بصراحة وبكل أمانة لو محل زميلي وش تختار ؟
 

أخوتي أخواني ...

أحد الزملاء الاعزاء بحاجة إلى مساعدة ورأي سديد منكم .. الرجاء أخذ الموضوع بمحمل الجد وشكرا.

وظيفة حكومية

راتب 5000
أمان وظيفي
علاوة سنوية ثابته
دوام فله :d
روتين عدم تطوير

وظيفة قطاع خاص

راتب 13000
تطوير + دورات
لايوجد علاوة سنوية ثابته
أمان وظيفي !!
دوام بالبصمة :o



بإنتظار ردودكم السديده والقيمة ... وجزاكم الله خير

أنا عن نفسي أبحث عن الأمان الوظيفي ..

الله يوفقنا جميعا وييسر امورنا ويشرح صدورنا

حكوميه اكيد

ونصيحه مني خله يستخير علشان ربي ييسر اموره ان شاء الله

واللي في القطاع الخاص يحولها علينا نمشى احوالنا فيها<<امزح

بالتوفيق :)

اعطيني وحدة وخذ الثانية
ههههههههه

بصراحة انا محتارة مثلك لكن اقولك فكر زي الناس واستخير مرة ومرتين وعشرة
بعدين اختار
والله يوفقك ويخليك
اختك فوفو

انا وحدة وهو وحدة لو عن نفسي باختار القطاع الخاص الحكومية محلك سر

ماادري أنا عن نفسي
ما أحب الوظايف الحكوميه أبد
بس على مقولة الأهل الوظيفه الحكوميه أريح
المهم
أنا أؤيد أخوي awlama
الوظيفة في القطاع الخاص
خصوصا وأنها تطور الشخص
ومثل ما قالوا أخواني
يستخير
فالاستخارة دليل الحائر

لو كانت لي 00 بصراحة بختـــار القطاع الخاص

ولي أسبابي 000

أولاً : راتبها أعلى من الوظيفة الحكومية اللي إنعرضت علىّ

ثانيـــاً : القطاع الخاص فيه مجال لتطوير الذات 00 أما الحكومي أعتبرة نظام كلاسيكي

تقليدي أنت هو أنت لو بعد عشرين سنة

وبالنسبة للأمن الوظيفي : ما أعتبرة عائق طالما أنا ملتزمة بشغلي وبمواعيد حضوري

وإنصرافي 00

هذي وجهت نظري 000 وخل صاحبك يستخير

الله يوفق الجميع

00 تحياتي 00

بصراحة محد راضي عن وضعه لااكن بنقول الحمدلله لك يارب
مثلا تمنيت ان اكون مدرس الظهر وانا في البيت ولااكن الراتب ؟؟ زميلي مدرس له 12 سنه راتبه ماوصل راتبي وانا حققت اضعاف راتبه من اول سنه تعين في البنك وانا لي الاان 10 سنوات ولااكن متى ارجع البيت؟؟ اداوم من 8 الصباح الين خمسه العصر هذا الدوام الرسمي وبعض الااحيان مااطلع الاا 9 او عشرة المساء من اجل التحليلي المالي والدراسات الماليه والميزانيات يعني تخيلو 9 ساعات دوام رسمي ماتكفي من اجل انهاء العمل؟؟
وهذه هي الضريبه من اجل الراتب مااقعد مع اهلي واطفالي وبصراحه لو وجدت وظيفة حكومية بناقص ربع الراتب والله مااقول لا
والحمدلله على كل خير