|
اذا تم تخييرك بإحدى هذه القطاعات برتبة ملازم ؟
يا جماعة الخير اذا تم تخييركم على إحدى هذه القطاعات برتبة ملازم ايش تختاروا ( المباحث - الجوازات - مركز المعلومات الوطني ) وياليت الاختيار يكون مبني على خلفية ( بناء على كلام شخص ثقة متعين باحدى هذه القطاعات) لهذه القطاعات من ناحية : الراحة - الإرتباطات - الراتب - الدورات - اماكن التعيين يعني على سبيل المثال : انا اعرف ان المباحث اعلى راتب بين هذه القطاعات لكن اسمع الناس وانا غير متأكد من هذا الشي ان المباحث تدوام فيها دوامين واجازاتك محصورة على حسب طبيعة العمل وبأي وقت يجيك اتصال لازم تحضر ...الخ فياليت يكون الإختيار شامل لجميع النواحي وردكم على هذا الموضوع راح يفيدني باشياء كثيره ومصيريه يعني لحد يعطينا معلومات من راسه ويوهقنا :d آآسف على الإطالة وتقبلوا خالص تحياتي وتقديري ... |
اول شيء مبروك على الوظيفه عقبال المراتب العليا
ثاني شيء من ناحيه سؤالك انصحك في المباحث بصراحه رواتب عاليه والدوام اكثر شيء مدني الخيار لك لكن المباحث ممتازه جداا |
انا انصحك مباحث لانها رواتب عاليه اول مربوط 14800 والدوام من 8 الى 2 ومن 8 مساء الى 12 على حسب الشغل هذا الى اعرفه من القطاعات على حسب كلام واحد شغال ملازم في المباحث والله يوفقك
|
ياشين المهايطة وبس
|
والله انصحك انك تتجنب المباحث وراح تدعي لي اذا تبغى ترتاح ماراح ترتاح في عمرك دوامين وكل شهر بمنطقه ومرمطه غير كذا اذا انت متزوج الله يعين زوجتك راح تقابل دوامك اكثر منها والفلوس مو كل شي اذا تبغى فلوس خليك بالمباحث بس راح يتحللو كل ريال فيك والله قلق خذها نصيحه من ناس مجربين
|
لو خيروني أكيد بأختار << ملازم بالمباحث العامه >>
1 ـــ أعلى راتب بالقطاعات العسكرية . 2 ـــ هيبة وعمل مشرف صحيح انه تعب شوي وسرية لكنه لأجل الوطن شرف . 3 ـــ له كلمه في جميع القطاعات العسكرية ولا تقتصر كلمته على قطاعه . |
اهمش انك تعرف ان الفلوس مي كل شي وشفايدة رصيدك مليون وما عندك وقت تستفيد منها
|
راية سلام وش سالفة المهايط
|
الحمد لله
|
ذيب مطير - مشبب القحطاني - علي بية - فواز العبدلي - ادور وظيفه ياولد بيض الله وجيهكم والله يعطيكم العافية على هذه الأراء , بس يا شباب مشبب القحطاني يقول ان دوام المباحث من 8 - 2 ومن 8 - 12 يعني كأن الواحد شغال دوامين وبراتبين ومايرتاح باليوم إلا 5 ساعات الي هي بين الدوامين بس وعلى قولت الشباب الي ردوا ايش فايدة الراتب اذا ماتقدر ترتاح ؟؟ والله الصراحة يا شباب اذا كانت دوامين فأنا صرفت النظر عنها :dعندكم معلومات عن مركز المعلومات الوطني ؟ |
| الساعة الآن 04:03 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين