حلول البطالة Unemployment Solutions - جعلها برد وسلام يا قطر .. الشاعر يحيى بن شيبان

مؤمنين ٍ بالقضاء وبالقدر=صفنا واحد ولا فيه انقسام

والله انه ضايق ٍ فيني الصدر=لا هجعت ولاحصل عيني تنام

بشهر تسعة يوم تاسع بالشهر=في ضلوعي صار صكٍ واحتدام

جعلها برد وسلام ٍ يا قطر=نختصرها ما بعد هذا كلام

آل ثاني يامحازيم الظفر=الله الله في خفافيش الظلام

اجعلوهم عبرة للمعتبر=اضربوهم ضربة ٍ فيها انقسام

العِدى لو هي تعذرّ بالعذر=العِذر مرفوض يا مال العدام

اشهد ان الموت واسباب القهر=طعنة ٍ لا جات في وقت السلام

لا بها نوماس ولا فيها فخر=ولا كرامة فيها لو ذرة جرام

بلـّغ العدوان ذي دولة قطر=في حِمى رب الخلايق والانام

لو كتبت سطور يلحقها سطر=ما يوّفيهم قصيدي والكلام

يا امير الدار في يدك الامر=بعد ربي قودنا صوب السلام

كلنا يمناك لا صاح الخطر=نوقف الوقفات من دون انقسام

لك يمين مغلظات والنذر=عِدنا لك جيش وقت الانضمام

كلنا لك عون في وقت العسر=كلنا لك عون دارك لا تضام

ان بغيت البر ولا في البحر=نعجبك لا جات في حسن الختام

لو تركبنا على الواح ودسر=ما نهاب الموج في حال ارتطام

ونحمد الله على السلامة يا قطر=كل عام ٍ وانتي احسن ما يرام

الشاعر : يحيى بن شيبان

https://www.youtube.com/watch?v=LGOkM2k3tXE

https://www2.0zz0.com/2025/09/10/02/913092497.jpg