محتاره وابي رايكم تكفون لاتبخلون علي
 

السلام عليكم ورحمة الله وبركاته
كيفكم خواني واخواتي انشاء الله بخير ابي دخل في الموضوع على طوال
انا عندي ثانويه عامه اوكيه قدمت على مركز اطفال توحد وقالولي تعالي قدمي طلب توظيف وداومي عندنا اسبوعين نشوف كيف تتعاملين مع الاطفال ونشوف ميوال الاطفال لك وبعدها خلاص وقت ما نلاقي احتياج ندق عليك اوكيه
وقبل اسبوع نزلوالاخوان الله يعطيهم العافيه اعلن عن الدبلومات الي في جامعه الاميره نوره وقلت ابي اقدم عليها ابويه وافق وامي الله يعطيها العافيه رفضت ليش تقوال حتى اذا اخت الدبلوم ماراح اتوظف اخت دوره 3شهور حاسب وما توظفت وهاذي نفسها زي ما تقول امي انتم وش رايكم ايش اسوي انا ابي ادخل دبلوم سكرتاريا وش رايكم يعني ايش يفيدني فيه واين اقدر اتوظف واذا كان قد احدا خذه ايش استفاد منه ولا اخلي الدبلوم وروح المركز مثل متبي امي ولا الدبلوم مثل ما يبي ابوي وكل واحد يقول والي تبينه انتي بيصيروانا مره محتاره قلت مافي غيركم تكفون ابي رايكم انا محتا جتكم:cry:

هلا فيك
شوفي عمري
انااااااااا زيك واكثر محتاااره انا معاي بكالريوس خدمه اجتماعيه ولاتوظفت
قلت مشتهيه اخذ دبلوم سكرتير تنفيذي بس مااعرف الرسوم
المراكز هذي مو مظمونه مره يعني يمكن يشوتونك بعد كم يوم او مايدقون عليك
بس الدبلوم اكيد بتستفيدين منه واذا تاخذين انجليزي احلى بعد
انتظر ردك

شوفي حياتي اول شي الله يعطيك العافيه على اهتمامك ثاني شي الرسوم حقت دبلوم السكرتاريه 6000تقصيد ابي اخذ نجليزي بس غالي مايمديني عليه وانتي رايك اخذ دبلوم يعني
طيب انتي ليش محتاره انتظر ردك

أسمعي الدراسه احسن من وظيفه راتبها قليل وماهي مضمونه في اي يوم يمكن يقولون لك باي انتي ادرسي سكرتير تنفيذي وزين تعرفين في الحاسب ومعك دوره
حلووو مره
بس اسمعي فكري بالانجلزي اكثر من سكرتير تنفيذي لان كل الوظااايف مايهمم
وش شهادتك يهمهم تعرفين في الحاسب تعرفين انجليزي بس هذا اللي يهمهم بس اذا درستي انجليزي لازم تدرسين كل المستويات علشان تجيبين نتيجه حلو وتتعلمين وانتي ابذلي جهد فاهمه علي
تعرفين كم رسوم الانجليزي؟

الله يوفقك ان شاء الله

هلا حياتي
انا اقول لك من خلال متطلبات الوظيف ان يكون معك حاسب وانتي الحمدالله معك
هم يهمهم الانجليزي فأذا أخذتي انجليزي ياليت تكملين كل المستويات علشان تجيبين نتيجه حلووولانو الوظائف مايهمهم وش تخصصك ولاوش شهادتك
المدارس اذا انتي معك ثانوي بتصيرين ادارية فلازم يكون معك شهادة معارف
وهي تقدرين تاخذينها اتوقع اذا على كلام صديقتي من نيهورايزن في اسبوع
انا ام الحكي مطوووووووووله

والحين في كلية اليمامه مخرج 5 وفي المعهد المصرفي مقابل فندق الانتر
عندهم دبلومات اتوقع للي معهم ثانوي وللجامعيه بفلوس 35 الف ريال بتقصيد
دبلوم تأمين
دبلوم اعمال ماليه ومصرفيه
دبلومات ثانيه مره حلوووه وبعدين اذا تخرجتي تقدرين تشتغلين ببنك بشركه مره حلووو لاواول سنه من دبلوم يعلمونك انجليزي
مره حلو وفكري ودقدقي عليهم واسئلي
والله يكتبلك اللي فيه الخير
ونصيحه اذا تبغين تغيرين من نفسك كرري( لاحول ولاقوة الاباللله)بأذن الله يتغير حالك من حال الى حال
واقري سورة الواقعه بعد كل صلاة العشااااااااااااا
والله الله في الاستغفارر شي مو طبيعي سبحان الله

معليش كررت الكلام لان كمبيوتر علق فكرت الرد ماتثبت وكتبت من جديد

مشكوووووووووووووووره اختي من جد اقتنعت بكلامك
وراح اعطيك اخباري اول بأول ويمكن اروح اسجل عندهم يوم الاحد او الاثنين
لله يعطيك العافيه وصدقيني ماراح ستغني عن نصايحك

الله يسعدك

هلا حياتي
وين النااااااااااااس لاحس ولاخبر
بشرني علومك اخبارك وش سويتي
رسيتي على بر والاللحين مثلي تفحطين
ههههههههههههههههه على بالي اضحك
دايم افكر فيك وادعيلك الله يكبر حظوظناا
لاتنسيني اسئلي علي انا على حطت ايدك والله لاشغله ولامشغله

واخر خبر حظي الحلو دقو علي مدرسه اليوم يبوني وقالو محتاجين من بكره ابدي دوامك معلمة رياض اطفال قلت من عنوني
نص ساعه اهي نص ساعه دقو والله لقينا وحده ثانيه اسفين قلت مومشكله
انا متوكله على واحد سبحانه ربي ماغيره احد