|
مرحبًا إلى محمد البلادي
الوالدة الحمدلله ماشي لها الضمان على النظام القديم ينزل لها 1150 فقط هي المستفيدة الوحيدة، وحنا 3 بنات معاها والحمدلله قدمت لها على شقة بالاسكان وصار معاها شقة بأسمها امورها من هالناحية أنحلت،
يعني الآن الوالدة لاول مره يصير بأسمها شيء شقة + راتب تقاعدي 660 + الضمان = اجمالي (1700 تقريبًا شهريًا) انا ينزل لي تامين 660 واختي مايجيها ولا ريال ماهي موظفة واختي الثانية راتبها 4500 قطاع خاص وممكن تطلع قدمت لنا على حساب المواطن وتأهلنا الحمدلله السؤال إذا كان الوالد يعطينا مصروف فقط بس مو كثير ومايكفي إلا اسبوعين وماهو مساعدنا بامور الحياة ابدا أقدر اقدم لنا على الضمان يشملنا ولا لا ؟ كوننا نعيش مع الوالدة بشقتها ! والسؤال الثاني هل اقدر أستفيد من ناحية رسوم الدراسة او القياس او الوظايف؟ انا وخواتي مو مشمولين مع الوالدة وش الشروط عشان نكون بالضمان مع الوالدة |
رد: مرحبًا إلى محمد البلادي
اقتباس:
التسجيل بالضمان المطور لابد منه وسجلوا جميعكم مع الوالده عن طريق مكتب حكومه اكترونيه لضمان عدم الخطأ وحساب المواطن تسجلوه دعم وليس دخل انتبهوا وبعد التسجيل انتي واخواتك تدخلون المنصه عن طريق النفاذ الوطني وتوافقون على ان تكونوا تابعين لوالدتكم وترفقون سجل الاسره مضمومين مع والدتكم مع صك الطلاق بملف PDF والاشاره الى رقم صك المنزل وتاريخه اختك اللي راتبها 4500 اذا سجلتوها معكم ستضركم رسوم الجامعات الحكوميه تشملكم اذا وجدت وقياس يشملكم الى عمر 18 سنه والوظائف سجلوا بالمنصه المخصصه للتوظيف وسجلوا في تمكين والضمان يتواصل معكم سيتم الحسم من معاشاتكم النصف امك 330 وانت 330 ويكون الاستحقاق 1100 لامك + 550 لك + 550 لك = 2200 ريال 2200 ناقص دخلكم 660 = 1540 ريال + 84غذاء × 3 = 252 ريال وكهرباء 118 ريال والمجموع الكلي 1910 ريال وهذا بدون اختكم |
اقتباس:
هلافيك الله يحييك بالنسبة للضمان المطور انا سجلت للوالدة قبل 11 شهور واضفتنا 3 بنات كلنا معها وسوينا قبول وقدمت، وكانت أختي وقتها مو موظفة وبياناتنا على النظام القديم إلى الآن، يعني ماعدلت شيء وسمعت إذا عدلت او سويت سحب للطلب ممكن يأثر على أهلية الوالدة وبس تركته، ودي أعدل فيه وارجع أقدم بس خايفة الضمان ينقطع عن الوالدة وبالنسبة لاختي، انا ضايفتها بحساب المواطن وتأهلنا كلنا هالشهر إلا هي والسبب أني ماضفتها للسجل الغلط مني طبعًا، وسويت أعتراض وإن شاءالله ينقبل يعني يصير اضيفها بحساب المواطن وأحذفها من الضمان ؟ |
رد: مرحبًا إلى محمد البلادي
اقتباس:
اختك الموظفه هل تأكدتم انها مسجله بالتأمينات من هنا https://www.gosi.gov.sa/GOSIOnline/C..._Status&locale |
اقتباس:
بالنسبة للتأهيل باقييييي ( إلى الآن ماتأهلنا) برجع ثاني مره أعدل واقدم بحذف أختي من الضمان، بس أبقيها بحساب المواطن عادي؟ |
رد: مرحبًا إلى محمد البلادي
اقتباس:
لكن نظام الضمان يعتمد على تسجيل الاسره التي تعيش تحت سقف واحد مع بعضهم البعض المشكله لديكم الأن ان اختك مسجله مع امك بسجل الاسره الا اثبتم ان اختك مثلا لاتعيش مع امك مثلا مع والدها او بسكن مستقل الان انتم بين نارين اذا تم تسجيلها رسميا فوالدتكم سيأتيها الضرر واذا حذفتوها فمن الممكن ان الضمان يسألكم عن عدم الحاقها مشكله |
اقتباس:
يعني إذا اختي موظفة بوظيفة غير دائمة بشركة باي لحظة تطلع تسقط أمي من الضمان؟ يعني إذا لقينا لنا وظايف انا واختي الغير موظفة وتوظفنا يسقطون أمي ؟ معليش بس مافهمت شدخل راتبها الضماني اللي من الحكومة كونها كبيرة سن وعاجزة بوظائفنا اللي نبي نأسس فيها أنفسنا ؟ ودي أفهم وش الرابط بينهم ! |
رد: مرحبًا إلى محمد البلادي
انا معاك ومؤيد لك وفيه ظلم لكن هذا نظامهم والشكوى لله ولدينا امل بالتغيير
فلنفرض ان الابن او الزوجه رفضت ان تعطي شيئا من مالها فهل الشرع يرغمها على الدفع المهم النظام ينص على احتساب نصف الراتب لجميع افراد الاسرة ومن ثم يتم انقاص النصف من الاستحقاق فاذا كان نصف الراتب اعلى من المعاش المقرر للاسره وهو 1100 للعائل و550 للتابع فهو لايستحق اما اذا نصف الراتب للاسره اقل من المقرر فيستحقون هذا هو الواقع المؤلم |
اقتباس:
|
رد: مرحبًا إلى محمد البلادي
اقتباس:
وحاولوا حتى لو تجيبوا تعريف من العمده انها تسكن مع والدها والاحتفاظ بالمستند لديكم حتى يمكن تقديمه اذا تم السؤال عن عدم تسجيلها ومن ثم حذفها من القائمه شيئا من الحزن ينتابني واكره اليوم الذي لااستطيع فيه مساعدة احد واساعد برسم الابتسامه على محيا المستفيد الشكوى لخالقي |
| الساعة الآن 11:05 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين