وظائف شركة سما للطيران ؟؟؟؟؟؟؟؟؟؟؟

المبرمج · #1 (**permalink**) 22-02-2007, 04:02 AM

بسم الله الرحمن الرحيم
صباااااح الخير شباب ؟؟ كيف الصحة إن شاء الله تمااااااااااااااااااام
المهم ما أبي أطول عليكم
أبي أقول لكم إن فيه تقديم لوظائف شركة الطيران الداخلية الثانية وهي شركة سما واللي راح يكون إنطلاقتها مع بداية الشهر الجاااااااااااااااي في السوق السعودية زي ما شرح لي الموظف اللي قابلته والوظائف طبعاً للجنسين وهم يبون موظفين في الفترة الجاية !!!
أما بالنسبة للتيلفونات والفاكس فلسى ما رسو على الارقام الرسمية ولكن التقديم بيكون مباشرة عن طريق أستقبااااااال السيرة الذاتية طبعاً بالإنجليزية وإذا ممكن تضيفون معها العربية فلا توجد هناك أي مشكلة !
طبعاً راح تسألون عن العنوان ؟؟؟؟؟؟؟
أخواني بالنسبة للعنوان في الرياض هو حي المروج بالقرب من مبنى الخطوط السعودية طبعأ للي جاااااااي عن طريق الملك فهد راح يلف مع أول طريق يصادفه بعد هايبر بنده وبعدها بيكون معاااااااارض الرياض على يمينه والخطوط السعودية على يساره وراح تصادفه الاشارة طبعا راح تأخد مع الا شارة يسار تمشي حوالي 100 متر وراح تشوف عمارة لونها مشمشي ( برتقالي ) في الجهه اليمين من الناحية الثانية بجانب مبنى الدوريات الامنية وعليها شعار شركة سماء طبعاً التقديم من الجهة الجانبية لمكتب التذاكر .
وبالتوفيق للجميع ...........
تحياتي

فيصل الجهني · #2 (**permalink**) 22-02-2007, 04:13 AM

هلا أخوي مبرمج

ياليت تتأكد لي متى يبداء التقديم ومتى ينهتي

وايش الوظائف المطلوبه والشهاادات ؟

الله يجزاك الجنه

انا من ينبع يعني صعبه علي اطلع الرياض وانا مطفر مامعي الي يطلعني الرياض

المبرمج · #3 (**permalink**) 22-02-2007, 04:18 AM

أخوي فيصل مشكووووووووور على المرور والله يوفقك ويرزقك وأبشر أنا راح أتأكد من أرقام التيلفونات والفاكسات الخاصة بهم علشان ترسل السيرة بدون عناء التوجه للرياض أما بالنسبة للتقديم متى يبدا فهم يستقبلون السير الحين وراح يتصلون بعد الاطلاع على السير .
تحياتي مره أخرى

ولد الأصول · #4 (**permalink**) 22-02-2007, 04:52 AM

لي رجاء خاص يالمبرمج ياليت تحط لنا أرقام التلفونات أو الفاكسات وإذا عندك
معلومات وش يطلبون من المؤهلات ومتى التقديم عندهم ومتى ينتهي وإذا عندك
شي إضافي فلا تبخل علينا ويعطيك العافية .

المبرمج · #5 (**permalink**) 22-02-2007, 04:57 AM

ولد الأصول مشكور على المرور وزي ما قلت الأرقام والفاكسات قريب إن شاء الله راح نضعها أما بالنسبة للمؤهلات فهم يستقبلون السير الذاتية باللغة الانجليزية بأي مؤهل وهم راح يراجعون السير واح يتصلون على الأشخاص اللي يبون والله يوفق الجميع وأبشر إذا جد جديد راح أوفيكم به من لي غيركم !!!
تحياتي