المشاركة الأصلية كتبت بواسطة الفراشه فوفو (المشاركة 1036708)

بسم الله الرحمن الرحيم
ماني عارفه ابدا من فين ولى فين ......انا حاسه فيكم لاني عايشه الاحساس هذا من سنه و6 شهور في الحقيقه انا متزوجه من سنه و6 شهور انا وزوجي بدون وظايف قدمنا بكل مكان ماحصل نصيب هوا طوله مايساعدوا انو يقدم في وظائف عسكريه ومؤهلاته ماتساعده انو يتوظف في شركات كبيره فهوا حامل الثانويه اما انا حامله للاسف الشديد بكالوريس رياض اطفال مع دبلوم حاسب الي سنه.... طبعا هلمؤهل مايمشي بأي مكان بلسعوديه وياااااااااريت اللي بتقرا ماتدخل في يوم هلقسم لانك ماراح تلاقي ولى وظيفه تناسبك طبعا كوني متزوجه مافي دخل عندنا مصرووووف بيت كهرباء ماء تيلفون مواصلات ......طبعا بلقوه وقدرنا ندخل الضمان كم نستلم 1100 تخيلوا نسدد شهريا لبنك التسليف 500 ريال لاننا قدمنا طلب لسلفيه واشترينا سياره وبنسدد قيمتها يبقى 600 مابين دواء وتسديد كهرباء وماء واكل وشرب ولبس طبعا الكل عارف ان كل شي غالي ... تخيلووووو كيف عايييشييين ......طبعا كل شي غالي قلنا انا زوجي بندور وظائف في مدن بما اننا مقر سكنا في قريه لازم ننتقل لمدينه ونعيش انتقلنا تفاجأنا بكثرة المصاريف ايجار اصغر شقه وخراااااابه ب600 ريال , تعبية مويه شهريا ب50 ريال , شراء عزبه شهريا {تقتصر على رز وزيت وسكر وملح وبهار وشوية لحم نص ذبيحه} ب600, تعبية بنزين يوميا 10 ريال وغيرها كثييير من المصاريف المهم انتقلنا لوظيفه خاصة هوا لقي وظيفه ب1500 ونا نفس الشي بمستشفى ب1500 طبعا انبسطنا انو لقينا وظايف المهم انا شهريا عمرهم ماسلموني 1500 بحجة انتي اتاخرتي انتي سويتي فواتير غلط انتي نقصتي هنا وهنا وطبعا اشتغلت بمستشفى للاسف كلمة نصابييين قليله المهم عمرهم ماسلموني اكتر من 700 ريال
زوجي نفس الشي ....... طبعا الكل عارف كيف نظام الشركات واي شي خاص المهم كملنا شهرين اتضحلنا اننا والله زادت المصاريف والمبلغ مايكفي اضطرينا نسيب العمل ورجعنا لبيتنا اللي بلقريه اقلها صحيح هوا غرفتين بس اقلها مرتاحين من الايجار المهم وفعلا رجعنا بس والله والله والله وربي شاهد احيان كثييييييييره ننام بدون عشاء او غداء ونادر ماناكول الوجبات كلها واجلنا موضوع الحمل والاولاد{بلرغم اني نفسي اسمع كلمة ماما}........... وظروفنا كل يوم بتصعب والله حتى الكمبيوتر اشتريت شخصي وبتقسيط علشان اقدر افتح النت وادور وظااااااايف حكوميه للاسف للان ربي ماكتبلي.............. انا ماابغى صدقات او مساعدات ماديه انا ابغى منكم ارجوكم الدعاء لي ولزوجي بلوظايف الحكوميه ........أرجوكم ادعولي ادعولي ادعولي في كل صلاه ليكم ادعولي ارجووووووووووووكم ارجووووووووووووكم ارجوووووووووووووووكم والله مليت نظرت الناس ليا بشفقه ’’’’’’’’’’’’’’’’’
ملاحظه: انا لم اكتب اللي كتبته لاني ابغى صدقاااااااااااااات انا لا اقبل الصدقه ابدااااااااااااااااااااااااااااااااااااااااااااااا ااااااااااا انا ابغى بتعبي وشقااايااااا اني احصل على المال