سؤال لعبدالرحمن
 

السلام عليكم ورحمة الله وبركاته
سؤالي الي الاخ العزيز عبد الرحمن مشرف قسم ذي الاحتياجات الخاصه
انا من ذوي الاحتياجات الخاصه ونوع الاعاقه هو فشل كلوي واغسل في الاسبوع ثلاث مرات
والان انا موظف في شركة زين للاتصالات وشهادتي بكالوريوس وما علمتهم اني مريض بالفشل الكلوي تمام
وصار الشباب معي في الدوام يغطون على في الدوام لان غسيلي اربع ساعات متواصله وصرت ما اجمع بين الدوام والغسيل بس الي متى ؟
وانا سمعت ان مريض الفشل الكلوي اذا كان موظف في القطاع الخاص يوم الغسيل ما يداوم وراتب اليوم ذا يدفعه صندوق الموارد البشريه لان موظف الدوله الحكومي اصلا مايداوم ويستلم راتبه كامل .
وسؤالي هو هل الكلام اللي سمعته صح ام لا ؟ اني ما اداوم يوم الغسيل ؟ وهل لو علمت الشركه راح تخليني ولا راح يستغنون عني ؟ وش الحل اذا كان عندك فكره ؟ ارجوا انك تجتهد وجزاك الله كل خير .

وبالتوفيق للجميع

أخوي فهد العتيبي أول شي الله يشفيـك ويشفي مرضى المسلمين
وانا كمان سمعت نفس كلامك وأعرف واحد معه فشل ويشتغل في القطاع الخاص راح اسأل واتأكد منه وارد لك خبر بأقرب وقت .. أتمنى لك الشفاء العاجل والتوفيق في حياتـك

تسلم يا محمد الثبيتي
وانا في انتظارك

وينك يا عبدالرحمن ما رديت على ؟

الله يوفقك الجميع

حياك أخوي فهد .. معذرةً على التأخير

ماعندي خلفية بهذا الشأن ولكن راح أسعى وأسئل لك وراح أفيدك ..
وهم الأخ محمد مايقصر إن شاء الله .. لوصيك محمد نبي الإفاده بوضوح بارك الله فيك .


أنت بأمكانك أخوي فهد الإستفسار من الإدارة الي بالدوام .

وبالتوفيق إن شاء الله .

اولا انا في انتظار ردك اذا حصلت على معلومه تساعدني
وبالنسبه للاداره انا ما خبرتهم اني مريض ولا عندهم علم بمرضي
وانا ما خبرتهم علساس ممكن انهم يستغنون عني بأي طريقه او عذر يقولونه

أسعد الله أيامك أخوي فهد .. وش حالك عساكـ بخير ؟

حبيت أسئلك بالأول وتعلم الي عندهـ غسيل كيلهـ من فئة ذوي الإحتياجات الخاصة .. ومدري هل أنت مقدم على إعانة السنوية أم لا .
ثاني شي هل أنت متزوج أو عزابي وكم راتبك في الشركة .
-----------------------------------

أما من ناحية الإداره عندك في العمل فاأعتقد يتوجب أبلاغهم للإدارة أفضل حتى تكون على بينه .. ولاتنسى القرار المعاق أو من فئة ذوي الإحتياجات الخاصة عن أربع موظفين أصحاء .


حياك الله أخوي .

اولا جاء عندنا لخبطه في الشركه او كلامهم اكيد انه تم الاستغناء عني وعني بعض الشباب ومن غير اي سبب وشكلهم يبون يقللون من الموظفين
والعقد كان على شركهاسمها ركيزه او رواسي مدة 11 شهر وبعده حولونا على شركه ثانيه مشغله اسمها ديجكو ووقعت معهم انا الشباب على عرض وظيفي وصار لي شهر وجاء الخبر امس برساله منهم على الجوال وما ادري وش الحل لاني ما اعرف النظام
ثانيا عن الاعانه السنويه انا مسجل فيها . واعزب والراتب كان على ركيزه 3600 وعلى ديجكو 4850 لانه عقد مشرف مبيعات
واقول حسبي الله عليهم عني انا ماعلى المشكله اللي معي بعضهم متزوجين وبعضهم اخذين قروض
اعتذر على الاطاله