محمد البلادي لو تكرمت تفهمنا
 

السلام عليكم ورحمة الله وبركاته
اختي مضاف معها ابنها من اول مادخلت الضمان وينزل لهم كل شهر
ويتاهلون الام وابنها
هالشهر الام مؤهل
والابن غير مؤهل اسقطو الابن والسبب مكتوب مسجل مسبقا كمستقل او تابع موكد
ووقت كلمتهم قالو لها حطيه بخانة الموصي عليه
مو بخانة قريب ؟؟
مدري وش تسوي هي كذا تحذفه وتضيفه مره ثانيه والا وش تعمل الله يسعدكم اخي محمد البلادي او من عنده خلفيه يرد علينا

وبالنسبه اخوي يتيم الاب وساكن مع اختي تقدر تضيفه معها لانه ساكن عندها …

رد: محمد البلادي لو تكرمت تفهمنا 🥹
 

وعليكم السلام
اول شئ لاتستعجلي بالرد ممكن يجي بني ادم وبدل مايكحل العين يعميها انتي معك حتى يوم 8 ميلادي لتقومي بتعديل البيانات
ثاني شئ اب الولد هل هو موجود اخاف انه مسجل ابنه معه بالضمان ان كان هو على قيد الحياة وبالضمان
ثالثا فعلا لازم تتعدل البيانات ويكتب (موصى عليه وترفق صك الحضانه ) بملف بي دي اف بس تأكدي بتكوين المنزل هل تم سحبه للمنزل بالتكوين
رابعا اخوك اليتيم وساكن مع اختك لابد ان تخرج له اختك صك حضانه ومن الموقع وبعد كذا تضيفه وترفق الصك

انتظري حتى يطلع وليد ويبدي رأيه بهذا الموضوع وعلى اساس تكوني على بينه اكثرولاتستعجلي بالاجراءات ومعاك حتى يوم 8 ميلادي يعني 8 ايام باقي الشهر القادم الميلادي وعلى اساس يدخل بالتأهل للدوره القادمه

أولا. التعديل من تاريخ 1 حتى يوم 8
ثانيا . هل معك صك حضانه.
في حال معك صك حضانه لابد من اضافته في خانه موصى عليه مع ارفاق الحضانه.
في حال عدم مقدرتك على التعديل يلزم سحب الطلب بعد صرف المعاش والتعديل الى موصى عليه والتقديم مره اخرى بعد مرور 24ساعه.
انتبهي في حال رفض التعديل يتم سحب الطلب بعد صرف المعاش.
والتاكد قبل التقديم من وجوده بالمنزل .
في حال افترضنا ان تم تسجيله من والده معه.
الفاصل بينكم صك الحضانه. يعني اللي معه صك الحضانه هو احق بتسجيله.
عند ارفاق ملف صك الحضانه لايزيد الملف عن 2 ميجا .
موفقين .

اخوي محمد الحين وش اخليها تسوي تصبر حتى يوم 8 وبعدين تحذف ابنها من المنزل وتضيفه من جديد بخانة الموصي عليه
عندها صك حضانه ومان مضاف معها طول الشهور اللي مضت بس هالشهر
ابوه موجود بس ماعنده ضمان وهو من الاول مضاف مع امه
يعني لو ابوه سجل بالضمان يقدر يضاف الابن وهو اصلا مضاف مع امه !!!؟


اخوي عمره 22 سنه ويدرس بس مو مضاف بالضمان ينفع تضيفه بدون صك حضانه بس يسوي قبول عن طريق ابشر والا ماينفع ؟

اهلا اخوي وليد ايوه معها صك حضانه وكان مضاف معها بالضمان

يعني التعديل متى يفتح لها بين 1 و 8 من الشهر والا بعد يوم 8

ولو سحبت الطلب يطول مايرجع لهم الضمان اخوي والا

لا حول ولا قوه الا بالله مدري ليش مايقولون ان الابن لابد يكون بخانة الموصي عليهم بعد مايسقطونه وتتصل عليهم يقولون لك
والمشكله سبب الاسقاط انه مستقل كرب اسره او تابع موكد

ابوه يقدر يضيفه بدون ماياكد الابن من ابشر له

التعديل يفتح من بكره حتى تاريخ 8
بكره بعد صرف المعاش وبعد ماينزل في حسابها .تدخل المنصة ان قدرت تعدل تعدل الى موصى عليه.
في حال ماقدرت تعدل تسحب الطلب وتعدل وترفق صك الحضانه.
أهم شي يكون التعديل او سحب الطلب قبل يوم 8 ميلادي.
والابن إذا اقل من 18عمره مايحتاج تاكيد في المنصة.

الله يعطيك العافيه ربي يسعدك قالت لها وعسى خير ي رب
ع اساس اليوم تدخل وتعدل

رد: محمد البلادي لو تكرمت تفهمنا
 

بالتوفيق
يغلق