|
التوووووفل<<<عشان نفيد ونستفيد********
السلام عليكم ورحمة الله وبركاته احب استفسر عن كل مايخص اختبار التوفل وش اهميته وفائدته وطريقة الاختبار كييف؟!.انا معلوماتي محدودة فيه واسمع كثير هالايام يحرصون على شهادة اجتياز التوفل انا كنت احسبه بس مهم في الدراسات العليا لكن صاير مطلوب حتى في الوظايف فياليت اقدر استفيد منكم انا افكر فيه هالايام ومحتارة ادرس كورس انقليش عام ولا ادرس التوفل,سويت بحث في النت وانفجر راسي:confused: كل موضوع يختلف عن اللي قبله مارسيت على بر..هل اذا باخذ دورة في التوفل لااازم يكون عندي خبرة في اللغة ولاهم يأسسوني في الدورة لاجتياز اختبار التوفل؟ والتوفل هو واااحد ولا يختلف من تخصص لتخصص يعني مثلا انا مقدمة على الماستر هالسنة وفيه اختبار توفل من قبل الجامعة اختبار التوفل في الجامعةفي تخصصي هونفسه اختبار التوفل في التخصصات الثانية؟<<يارب اكون وصلت المعلومة صح وفهمتوني:o واذا اختبرت التوفل هل يسقط عني اختبار التوفل في الجامعة يعني يكون هذا كااافي؟ وبعد ولا عليكم امر ابغى معاهد تعطي دورات التوفل مو الاختبارفي الرياض وكم مدتها بس يكون معهد معتمد من ناحية المادة العلمية والكفاءةو ياليت بعد تذكرون لي كم الرسوم للمعهد انا سمعت انه فيه كتب للتوفل مفيدة اكثر من الدورة فاللي عنده معلومات عن الكتب لايبخل علينا فيها او مواقع على النت بخصوص دراسة التوفل بصراحة انا من كثر ماقريت في النت بخصوص التوفل ماقدرت اخذ قرار وش الافضل ادرس الدورة ولا اعتمد على الكتب والمواقع اللي في النت بخصوص هالموضوع وبعدها اختبر؟؟ كل املي في الله ثم فيكم انكم تدلوني وش الافضل ترى امثاااالي كثير اللي مو فاهمين التوفل وكيف طريقته ومحتارين فيه وان شاء الله هالموضوع راح يكون فايدة لي ولكل من حاب يستفسر عن التوفل ويفك حيرته طبعا بفضل الله ثم بفضلكم وفضل مجهوداتكم وحرصكم اتمنى ان اللي عنده ادنى معلومة لايحس انها ماراح تفيد اكيد راح يكون لها اثر.. واللي سبق واختبرو طبعا اكيد ذكر تجاااربهم في التوفل جدا لها اهمية.. ووووومشكوووووووورين ماقصرتو مقدمااا لاني ادري ان هالمنتدى مايخيب ظن احد ابدااا:rolleyes: |
1) اهميته وفائدته : حسب السبب اللي اختبرت عشانه ، لو هو تقديم دراسات عليا ولا تشريح لوظيفة ، يعني لو عديت منه تترشح للي بعده
اما انه يفيدك في حاجة ثانية ما اظن ، مالم يكون عندك شهادة مصدقة باجتياز التوفل (اسمع انها شهادة عالمية ما تاخذها الا بالاختبار في الرياض او الشرقية مقرهم ، نسيت صراحة ، لكن هذا الاختبار هو الصح اللي لو عديت منه معناه انت فعلا عندك توفل وتقدر تستخدمه ، اما حق الجامعات مشي حالك ) وعلى فكرة التوفل حق الجامعة اي احد ممكن يعدي منه ، وانا منهم ، عديت منه للحين ما اعرف كيف 2) اذا جيت بتقدم في الجامعة ومعاك توفل غير التوفل اللي تختبره داخل الجامعة فما ينفع ، ومارح يقبلوا منك توفلك ، لازم تختبر عندهم التوفل حقهم. صحبتي عندها توفل من امريكا قالولها مرفوض تخيل ، لازم تختبر عندهم وما اعرف ان كان غيروا النظام الغريب دا ولا لأ 3 ) كتب التوفل ماعليها / بس السي دي هو اللي فادني كثير ، لأنه يشرح بالصورة و علمني خدعة اسويها اظن هي اللي خلتني انجح فيه . 4) دورات التوفل مامنها فايدة: زميلاتي دخلوها ورسبوا وانا اللي جبت سي دي بس نجحت ، لأن التوفل يعتمد عليك انت بالدرجة الأولى . هذا اللي اعرفه ، اما المعاهد اللي تعمل توفل والله ما اعرف طريقة الاختبار : اختيارات وملأ مربعات فقط ، والاختبار شامل لكل شي مو بس قرمر زيما يظن بعض الناس هذا كل اللي اعرفه حسب اللي مر عليه وعاصرته الله يوفقك |
يعطيك العافية اختي
بس ودي اسألك اي جامعة اللي اختبرتي فيها ومتى وهل الاختبار على ورق ولا على الكمبيوتر؟؟ وبخصوص السي دي شلون اقدر احصل عليه من مكتبة ولا عن طريق موقع على النت ياليت تفيديني اكثر.. ومشكووورة ماقصرتي |
يسلموووو على طرح الموضووع ..
Dazzling girl إيش هي الخدعة إلي سويتيها عشان أسويهاااا؟؟؟ وإيش إسم السي دي ؟؟ هوا مع كتاب ؟؟ ومن وين نجيبه ؟؟ بالتوفيق للجميع |
اقتباس:
والاختبار على ورق والتصحيح بالكمبيوتر لأنه الحل ملأ المربعات زيما قلتلك والسي دي اخذته من مكتبة جرير اسمه : الكامل في تعلم التوفل .((ممكن الان في سيديهات احسن الله اعلم ،بس اللي عطيتك اسمه هذا حلو ومرة فادني)) اقتباس:
بالنسبة للخدعة اللي تعلمتها من السي دي بسيطة جدا ومفيدة جدا جدا وهي : تستخدم الخدعة في حالتين : أ) في حال عدم معرفة الاجابة الصحيحة. ب) في حالة قرب انتهاء وقت الاختبار وما انتهيت من حل باقي الاسئلة ايش تسوي في دي الحالتين : تختار خيار واحد لجميع هذه الاسئلة بمعنى : طبعا حيكون في خيارات أ ، ب ، ج ، د اوكي؟؟ انت جميع الاسئلة اللي ما عرفتها + اذا قرب ينتهي الوقت ومالحقت على باقي الاسئلة ، هذه كلها حطها الخيار (أ) مثلا ،، او (ب) او اي خيار تحب ،، المهم كلها نفس الخيار ما تغير ، بمعنى آخر اذا بقيلك 30 سؤال مثلا ماحليتهم او ما عرفتهم كلهم حطهم (أ) او(ج) او اي خيار المهم كلهم زي بعض وهذا يزيد فرصة الاجوبة الصحيحة اكثر من التخمين |
اقتباس:
جميل يا ليت تردي عن الاسئلة الله يخليك |
8
8 انا رديت |
بالنسبة لي بصراحه أخذت دورة التوفل وما أستفدت شيء لأن دورة التوفل تعلم بس كيف تحلي في الاختبار يعني الأفضل إنه يكون عندك لغه ........... وعلى كذا دخلت اختبار التوفل في الجامعه مرتين ولا نجحت .......
إللي يعدي إختبار التوفل بالحظ والنصيب كثيييييييييير ما دخلوا دورة للتوفل ولا يعرفوا ولا كلمه في الانجليزي وألحين يدرسوا الماجستير ...... أما طريقة الخدعه هذه سويتها وحتى كانوا في الدورة يقولوا الأفضل إذا ما تعرفوا تحلوا إختاروا العمود (ب) أو (ج) وجربتها وما نفعت ........ يعني بإختصار دورات الانجليزي أفضل ....... |
والله اللي اعرفه شلون تدرسين توفل وانقليزيتك موب ذاك الزود ؟؟ التوفل يبيله بلبل انقليزي ..حسب معلوماتي ^_^ |
مشكوره Dazzling girl على ردك
ذكرتيني بالجامعه... الخدعة الي قلتي عليها كنت أسويها في الاختبارات بس مع الصح والخطاء يا أحط كله صح ولا كل أبووووه خطاء خخخخخخخخخخ خلاص بسويها بالتوفل وعلى مسؤليتك دي المره خخخخخخخخخخخخخخخ |
| الساعة الآن 07:01 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين