|
اسباب الحزن فيني
السلام عليكم مساء الورد والياسمين للجميع هذه قصيدة من اروع ما قريت للشاعر/ سعد الميموني. وصراحة مأثرة لأبعد الحدود. وحبيت اني انقلها لكم ....انشاء الله تعجبكم... يـــــــــــــــــــــــــــــــــــقـــــــــــــ ــــــــــــــــــــول: كثير من البشر يسال عن اسباب الحـزن فينـي وكثير من البشر وده يعرف بدنيتـي وش صـار وعلام اللي يقابلني يشوف الدمـع فـي عينـي وانا توي صغير السن حزيـن وشـارد ومنهـار انا بحكي بقول الحين عن اللي صار فـي سنينـي ولكن قبل لا اتكلم ابيكم تحكمـو يـا اخيـار تعالو واشهـدو يانـاس تعالـو طالعـو فينـي تعالو شاهدوا جسمي غدى ناحل وعقلي طـار انا مانـي تـرى مدمـن ولا ضاعـت ملايينـي وربي يابشـر حالـي سبايـب وقتـي الغـدار تعالو واسمعوا منـي وش اسبـاب الحـزن فينـي وشنهي سبة دموعي وش اللـي بدنيتـي اسـرار يتيمٍ ايه انـا عايـش00 يتيـم محـدٍ يراعينـي ولحدٍ عني جاء يسـأل وحيـدٍ جالـسٍ بالـدار يتيـمٍ مافـي بالعالـم رحـومٍ جـاء يواسينـي يتيمٍ عايش بحسـره وضيقـه عيشتـي امـرار يتيمٍ فـي نهـار العيـد محـد جانـي ينادينـي يقول لي خذ حلاو العيد زمانٍ كنا فيـه صغـار يتيمٍ صـاح ياموتـي رجيتـك رجـوه تجينـي يومٍ استاذي قال بكره يجـون ابائكـم ياصغـار شهادتكم تـرى بكـره وابوكـم لازم يجينـي بسلمها انا بيده وشهـادة شكـر مـع ازهـار وجاء بكره وجيت امشي ولحدٍ ماسـك ايدينـي ومن أي طالب دخل ماسك بدين ابوه صرت اغار وكنت الاول ولكـن دموعـي كانـت بعينـي نزل دمعي وسط حفلٍ كبير وحاضرينـه كثـار مقصر زادها الاستاذ مـا بـارك صـار يعزينـي شهاده كانت بيدي احسهـا جمـرة مـن نـار ترى هذا سبب واحد من اسباب الحـزن فينـي يكفي يابشـر ولا اكمـل وافشـي الاسـرار ابحكي عن سبب ثاني سبـب زاد الحـزن فينـي حبيبٍ مـت فـي حبـه ولكنّـه طلـع غـدار انا رغم اليتم حبيـت عشقـت بكـل مافينـي عشقت وكنت له وافي واذا اخطأ اجيب اعـذار انا حبيت لي شخـصٍ عشقتـه عشقـي لعينـي وهو حبني واقسم لي بـرب المصحـف الجبـار انا صدقـت حلفانـه وهقيـت انـه بيغلينـي ومثل ماني احبـه مـوت توقعتـه يجينـي بـار ولكـن خيّـب ضنونـي توقعتـه بيحميـنـي توقعته حبيبي يكـون ولكـن صاربـي غـدار اثـاري كـان يتسلـى ووقتـه يضيعـه فينـي وانا اللي أحّسبه يحبني واحسبه حاط لـي مقـدار قطع في طعنته اخـر عـروق الفرحـه بسنينـي وزاد الحزن فـي قلبـي وخلانـي اعيـش بنـار خدعنـي ونيتـه ينهـي حياتـي وده ينهيـنـي وعجزت اخذ بثاري منه حبيبي كيف اباخذ ثـار ومع غـدره وطعناتـه غرامـه ساكـنٍ فينـي ولا ظني انا بنساه لـو اتعالـج بوسـط شهـار عرفتو يابشر هالحيـن ليـه الدمـع فـي عينـي عذرتوني على جسمي عذرتو عقلي اللـي طـار وامانـه يابشـر تكفـون اذا منكـم يلاقينـي لايسألني وش الباقي من اللـي بدنيتـي اسـرار لاني لو انـا بحكـي جميـع اللـي انـا فينـي ياناس عقولكم والله بتلحق عقلـي اللـي طـار |
من اجمل مااااااااااا قراءة
قصيده في منتهى الروعه رغم الحزن رغم الالم رغم المعناه هي جميله برغم من ذالك تقبل مروري اشكرررررررررررررررك |
ياويل قلبك يالعاطلات قسم بالله مؤثرة جدا ومحزنة
ومعبرة جدا عن حال اليتيم والعبرة خنقتني يعيطيك العافية يامرهق من الزمن |
تسلم اناملك ويسلم القلم اللي كتبت به القصيده
الرائعه وبصراحه اهنيك على الاحساس والمشاعر الجياشه واقبل مني الابيات هذي تلعب بقلبي لعبت الكف بالطار..والحزن دوني واقف وانت دونه مثل الظلال اسير له وين ماسار..عيت عيوني ماتفارق عيونه ولازلت احبك واكتم الشوق واغار ..ومايذبح الرجال كود المهونه والا انت تحرقني كما تحرق النار ..محتاج عطف وعونتي منك عونه محتاج مثل الورد يحتاج الامطار ..وغديت ورد وخالفني مزونه وترى العمى مايعمي اعيونه غبار ..والليل مايعشق على شان لونه بيندك حلول وانت لابد تختار .. ومن ضن بك لا لا تخيب اظنونه ويصير شي واتغضى الى صار .. ومن صار دونك صارت الناس دونه |
وعليكم السلاااااااااااااام
مساء السكر مرهق من الزمن قصيدهـ مؤثرهـ .. سلمت وسلمَ احساااسكـْ لاخلاولاعدم |
رد
اوااااااااااااه
ياوجعي وياااااوجع القصيدة حين تلمسها الانامل تقبل مروري المتأمل |
وامانـه يابشـر تكفـون اذا منكـم يلاقينـي
لايسألني وش الباقي من اللـي بدنيتـي اسـرار لاني لو انـا بحكـي جميـع اللـي انـا فينـي ياناس عقولكم والله بتلحق عقلـي اللـي طـار الله الله الله عليك رووووووووووووووعه |
قطع في طعنته اخـر عـروق الفرحـه بسنينـي
وزاد الحزن فـي قلبـي وخلانـي اعيـش بنـار خدعنـي ونيتـه ينهـي حياتـي وده ينهيـنـي وعجزت اخذ بثاري منه حبيبي كيف اباخذ ثـار ومع غـدره وطعناتـه غرامـه ساكـنٍ فينـي ولا ظني انا بنساه لـو اتعالـج بوسـط شهـار عرفتو يابشر هالحيـن ليـه الدمـع فـي عينـي كلماااااات روووووووووووووووووووعه لا هنت اخوي |
والله كلام يحرك شيء في داخلي لانها جدا حزينه
وتحمل آهات مره حلوة القصيده يسلمو على النقل الاكثر من رائع وصح لسان شاعرها |
اقتباس:
|
| الساعة الآن 03:24 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين