الضمان المطور
السلام عليكم/ ارسلولي تم إرجاع الاعتراض لوجود مستندات مطلوبه
وطلبو مني إرفاق سند قبض إلكتروني + فاتورة bdf وماعندي عقد ايجار وساكنه لحالي في بيت اخوي مع اني مطلعه إثبات استقلاليةسكن من عمدة الحي ومرسلت لهم كشفيه با آخر فاتوره اندفعت ودخلت الموقع الحين مااقدر اسوي اعتراض ولا اقدر اسحب طلبي في هالحاله وش اسوي ؟ هل احذفه والا اسوي تعديل فقط على طلبي؟ وهل ضروري اطلع صك عقد ايجار ياليت تجابون على كل الأسأله ضروري الله يسعدكم |
رد: الضمان المطور
ليه محد رد علي وين المشرفين ؟
هل اقدر اسوي عقد مدفوعة الايجار لاني ماعندي مبلغ كل شهر او كل 6 شهور احولها لأخويه ولو حولت له راح تتأخر في منصة ايجار واذا رجعها لي اخوي على حسابي الضمان راح يعتبروها مصروف دايم وبيقطعو عني الضمان او بينقصو منها ممكن تعطوني حل ؟ |
رد: الضمان المطور
وعليكم السلام
امامك حلين وأظن قبل كذا افدتك فيها عمل عقد ايجار من اخوك وهنا خطوات اصدار سند القبض https://www.ejar.sa/sites/default/fi...?itok=TdTW8rfL وعقد الايجار لازم يوضح فيه العنوان الوطني الحل الثاني فاتورة الكهرباء تحول باسمك ومشهد العمده لازم يتم تصديقه من مركز الشرطه يتم تعديل البيانات بالمنصه وترسل المستندات بملف بي دي اف مع صك المنزل الذي هو باسم اخوك ياليت يكون من اي مكتب حكومه اكترونيه اذا اعاد اخوك الفلوس لك لاالضمان له علاقه فيها ولااحد |
اقتباس:
الحل الأخير كنت قايل لي من اول عنها وسويت اعتراض وأرفقتها لهم لكنهم رفضوه اما الفلوس اللي راح ترجع لي من اخوي كل شهر شفت كثيرين في القروبات يشتكون ضمانهم نزلتلهم ناقصه عشان عندهم دخل غيره فيحسبونها على انه دخل ثابت هل انت متأكد لو ترجع لي مبلغ الايجار كل شهر ماراح يحاسبوني عليها وحتى المصاريف الثابته والمستمره من اخواني مايأثر على الضمان؟ |
رد: الضمان المطور
اقتباس:
بينما هو لديه اما تابع تم اسقاطه او خطأ بذكره لمبلغ يأخذه او احد التابعين وبالتالي يأتي الخصم انا لااعلم الغيب ماذا سيحصل هل ستتم محاسبتك حيال المبالغ الوارد لك ام لا ولكني حسب خبرتي المتواضعه وتتمثل بالأتي تاس كثر تأتيهم مبالغ ولم تتأثر معاشاتهم اناس لديهم بحساباتهم اكثر من 150000 ريال وعشرات الألوف ولم تتأثرمعاشاتهم ومع ذلك الاحتياط واجب ممكن يحول اخوك لحساب احد اقربائك ويوصلها لك |
اقتباس:
تمام يعطيك العافيه ماقصرت |
اقتباس:
السلام عليكم ورحمة الله وبركاته/ أنا كنت أتصفح في احدى برامج التواصل الإجتماعي عن موضوع الايجار وقريت موضوع اللي يستأجر شقه عند اخوه او ابوه او احد أقاربه ماينقبل في الضمان وكان ردوود البعض انهم فعلاً انرفضو بسبب ذلك حتى انهم تواصلو مع موظفين الضمان وقالولهم ان مانقبل عقد ايجار من الأقارب الحيين كيف اثبت لهم اني مستقله واني عايشه لحالي وان ماعندي تابعين جبت لهم مشهد من العمده مرتين مرره بدون شهود مع فاتوره بإسمي ورفضوه والمره الثانيه بتوقيع الشهود ومختومه من العمده والشرطه وفاتوره بإسمي وبرضو رفضوه وسويت عقد ايجار قبل اسبوع وطلع فيه بعض الأخطاء وألغيته والحين برجع اسوي عقد ثاني بس منتظره يحلون المشكله اللي في منصة ايجار بس بعد هالردود اللي سمعته من مستفديين الضمان احس اني متردده ومو عارفه وش اسوي بالضبط ؟؟ |
رد: الضمان المطور
اقتباس:
نحن هنا اجاباتنا اغلبها مبنيه على الخبره نعرف اناس كثر اخوانهم عملوا لهم عقود ايجار ولم يتم اسقاطهم وهناك اناس كثر حولوا فواتير الكهرباء بأسمائهم وعملوا مشهد موقع من شاهدين ومصدق من العمده والشرطه وارفاق صورة صك المنزل للأخ او الاب ولازال الضمان يصرف لهم لكن طالما انك قرأتي انه تم رفض من يعمل بتلك الحلول فمن الممكن ان هناك سياسه اتخذها المسئولين لم يعلن عنها وعملوا بها ومع اني وجهت تلك الاسئله لخدمة المستفيدين بمنصة X وموقع الوزاره الا انهم وللأسف يتهربون من الاجابه وفي كل مره يأتون لي بأجوبه خارج الموضوع وليس لها صله بما طرحته شوفي هنا سألتهم وهنا اجابتهم وبكل اسف : العناية بالمستفيدين رحم الله والديك هو السؤال هل يقبل الضمان عقد الايجار بين الاخ واخته مثلا او مايقبل ؟ ٦:١٣ م حياك الله ، ينظر الضمان الاجتماعي للأسرة بمنظورها الكامل وهي التي تشترك ذات المسكن ، دون إعتبار للحيثيات التي يكون عليها أفراد تلك الأسرة ، وعليه يجب تسجيل كافة أفراد الأسرة التي تشترك المسكن في الطلب الواحد ، ومتى ماكان دخل الأسرة بمجموعها لا يفي بالإحتياجات الأساسية كانت الأسرة مستحقة للمعاش. ٨:٠٦ م اجابتكم بعيده عن السؤال السؤال هل يقبل الضمان عقد الايجار اذا اراد الاخ تأجير الشقه على اخته مثلا او مايقبل لصلة القرابه والعقد مسجل بمنصة ايجار اقترح عليك اختي ان تراجعي الضمان بنفسك لتكوني على بينه اكثر وتاخذي كافة الاوراق معك وربي يوفقك |
اقتباس:
وعندي عقد ايجار من اخويا وادفع عن طريق منصة ايجار ومكتوب بسبب عدم اضافة التابعين قدمت أعتراض واتصلت عليهم قالوا لازم اضافة التابعين قلت لها ماعندي تابعين اولادي من هم صغار عند ابوهم حسبي الله ونعم الوكيل فيهم لو خلونا على الضمان الاول تعبونا بالضمان المطور ! |
رد: الضمان المطور
وحتى يكون الموضوع مكتملا اليكم محادثتي معهم ولم يعترضوا على العقد بين الاخ واخته
مرحباً ١٢:٠٢ م السلام عليكم : تم عقد ايجار بمنصة ايجار بين الأخ وأخته فهل الضمان يقبل ذلك العقد ويعتبر الاخ او الاخت مستقلين ام انه لايقبله الضمان ١٢:٠٣ م بأمل الافاده ٦:٥١ م الأحد، ٢٦ مايو وعليكم السلام حياك الله ، محمد لإثبات استقلال السكن يجب تقديم: صك ملكية، أو عقد إيجار إلكتروني، أو مشهد بالسكن الحكومي سُعدنا بتواصلك ٨:٠٤ ص يعني العقد بين الاخ وأخته يقبله الضمان ٨:١٤ ص فضلاً التحقق من إضافة عقد إيجار نشط وموثق لدى (منصة إيجار). لأن من شروط قبول (عقد الإيجار) بأن يكون موثق ومحدث في منصة إيجار، شاكرين لك. |
الساعة الآن 01:55 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين