|
مواطن يطلب وظيفه
ظاهرة ***** الوظائف اصبحت اشبه بالأشاعه وهذا واحد اسمعوا مشكلته وش عاد يا دار ٍ بهـا صـار ( توطيـن ) و في مكتب التوظيف سوسـن و ميسـون ! مديرهـم مـدحـت و نائبْـتـه نسـريـن و على الرسبشن حمّص و فول و زيتـون ! كل ما اتصلت اسمع ( الو مرحبـا ميـن ؟ بدّك وظيفه ؟ .. مين دلّك علـى هـون ؟ ) اقـول انـا لـي اتصـل صـار شهريـن و انتـوا وعدتونـي متـى بـس تـوفـون اسمي ( مواطن ) ( جامعي ) طيب و زيـن كنـي ابخـطـب عنـدكـم و اتّغـلـون ! عنـدي شهـاده طايحـه بجبـدي سنـيـن عشش عليهـا شـي لـه ستـة عيـون !! لو للشهـاده لسـان قالـت ( علـى ويـن ناوي تودينـي .. تلـف فينـي الكـون ؟ ) مـن كثـر مـا صورتهـا غـارق بديـن للهندي راعـي المطبعـه صـرت مديـون لا ليلـي ليـل ولا نهـاري نـوى يبـيـن دقيت راسي ليـن مـا صـرت مينـون ! مطلـوب خبـره عالأقـل فـي مجالـيـن ولا تجينـا بواسطـه و سيـر مـدهـون ! ولا انثبـر فـي بيتـك .. افـرك بكفيـن يومـك يشابـه امسـك و عيـش مغبـون تعـدادنـا ويّـاهـم اربــع مـلايـيـن و اهل البلد للحين مـا صـاروا مليـون !! ويـلاه مـن باكـر اذا وضعنـا الحـيـن و احنا اقل مـن الربـع حالنـا شجـون ! و اللي ابتسـم لـه حظـه والله مسكيـن ! حصّل وظيفه .. بس في وين .. تـدرون ؟ ساكن في راس الخيمه .. حطوه في العين !! و اللي سكن في الذيد .. في السلع مدفون !! يشوف اهلـه بـس فـي الأسبـوع يوميـن و اذا حسبتوا الدرب كم ساعـه .. تبكـون يعنـي فـي كـل احوالـه ذاق الأمـريـن شغّـال محـزون و بـلا شغـل محـزون و الأجبنـي اللـي راتبـه فـوق عشريـن فلـه و سيـاره و تذاكـر .. و طـاعـون عنـده بـدل كـل شـي عالراتـب الفيـن حتى بـدل معجـون اسنـان و صابـون ! و من بعد ما يجمـع مـن بـلادي فـلسيـن و يربّي م القعـده علـى الكرسـي بطـون و يصير في بلاده غنـي و عنـده برجيـن يرحل و هو جاحد .. و كم مثله ملعـون ! و حتى الجماعـه قـوم مدحـت و نسريـن مـردّهـم لبـلادهـم لــو يـطـولـون يرضـون بشويـة دراهـم .. و شفتـيـن صبح و عصر .. لو حتى في الليل يرضون بـس لـو سمعتـوا همسهـم بينهـم بيـن وسـط القهـاوي يلعـنـون و يسـبـون ! لا تحسبونـي عنصـري .. كلنـا طـيـن و الخـل لـو عاتـب محبيـنـه يـمـون داري و انـا اولـى بهـا مـن الغريبـيـن مـا يوصلـون لحبـهـا لــو يمـوتـون و ( الأقربون اولى ) .. كلام ٍ مـن الديـن ما جبته من شعـري مـع الهـام و ظنـون ولـد البلـد مـا يبغـي لـبـلاده الشـيـن بالـروح بـالـدم يفتديـهـا ولا يـخـون لكن سؤالـه يـوم قلتـوا لـه ( توطيـن ) يا كيف بيد الغـرب توظيفـه يكـون ؟؟!! شعارهـم معـروف ( راجعنـا بعـديـن ) و بايـن مـن التأجيـل .. انهـم يخافـون اذا معـك خبـره .. يـا اهليـن و سهليـن و اذا شهـاده بـس .. عـنـك يـصـدون مـا عندنـا شاغـر .. و بطلنـا تعيـيـن ولو تحرق الهاتـف تـرى مـا يـردون ! من وين اجيب الخبره ؟ من وين من وين ؟ دام الوظيفـه عنـد سوسـن و ميسـون ! عنـدي بمطبـخ بيتنـا خبـره سنتـيـن ! تنفـع اذا صـاروا المطاعـم يوطنـون ؟؟! ولا اهاجر و آخذ الخبـره فـي الصيـن ؟ صـح العيـون صغـار .. لكـن يقـدْرون سـؤال يـا دار ٍ ..صراحـه بترضيـن ؟ اني اسافر و اطلب الغـرب لـي عـون ؟ و سؤال يا نـاس ٍ علـى الـراس و العيـن صدق الوظايف واسطه و سيـر مدهـون ؟ امـا الجـواب الشافـي يجينـي الحـيـن او هاتوا تأشيـره .. اذا كنتـوا ترضـون ! الشاعر: ساقي الشوق منقول من صوت الاصالة |
يعطيك الف عافية تسلم يمناك على النقل :o
|
اقتباس:
تسلم اخوي على هالقصيده المعبره تحياتي ،، حنين الرووح |
اسـعـــدنــي مــروووكــم الــعــطــــر
[IMG]http://mloookah.******.com/1011-008-29-10461.gif[/IMG] |
اسمي ( مواطن ) ( جامعي ) طيب و زيـن كنـي ابخـطـب عنـدكـم و اتّغـلـون ! عنـدي شهـاده طايحـه بجبـدي سنـيـن عشش عليهـا شـي لـه ستـة عيـون !! صراحة هذا حال المواطن السعودي مع ان القاياها امراتي تسلم ياغالي على النقل الرائع ولا عدمناك |
داري و انـا اولـى بهـا مـن الغريبـيـن مـا يوصلـون لحبـهـا لــو يمـوتـون و ( الأقربون اولى ) .. كلام ٍ مـن الديـن ما جبته من شعـري مـع الهـام و ظنـون ولـد البلـد مـا يبغـي لـبـلاده الشـيـن بالـروح بـالـدم يفتديـهـا ولا يـخـون واضح أن هالقصيدة خلقت من رحم المعاناة الله يعطيك العاافية ياعاطل على هالأختيار الرائع |
> :Looking:
يعطيك العافية |
الله يكون بالعون .. والله انه صدق ..
يعطيك العافيه ياولد الرياض |
الظاهر صاحبها اماراتي
وهذا واضح من ذكر اسم من مدينة العين وراس الخيمه |
صح لسانه وتسلم ياناقل القصيد ه على الذوق الاكثر من رائع
|
| الساعة الآن 08:02 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين