|
تجربتي في مقابلة الشخصية لوظيفة المعيدة
السلام عليكم كيفكم حبايبي اليوم راح اكتب لكم تجربتي في المقابلة الشخصية لوظيفة المعيدة دقوا علي يوم الاثنين و قالوا تعالي للامتحان الساعة 12 .. طبعا ما قالوا هو امتحان تحريري ولا مقابلة شخصية .. رحت على أنها امتحان طبعا حست في الجامعة مدري وين أروح حصلت على المكان و لقيت طالبات كثار سألت قالوا ما ندري هو امتحان و لا مقابلة قالوا انتظروا لم الساعة 12 المهم قعدنا عند مكتب رئيسة القسم و بعد البحث و التحري طلعت مقابلة ولا بعد طلعت أنا الأول لأني أنا أول وحدة مقدمة المهم قالوا أن عدد المتقدمات 180 طالبة راح يقابلونهم كلهم على أربعة أيام الأربعاء و السبت و الأحد و الاثنين ثم إلى راح تنجح راح تمتحن امتحان تحريري هذا الكلام من عند القسم أما الكلام إلى ينقال من خارج القسم أنهم راح يأخذون من 180 خمسين متقدمة ثم راح يصفونهم إلى 10 ثم راح يأخذون وحدة منهم لان ما في إلا وظيفة وحدة . المهم دخلت أنا أول وحدة ما أدري وش القصة فاجأوني 3 دكاترة حريم على المكتب و 2 دكاترة رجال على التلفون ومن اول ما دخلت ما قالوا أن راح يقابل معك رجال ما ادري إلا ذاك الصوت من السماعة يقول السلام عليكم و هم يقولون ردي عليه المهم سألني ما هي خطتك المستقبلية لو تكوني معيدة ؟ هل اشتغلت قبل كذا ؟ كيف راح توفقين بين العمل و البيت ؟ لو كملتي ماجستير في إي تخصص ؟ لو ما حصل هذا التخصص في إي تخصص أخر راح تقدمين ؟ ثم الحريم سألوني بعض الأسئلة و طبعا هم يكتبون من دخلت لين طلعت . و من الاسئلة التي سألوها للي بعد من إي محافظة ؟ لو خيروك بين الزواج و البعثة وش راح تختارين ؟ لو وقف زوجك في طريقك ماذا تفعلين ؟ ومن ها الأسئلة طبعا هذا الأسئلة ما سألوها إلا للغير متزوجة يبغون يحرجونها .. و لا أخذت المقابلة إلا أقل من ثلاث دقائق .. قبل شوي جاني أتصال من واحد راح يقدم أوراقي على الماجستير و قابل الموظف إلي دق علي قال له لي أنت قلت أنها أمتحان و هو صار مقابلة قال هو امتحان حتى شف هذي هي الأسئلة بس ما دري لي غيروا رأيهم أنا كتبت تجربتي يمكن في أحد يستفيد منها .. يا لله أبغى ردودكم... وكل واحد يكتب تجربته لنستفيد مع تحيات اختكم رياح |
ليييييييييييه ما في ردود
|
ريـــــــــاح
اللـه يعـطيك العـافية ياقلبي وجزاك اللـه ألف ألف خير اليوم كنت ناوية انزل موضوع أسـال فيه عن المقابلات لوظائف الإعـادة الله يوفقـنا احنا كمـان ماقصرتي يالغلا |
طالما انها وظيفة حكومية فكل الاجراءات هذي صوريه ..بس عشان يقولوا هاه سوينا الاختبارات ومانجح سبحان الله الا ولد او بنت الدكتور فلان ههههههه زميلنا في الجامعه
الله يوفقكم ان شاء الله بالي تتمنوه تحياتي,,,, |
أختي غيمة
أن كتبت علشاني قبل أحترت و ابغى أحد يفيدني و قلت أكيد راح يمر أحد بنفس التجربة خليني أكتبها و هي طازجة قبل ما انسى التفاصيل و شكررا لك |
أخي موظف مصرفي
أنا دارية انها معروفة من هي له بس قلت أخذ خبره أنشاء الله يكون عندي واسطة إذا جت مرة ثانية في أي محل .. وشكررررا على المرور |
عندي طلب
أنا عندي مقابلة يوم السبت علشان الماجستير عند أحد خبر عن كيف المقابلة والامتحان ياليت تفيدوني بليييييييييييييييييييييز |
قبول الماجستير
يعتمد بالدرجه الاولى على المعدل بالدرجه الاولى وعاده المقابله والامتحان تكون تحصيل حاصل بالتوفيق |
والله تعتمد على الواسطة
|
اكيد بديرتنا الواسطه فوق القانون
بس عموما ارى ان قبول الماجستير اصبح اسهل من قبول الوظائف بكثير |
| الساعة الآن 11:03 PM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين