السلام عليكم ورحمة الله وبركاته

ما ابي اكثر كلام عليكم واطول السالفه ..

صارت لي مشكله جنائية قبل 6 شهور

الحكم جلد 80 حد مسكر + منع سفر سنتين

( تعميم منع السفر ساري )

وما تسجلت علي سابقه ومارحت الادله الجنائية وما بصمت

(( الان انا طالب بدورة الحرس الوطني ))

صار لي شهرين وخمس ايام وباقي على تخرج دفعتنا 3 اسابيع..

بس اقرى بالنت انهم يستبعدون الناس قبل التخرج للي عندهم قضايا

وانا خايف يستبعدوني واتفشل قدام الاهل وانتم خابرين ...

مع العلم وقت القبول باوضاع كورونا ما يخلونك تروح للادله

هم بنفسهم يرسلون مندوب للادله الجنائيه

وجابوا صحيفة السوابق والحمد لله ( لا يوجد لديه سوابق )

بس اخاف مع المسح الامني يستبعدوني ويقولون مع الباب ..

هل المسح الامني قبل التعيين او بعده ؟

وش تشورون علي .. اكمل ولا اطلع شايل هم ورب البيت

الله يسهل امري وامركم ..

و يوفقني وياكم ويسعدكم ويسعد كل من يجاوبني بشيئ اجهله ..

"

انا موكل امري لله ومؤمن بالقدر ..

واذا هي مكتوبه بفرح بالتخرج ، واذا العكس الحمد لله

اتمنى من الاداره حذف الموضوع ..

طالماً إن أمورك تيسّرت ودخلت الدورة وما تم إستبعادك من البداية ، فـ أمورك إن شاء الله بالسليم والله يوفقك وعقبال التخرج بحول الله