يا شباب أفيدوني بنك الجزيرة التكافل الأجتماعي عندي مقابلة السبت .
 

يا شباب أفيدوني بنك الجزيرة التكافل الأجتماعي قبل برج المملكة عندي مقابلة السبت صباح .

واللي قدم وقابلوة يقلي وش أسأل

اخوي...
انا سبق اجريت مقابلة عندهم..
طبعا الوظيفة... تتطلب مهارة التسويق والقدرة على الاقناع...
وكل اسئلتهم تدور حول هذا الموضوع...
اذا تم قبولك ان شاء الله :
- لازم تدخل دورة لمدة شهر تتعرف فيها على مطلبات الوظيفة
- مكافأة شهرية 1000 ريال + نسبة معينة ( نسيت كم مقدارها!!)

امنياتي لك بالتوفيق

تسويق على أيش أنا أبي وظيفة البنك نفسه ماأبي التسويق أنا موظف في شركة راتبي 3500 الأن وأدور عمل في البنوك
مأهلاتي :
بكلوربوس أدارة عامة + خبرة 7 سنوات ودورات في الكمبيوتر وغيرها .

ماعندهم تحويل على البنك الجزيرة نفسه .!!!!!!!!!!!!!!!!!!!!

انت رح لهم وشف وش عندهم!!
يمكن طالبينك... عندهم في الادارة

انا مثلك...... قلت لهم وش تسويقه؟!! وظفوني عندكم بالادارات في البنك.. مو بالتسويق!!
انت حاول... والله يوفقنا واياك ان شاء الله
عاد ان وظفوك.... توسط لي عندكم (:

انا اعرف مساعد مدير شئون الموظفين وقلي البرنامح التكافل التعاوني بوظيفة اسمها مستشار وهي مكونة من 5 برامج هي
حماية .. تعليم أبناء .. زواج .. تقاعد .. ونسيت الخامس
والراتب 1500 ريال وانت شطارتك يعني فيها عمولات


واذا تبي شي من ثاني عن البنك اسأل

تبغى معلومات عن برنامج التكافل ادخل على الموقع
http://www.takaful.com.sa/Home.asp

تبغى تعرف طبيعة الوظيفة
هيا بمسمى مستشار تخطيط مالي
ولكن في الاساس هيا مندوب مبيعات

راتبها الف ريال والعموله
الوظيفة مؤقتة للي مهم محصلين وظيفة

وبالتوفيق للجميع

ينطكم العافية

اخوي انا قدمت عليها واتصالوا علي وكان عندي مقابلة شخصية يوم 28 يناير يوم الأحد
كلموني قبلها باسبوع خلال الأسبوع سألت عنها ما احد نصحني بأني اروحلها
وفي النهاية تركتها .
اهم اسباب من ناحية الدوام من 8 إلى 6 المغرب
الراتب 1500 ريال
الوظيفية هي مندوبة ( وهي مستحيل اروح لوظيفة مثل هذه وانا معي موهلات عالية )
المواصلات من عندي و.....
المهم ما احد مدح فيها وتركتها .
ولك كل الود
اختك فروشة

هذي المشكله اختي عموما وليس خصوصا في شبابنا وبناتنا ..انا مؤهلاتي عالية ومستحيل اروح لهذي الوظيفة ..انا اقلك طيب معليش لو انك موظفه اقول من حقك ..لكن منتي موظفه وتقولي كدا :)
فكري فيها بعقل طموح ..وبعقل عنده هدف..مو بعقل ابغا وظيفة ترضي مؤهلاتي وتناسبني وراتبها لايقل عن 8000 :)
اعطيكي مثال
انتي الان مؤهلك عالى على قولك
ورحتي واشتغلتي لفتره مؤقتة ولنتعبرها فترة تجريبيه ..وقتها لما تجي تقدمي على وظيفة لما يٍسألوكي عندك خبرة ؟ تقوليلهم ايوا عندي خبرة مستشارة تخطيط مالي ببنك الجزيرة بالاضافة الي مؤهلاتك كيف ؟محايختلف الوضع؟
الا والله
وبامكانك لو اثبتي وجودك وانك صح تبغي تشتغلي او قدرتي تنمي علاقاتك مع الادارة العامة تتوظفي على البنك براتب لو انك بشهادة بكالوريس مايقل عن 9000 ريال

فكري انتي وفكروا كلكم الدنيا فرص وفنفس الوقت ارزاق

بالتوفيق لكم,,,

طب اذا ممكن اخوي موظف مصرفي
تقول كيف التقديم على بنك الجزيرة ؟
مع اني لسى متخرجه من جامعة الملك سعود حاسب الي بس عشان الخبرة ممكن اقبل بوظيفة ماتناسب مؤهلاتي لو ان شاء برنامج تدريب عادي اوكي