هل جاءت أحد منكم رسالة من هيئة السياحة والآثار ...؟
 

وصلتني اليوم بعد صلاة المغرب بقليل رسالة من هيئة السياحة والآثار عن موعد اختبار اللغة الانجليزية , هذا نصها /
" اختبار اللغة الإنجليزية يوم الأثنين 29/1/1430 هـ الساعة 9 صباحاً بمقر التنظيم الوطني للتدريب المشترك - الرياض - حي الريان - شارع بريده.
مع تحيات الهيئة العامه للسياحة والآثار. "

فهل هناك أحد لديه فكرة عن هذا الاختبار ؟

اخوي بوزينب
انا نفس المسج نصاً جاني المغرب
اتمنى احد يفيدنا للى عنده خبر بالموضوع

يا اخوان انا سويت الى الان مقابلتين شخصية في الهيئة العليا للسياحة والاثار

وحده قبل الحج باسبوعين والثانية قبل عشرة ايام من الان

المقابلة الاولي كانت مع سعود اللويحق من الادارة وهو من الرياض


والثانية مشعل السديري وكانت المقابلات في مقر الهيئة في جدة بس اللي اعرفة انه ماكان في اختبار بس كان قالي تحدث عن نفسك بالانقلش وزي كذا وقال انشالله راح ندق عليك . . . ومازلنا ننتظرر

وبالتوفيق انشالله للجميع يارب

اليوم اتصلوا عليه وقالوا لك مقابلة السبت او الاحد الجاي
والى الآن مدري وش مميزات هاذي الهيئة وكيف العمل فيها
وهل رواتبهم طيبه او لا ،،، ما أدري والاسبوع الجاي رايح لهم
عشان اشوف وش طبيعت عملهم وبعطيكم كل جديد عن التقديم
ويا ليت الاخوان الي عملوا مقابلة شخصيه يفيدوننا عن الاسئله
وطبيعة المقابلة الشخصيه بصفه عامه ،،،،، وتحياتي لكم

طيب واللي ماعنده لغة وش يسوي

السلام
 

حتى انا جاتني رساله بس ابغى اعرف متى جاء التقديم فيها واش طالبين

انا جاتني رسالة لكن المشكلة ماعندي E ابدا ولا ادري اروح والا اتركهم

عاطل الانقلش اللي يختبروك فيه سهل يعني مبادئ الانقلش والاساسيات

وللمعلومية ياشباب . . . الاجراءت الادارية الخاصة بالتفتيش على الفنادق والشقق المفروشة و وكالات السفر والسياحة ومراقبتها وتصنيفها

انتقلت مسؤوليتها من وزارة التجارة الى الهيئة العليا للسياحة والاثار
وصدقوني انهم طالبين موظفين كثيرين في كل انحاء المملكة

وانا قدمت عن طريق موقع الهيئة قبل 3 او 4 اشهر

واتمنى التوفيق للجميع

وفق الله الجميع

الله يوفقك الجميع . لكن ما أحد عنده فكرة عن طبيعة العمـل
وهل هـي على مراتب أو مستويات . وهل اللي يجتاز الإختبار
يتوظف أم يـدرس ؟؟