|
موعدي بعد شهر بالمحكمة العمالية ابي فزعتكم
السلام عليكم و رحمة الله و بركاته
طبعا انا فصلوني من العمل لاني رفضت اسافر للمنطقة اللي طلبها مني المدير و قلت اعطوني راتب و انا لي 4 شهور متتالية بدون راتب ، قلت ما اقدر و فصلني من العمل عقدي محدد المده سنتين اشتغلت عندهم 6 شهور و نص هل يحق له فصلي ؟ هل يحق لي الايقاف دام مافيه رواتب ؟ منتظر ردكم |
رد: موعدي بعد شهر بالمحكمة العمالية ابي فزعتكم
هو يحق له ينقلك إذا شاف فيه ضرورة ملحة في ذالك لمدة 30 يوم مو أكثر بشرط يتحمل تكاليف انتقالك واقامتك بس مايقدر يفصلك النفس السبب عشان كذا راح يلجأ بأن يفصلك بسبب تغيبك عن العمل ولمدة 15 يوم متتالية يسبقها انذار كتابي بعد 10 أيام من غيابك بناء على المادة 80 (وفي هذي الحالة للأسف مالك مستحقات تعويض باقي الشهور) لانك تعتبر غايب عن العمل حتى لو حضرت وأثبت حضورك في المقر اللي مو مطلوب منك عموما موضوع الفصل هذا لللأسف من بعد المادة 77 صار مافي أسهل منه ممكن أنه يفصلك بدون سبب مشروع بحجة عدم القدرة على توفير رواتب كل الموظفين أو أعادة هيكلة للشركة أو غيرها من الاسباب المصرحه له كصاحب عمل (لكن يعوضك بقيه الشهور اللي لك إذا ثبت فعلا أن العقد محدد المدة) . يعني خلاصة الكلام ... موضوع الفصل هذا يقدر يفصلك في كل الاحوال وموضوع خالصين منه . لكن الفرق الحين بس انه مايبي يفصلك على المادة 77 عشان مابيي يعوضك بقية الشهور اللي بالعقد . يبي يفصلك على المادة 80 عشان يكون مالك تعويض إلا بس الرواتب المتأخرة و رصيدك من الاجازات إذا كان فيه . المشكلة أنهم فصلوك للأسف لو لس باقي مافصلوك كان نصحتك تطلع لمدة شهر ولا تحضره كامل يعني تغيب فيه يعني احضر أول اسبوع وغيب ثاني اسبوع واحضر ثالث اسبوع وغيب رابع اسبوع فايدة الحركة ذي عشان تكسر قانون غياب اسبوعين متتاليين ... وضحت الصورة ...؟ |
رد: موعدي بعد شهر بالمحكمة العمالية ابي فزعتكم
اقتباس:
و بيوم و ليلة يفصلني ؟! أنا سالت موظف في قسم القانونية قال يحق لك ترك العمل اذا فيه خلل بالعقد و من ضمن الخلل التاخير بالراتب انت متاكد من كلامك ؟ |
رد: موعدي بعد شهر بالمحكمة العمالية ابي فزعتكم
أنت بالأول تقول فصلوك .... وهل يحق لهم ؟
والحين تقول يحق لك ترك العمل ... هل انت تبي تترك يعني ؟ الحين ماعرفنالك تبي تستمر معهم أو لا ؟ على العموم أنا ردي لك بناءا على كلامك من ناحية الفصل . وايضا يحق لك ترك العمل ماحد عارض هالشي بس النتيجة خلاص أنهم سبقوك وفصلوك فردي جاي بناءا على هالشي . |
رد: موعدي بعد شهر بالمحكمة العمالية ابي فزعتكم
سلام عليكم
مع الأسف الرد متأخر الحقيقة فصلك غير نظامي وتستحق رواتب 4 شهور متأخرة + رواتب باقي مدة العقد =17 راتب بالنسبة لتأخير راتبك بالمادة 94 لا يجوز تأخيرها وهنا تقدر تشتكي لمكتب العمل بالنسبة لنقلك لمنطقه تجبرك تغير مقر سكنك فلا يجوز له حسب المادة 58 بالنسبة لعملك او من يمر بظرفك يقدر يترك العمل بالمادة 81 وتاخذ كافة رواتبك حتى نهاية العقد =17 راتب بحكم من المحكمة العمالية لا تتأخر مستقبلا بتوثيق تاخير الرواتب او فصلك تعسفيا في مكتب العمل |
| الساعة الآن 10:57 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين