حوالي 110 عندما رصدني الرادار حتى ان جرس السرعة لم يظهر ولكن تفاجات عندما قال لي رجل الامن (رخصة واستماره وجنب يمين) ؟؟ اوقفت سيارتي ونزلت لكي اعرف سبب ايقافه تفاجات بانه يقول لديك مخالفة سرعة (150) فقلت له هل انت متاكد بان سرعتي 150 فتجاهلني ولم يرد علي فعندما قلت له نحن نعرف ان في حين ان سرعتك 150 داخل المدينة تحجز سيارتك فكيف تقول لي خذ المخالفة وحرك سيارتك فتجاهلني ايضا وعندما فكرت بان ارفع شكوى على هذا الظالم تذكرت بانني سوف اتعب نفسي دون الوصول الى حل فرجل الامن مصدق ولم املك الا ان قلت (الله لايوفقه دنيا وآخره اللهم امين) اخواني لم اذكر هذا الملاحظه الا لان الكثير بداء يعاني من الظلم الذي يجده من دوريات المرور ورجال المرور الذين بات هم ان ينهي دفتر المخالفات من اجل مكافاتهم دون اهتمام منهم بما يعاني منه الشعب من ازمه مادية اتمنى ممن لدية حل او يستطيع ايصال هذه الملاحظة الى المسؤولين بإدارة المرور وانا مسؤول عن هذا الكلام امام الجميع |
اقتباس:
|
المرور لاحياة لمن تنادي.
حسبي الله عليهم ونعم الوكيل. |
المشكلة ان العسكري يطلع من الدورة مخه قــــــفــــــــل لانه ما تعلم اي شي الا استعد استرح امتد ولاكن اسلوب التعامل مع المواطن او احترامه وكمان اذا لبس هالخيشة مو شايف الناس شي ولاحياة لمن تنادي
|
اطلبوها من الله سبحانه............
|
حسبي الله عليهم ونعم الوكيل |
انشاء الله علينا بالدعاء
|
يارجال هذولا اللي بالمرور خاصة مثل النوريات اللي بالشام او الحريم يخافون لازم يفللون المخالفات ولا يهمونك طنش تعش جزاهم عند ربي وقتها مافيه ضابط او امير
أخوك دايم فهد |
المشكلة أن جهاز رصد السرعة يرصد أي سيارة وبالذات إذا مر من قرب الرادار 5 سيارات في آن واحد
أنا أحد الأخوان في أمن الطرق يقولي وبالفم المليان إنهم يعتمدون اولاً على النظر في تقدير السرعة وحتى لو أشتكى الشخص ولو عنده إثبات أقل تقدير يحصل على إعتذار من فرد من أفراد الإدارة المعنية ... والعسكري ولاأحد يطالع فيه ....!!! الله يعين بس وتصير الدوائر الحكومية شركات ويتم تخصيصها |
اشكر كل من شارك بالموضوع وتسلموووو ع المرووور
بس ياجماعة الخير الى متى يعني مع هالظلم الى متى ومافيه مسؤولية الى متى هالمدراء طاقين بصدورهم في هالقنوات وهم وربي مو دارين وش السالفة وحنا وحنا ولا عندهم الا الكلام ياجماعة الخير انا توني امس اعرف معلومة جديدة انه اذا مر على المخالفة 30 يوم ولا سددت تندبل المخالفة عليك << النظام الجديد وفعلا يوم اتصلت على 993 وسالتهم قالي المعلومة صحيحة 100% يعني اللي يشوف هالقوانين يقول ان هالشعب غني يتسبح بفلووووس والله ان شعب المملكة بعد الازمة الاخيرة في الاسهم ان 75% الى 80% فقران ومامعهم الا قوت يومهم اذا حصلوه بعد من كثر هالديون |
كثيرا منها يمر بهذه المواقف يعطي مخالفة ولا يكن مخالفا ويسكت وربما يكن مخالفا ويقول لم أكن فأنا والله إصطادني أمن الطرق بسرعة 100ربما اقل قليلا او اكثر وسيارتي جديده وقال انت مسرع واعطاني مخالفة وسكت وتحركت ونتيجه سكوتي اعترافي بالمخالفة وهناك الاخر يريد اين يعطيني مخالفه مروريه وقلت له انا غير مسرع وانا كانت سرعتي تتجاوزي 160 وقال اذهب وهي ترجع الى كرم العكسري ولكن المخالف اذا كان مخالف يعطي مخالفة ونحن بسرعه مخالفين ولا اعتقد انهم يتبلوا على الشخص بدون اي شي الا من لم يخف الرب عز وجل في نفسه فهم في خدمتنا وهذا عملهم ولا يدخل رصيدهم من هذه المخالفات أي ريال وربما يكونوا من حمله الشهادةالثانوية والجامعية حتى ولكن الظروف حدتهم على هذا فأنت يا أخي العزيز وكل ما يتلفظ ويتكلم عليهم سيكسب الاثم حتما واذا كنت مظلوم فالرب من سيأخذ بحقك فسؤالي لك اخي العزيز كم السرعه في الطريق الذي تفضلت به المطلوبه والنظاميه واذا حكمت ضميرك هل اتجتزت هذه السرعه أم لا بكل صراحه اتمنى الرجوع الى النفس ومحاسبتها قبل محاسبة الاخرين انا لا اقف صف أحد ولكن اقف مع الحق لك جزيل شكري |
والله لو كل شخص سواء موظف اومواطن راقب الله في افعاله ماصارت مثل هذي المشاكل
انا الي اسمعه ان رجال المرور لازم يخلصون دفتر المخالفات بس مدري صح ولا لا العلم عندالله ومومعقول ان كلهم ظالمين واذا كنت مظلوم الله بيأخذ حقك منه واحسن لك اعفو عنه حتى يعفوالله عنك يوم احساب الله يهدي الجميع |
الله يعنا واياكم يا خوي والله انهم مشاكل المشكلهم بعضهم
ما عنده مؤهل ولا شي ولا اخلاق ولا يعرف يواجه الجمهور ولا تكون من الجماعه ولا تعرف احد منهم تقول خويي فلان والله مشكله لكن ما نقول الا حسنبنا الله ونعم الوكيل |
ياشباب لا تحطووون السبب على رجل المرور برغم في بعضهم ملقف
حطوه والله على الظابط لي ماسكهم ومجننهم يقول ماتسلم لين تخلص البوك ولا يقولهم ماتخلص البوك عندك جزاء أو تطبيق يزودون على عمله ساعتين وانت ماشي شوف الظلم بعينه هذا كلام واحد بالمرور ولا هم من عندهم ما ودهم يعطونك قسيمه |
الله لا يوفق كل من رصد لي مخالفــــه
800 ريال كلها ظلم الله يجعل العسكري اللي رصد لي مخالفه ظلم يأأأأأكلهـــا حرااااام ويبلاه بمصيبه في راسه >> عزالله انه غبني |
في واحد نعرفه بأمس الحاجة للريال الواحد
وعملوا عليه مخالفات بقيمة 2000 او 2500 ودفعها المسكين علما انه ظلم وهو متأكد انه ماخالف في شي بالله واحد زي هذا لو رفع يده للسماء أنه الله يخسف بهم هذولي اللي الكفار وربي احسن منهم ، فين حيروحوا من رب العالمين |
المشكلة عندنا
المرور الجوازات البلديات الإتصالات الذهب البترول كلها دخل والشعب جعان المرور العن ناس الله لايرحمهم ويجعلهم بإعاقات دائمة |
وانا اخوك تعرف مكة
عند الحرم هي منطقة مركزية مو معقوله الانسان يسرع فيها عطونب فيها قسيمة سرعه كاتب في القسيمة سرعه 40 ايش رايك بعد هذا الظلم |
الجميع مشكورين على المشاركة وان شاء الله مانطلع من هنا الا بحل مع إدارة المرور
بالنسبة لسؤال الاخ Coco Cobana فأنا بقولك في رمضان 1429 هـ الماضي صليت التراويح مع الشيخ خالد الجليل بجامع الخير بمخرج 2 الدائري الشمالي في الايام الاولى قبل ينقلونه لجامع ام الحمام المهم اني بعد ما طلعت من المسجد خذيت طريق الدائري الشمالي بالرياض متجه شرق وفي نقطة تفتيش هناك ورصدني الرادار على سرعة 125 او 130 تقريبا وخذيت مخالفة سرعة وخذيتها ولا تكلمت لاني عارف نفسي اني غلطان بس المخالفة اللي خذيتها بطريق الخرج الرياض شمال انا متاكد مليون بالمئة من ان سرعتي كانت دون الـ 120 حتى ان صوت الجرس ماسمعته يعني مابين 110 الى 119 والرادار يقول ان سرعتي 150 ؟؟؟ والسرعة المخصصة في هذا الطرق 120 ؟؟ وصدقني لو انا غلطان وربي ما كتبت هالموضوع بس ما كتبته الا من القهر وااللي غبني اكثر ان فيه سيارات كانت مسرعة ورصدها الرادار بس ما شفتها واقفه عند المخالفات ؟؟ المهم البشاره عارفين انا رفعت شكوى من خلال البريد الاكتروني للمرور تخيلوا اليوم اتصلوا فيني مع العلم اني قلت مافيه امل احد يرد عليك وقالوا نبي صورة بطاقة الاحوال عشان نكمل إجراءات الشكوى بصراحة ماعاد اهتميت بالمخالفة كثر ما استانست ان فيه ناس في المرور تتابع الشكاوي وتحاول تاخذلك حقك :) << وهذا اللي برد النار اللي بداخلي منهم :) |
اعطينا البريد الالكتروني للمرور اللي قدمت من خلاله الشكوى
|
اخوي الغالي صارلي زي ماصارلك كنت امشي 100 طريق السفارات وقفوني وركبوني الباص ومخالفه وشالو سيارتي قدامي قالو انت تمشي 180 اقسم لكم بلله
شف لها سنه واكثر من القهر من الغبنة ماقدرت اتكلم انلخمت وكنت موظف ذيك الفترة ببنك المهم حجزوني 4 ايام وكل يوم اقول ياعالم انا مظلوم ابي احد اكلمه هذا الكلام كان يوم ثلاثاء بلليل قالولي مالك الا السبت لين يجي مطوعهم اللحيدان مدري وشسمه هذا الكلام بمرور الناصرية ولا طلعت الا يوم الاحد لا ومسدد جميع المخالفات الي علي بالغصب كانت 1000 على السرعه غير القديمة لي 1000 وحجز 4 ايام لا ومظلوم والله مظلوم لكن الشكوى لغير الله مذله وحسبي الله ونعم الوكيل على من ظلمني المهم يوم طلعت رحت للعقيد مدري العميد وشكيت له الحال قال مستحيل قلت وش الي مستحيل كيف تثبتون انه انا طيب قال العسكري شايفك كيف يشوفني وفي ليل وانواع السيارات لا وهو فوق الكبري والشارع مظلم وزيدك من الشعر بيت وصلنا 2008م ولا فيه اجهزة ولا شي ليش مايصيد برقم اللوحه ولا برقم الهيكل هي اختيارات ولا يعجبك ولا مايعجبك شي يقهر ياوطني والمشكله نسكت المهم هالمره قلت مراح اسكت اابي اجرب انسكت غيري مااسكت فقالي هالعميد رح للقسم عندنا فالمبناء الثاني اسمه فصل المنازعات مدري وشو وكتب شكواك رحت وكتبت كل شي واسم العكسري ولو يبون ارسمه رسمته المهم قال ندق عليك قلت مافيه ندق انتم اخذتو حقككم وانا مظلم ولا احد عبرني ماقلت بدق عليكم ولا فكرتو تعطوني فرصه المهم كل اسبوع جايهم الين وصلت 6 اشهر فالاخير قالي رقيب منهم مصدق انت هذا اذا ماضيعوها وربي وصلتها للبشرى والبشر سكتني شرحها وحولها لمدري من ثم للمقبل ولا صار شي وهذي هي السالفه لا اخذت لا حق ولا باطل وتأكد اللحين ماعندك احد وانك يالمواطن يالسعودي شات الله في ارض الله يقولون لك يمين غصب عنك يمين يسار يسار ..... وبقول وبعيد يوم انك جبت طاري المرور ممكن بهالفكره اصحي الشعب وتوصل المعلومه او الرائي بسرعه صدق الشاعر الكويتي الي يقول نص شعبك من الحفر للقصيم على الكويت معتاشه هذا غير البترول وسابك والمرور حاليا يكفي لو يبون يقضون على البطاله قضو زي ماقضاء المرور على السرعه فهمتوني بمعنا ان الحكومه هي الي تتحكم بالشعب وهي الراغبه بذلك خلعنك القصيبي ورجع للسالفتي الاوله كنت اقولكم موظف في بنك المهم اخذت منهم ورقه اني محجوز رحت للبنك قال مانعرف هالحركات الزبده انها اثرت على مساري الوظيفي وها انا عاطل ... انا اسف على اللخبطة والازعاج بس تحمست مع الموضع وحبيت اشارك بوضعي والله ثم والله ماقلت هالكلام الا من غيرتي على بلادي وعلى عيالها وبناتها وحلالها تقبلوا وافر تقديري واحترامي |
لا حول ولا قوة الا بالله
المرور. عبيت درج السياره بقسايم المرور |
لا حول ولا قوة الا بالله
ياخوك يقولك الواسطه فوق القانوون انا مره من المرات سويت حادث وكان الغلط 100 % عليي بس المسكين اكلها وقلبوها عليه ب 300 ريال للعسكري قلب موضوع الحادث تحياتي |
والله العظيم اني مطلع رخصه العام الماضي عمومي نقل ثقيل وتفاجأت قبل أسبوع بأن عندي مخالفات بقيمة 600 ريال
الله لايوفق من كتبها في ظهري من وين أسددها .............؟ لابارك الله فيهم |
الجميع مشكورين على المشاركة
وصدق اللي قال شف مصيبة غيرك تهون مصيبتك da7om شاكرلك طرح قصتك و معاتاتك مع المرور وبصراحه بعد ماقرأت كلماتك عرفت ان ماحولك احد ونا يقالي رافع شكوى وباخذ حقي عز الله مالقيت الا التعب والله يرزقك بوظيفة افضل بكثير من وظيفتك السابقة مع خالص تحياتي للجميع |
الله لايسامح كل ظالم ان شاء الله
|
المرور لاحياة لمن تنادي.
|
انا صادني الرادر على سرعه 125
واخذت مخالفة على طول كلمت واحد وكنسلها هذا الوسطة |
| الساعة الآن 06:04 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين