السلام عليكم
جميع الأعضاء عسى أن تكونوا بألف صحة وعافية
أما بعد ,,,
أنا ذهبت لمكتبة جرير فرع المدينة ويحدوني الأمل في أن أجد وظيفة لديهم حيث أنني (خريج جامعي + دورات حاسب آلي )
وابتدأ المشوار حيث قابلت في البدايه موظف خدمة العملاء أسف مشرد العملاء ( يرجى عدم ذكرالأسمآء )
يوزع ابتسامات استفزازيه لا أعلم لماذا وصوته مره ناعم حيث قلت له ارفع صوتك قال ماتسمع وهذي البدايه ثم أعطاني الإستمارة لتعبئتها وأردت أن أعملها عنده وقال سويها برا قلت أبشر ياطويل العمر ورحت وسويتها وأرسلتها له مع أخي وحينما أتاه أخي قال هو ليش ماجاء أنا أبي اشوفه والله شكله خطير فقاله اّطلع بصورته عندك يبي يّضحك اللي عنده مع بعض الإبتسامات منه وماقصر الأخ ( يرجى عدم ذكر الأسمآء ) اتصل فيني وقال تراجعنا بعد المغرب يوم الأحد وفعلا ذهبت له وقابلته من بعد المغرب إلى أذان العشاء وقال تعال بعد الصلاة قلت طيب ياخي لو قلتلي من أول كان جيتك بعد الصلاة قال والله ماجاء بمزاجي
قلت كيف
قال ماجاء بمزاجي أقولك
قلت ياخي أنا عندي معهد وتاركه عشان موعدكم
قال اذا ماتبي فيه غيرك عشرين قلتله طيب ياغازي القصيبي اللي هذا أوله ينعاف تاليه
ومشيت قال هاه بتجي ولا لا قلتله كنسل خلاص
احنا الواحد يدور وظيفه يبي يعز نفسه ويجي اللي مايسوى يذله قبل لايتوظف
فايش رايكم ابي اشتكيه على ادارتهم وماعرف وينهي وخاف يكون المدير هندي مايفقه شيء
الرجاء تزويدي بأرقام الإدارة العامه لمكتبة جرير

انا عن نفسي اشوف ان اي احد يقل ادبه

لازم ياخذ جزاءه

فيه ناس تتمنى الوظيفه وهذا جالس يتميلح

ياتكون قد الوظيفه وماتقصر فيها والا في غيرك بيقوم فيها ان شاءالله

بالنسبة للادارة ماراح يفيدك احد بااي شي لاانه كل اللي يردوا عليك هنود وعمرهم مارح يحولوك لعيال العقيل
اذا تبي تاخذ حقك من الموظف في كل فرع في مكتب مدير ادخل عليه وقله اللي صار والله اتحدى احد يردك عنه
والله المدير لا يهزءه لك قدامك ويعتذر منك

والمفروض مادام انه خدمة عملاء يحترم نفسه لاانها شغله حساسة وبامكانك تسبب له مصيبة او حتى برفع الصوت
لاانه كاميرات وزبائن فهذا كله محسوب على الفرع

زي ماقلتلك رووح المدير سيدا

اذا كان مايع ويستفز الناس
يرفعبه اي اضربة
هي كذا كذا الوظيفه طايرة مدام هذه الاشكال فية

لاتتنازل عن حقك وأنا أخوك


يعطيك العافيه... دمتم بخير,,,

اذا تبي تشتكيهم على الإدارة العامة بفروع المملكة كافة اتصل على 905 واطلب رقم مكتبة جرير فرع العليا في الرياض .. واتصل في الفترة الصباحية ويحولك على الإدارة الاقليمية .. واذا مانفع قدم شكواك على مكتب العمل .. لانهم يلزمون الشركات بالتوظيف..
والله الموفق

هذا مريض نفسي

وانا اقولك اشتكيه زي ماتكلمنا هنا كلمهم هناك , واذا على رقمهم خده من 905
او وقف في اي مكتبة جرير وخد من عندهم الأرقام

اسمع الكلام ولا تطنش

فعلا اخوي لا تتنازل عن حق

واشرحلهم كل اللي صار معاك

وخذ حق
صدقني لو سكت راح يصير مع غيرك اكثر من كذا

لكن تقدم واشتكي وتكلم وبرر للنفسك
وبالتوفيق

وهذا اللي اقدر اقدمة للك

وهذا موقعهم

http://www.jarirbookstore.com/

هذا الاسلوب مايعجبني سيء ويعاقب عليه لان كثير تصير


مدري كيف قبلوه وهذا اسلوبه

اذا انت ياموظف مو عاجبتك الوظيفه اطلع في كثير يتمنون مكانك ولا تكون اخلاقك سيئه للاخرين

جعلهم يفصلونه

المفروض الموظف تكون اخلاقه عاليه ومحترمه مو زفت


اشتكي عليه عند المدير وياخوفي يكون هالموظف خاتم في ايد المدير مايقدر يسوي له شي


الله يوفقك باحسن من جرجير قصدي جرير

رب ضارة نافعه


الله يعوضك افضل منها

والله يوفق الجميع