الفزعه يالربع
 

السلام عليكم ورحمة الله وبركاته


صبحكم \مساكم الله بالخير جميعا

علومكم طيبين


يالربع انا سجلت بمستشفى الحرس الوطني عن طريق الموقع قبل يومين

واليوم جتني رساله بجوالي مكتوب بها

الرجاء احضار:
سيره ذاتيه باللغه الأنجليزيه
صوره من المؤهلات والخبرات
صوره شخصيه
وحاطين رقم المستشفى وتحويله ودقيت وصار فاكس

الفزعه يالذيابه وش السوات اروح يمهم ولا وشلون ؟؟ ولا ارسلهم بالفاكس اوراقي؟؟


وانا متخرج من كلية التقنية الزراعيه تخصص سلامة اغذيه




يالله التوفيق ياكريم و الله ييسر لي ولكم كل عسير

الله يوفقك ، انا من رأيي أنك تروح لهم والله يسيرها لك

الله يوفقك يااحلى حلو


رايك هو الصويب ان شاء الله بكرا عندهم بإذن الله


الله يعطيك العافيه ويعطيك حاجتك

يا خوي رحلهم عجل عجل لاتوقف وتنتظر أرآئنا

الله يجازيك كل خير ويرزقك ربي الوظيفة


وانا معك لا للواسطه

الله يفرج همومنا وهمومكم

آمــــــــــــــــــــــــــــيـــــــــــــــــــ ـــــــــن

الله يوفك وأنا رأي بعد تروح بنفسك وبالتوووووووووفيق

الله يوفقك اخوي
لو تروح لهم افضل وتقدم اوراق عن طريق مكتب التوظيف أللي عند بوابة الطوارئ القديمه رقم 2 راح يستقبلك موظف في المكتب ويدخل بياناتك في الكمبيوتر ويطبع برنت موعد اختبار انجليزي

الله يوفقك احسن شي كلامك وطريقة كلامك يارجال رحلهم هذه وظيفتك ورزقك من بعد الله لا تفكر تقول ابرسلهم رحله الله ييسر دربك اللهم امين

الله يوفقك يآآآآآآآآرب :)

تقول وش راينا تروح والا لا ياخوي رح لهم مايبي لها مشوره ماتبي تتوظف الله يوفقك ويرزقك يارب

الله يعطيكم العافيه يااحلا شين ولا للواسطه وانجنيت جنون و خريج تقنية عاطل وخالد هدمول وقطوه ورديه وصقرالعالم ماقصرتو ياخواني تعبتكم معي

رحت يمهم الاثنين اللي طاف ودخلت عندهم وشاف اوراقي وسجل اسمي ويطقطق فالكمبيوتر وسجل رقم بطاقتي وقالي فيه اختبار مبدئي انجليزي قال وشلونك بالانقلش قلت يعني المهم اختبرت جبت 5 من 10 قال المفروض ماتنزل عن 6 من 10 وقال فيه اختبار ثاني لك شهر من تاريخ اليوم متى ماجيت قلت ماقصرت الله يعطيك العافيه

المهم يالربع ترا فيه تقديم للحين فمستشفى الحرس الوطني عن بوابه 2 مكتب التوظيف روحو يمهم بس يبي واحد فاهم بالانجليزي


والله يعين

^
بالتوفيق لك اخوي
بس انا معي المؤهل الثانوي +الرخصة الدوليه لقيادة الحاسب
بس الانجليزي اعرف اقرأ واكتب بس في المحادثه ضعيف ومامعي دورة انجليزي
وش رايك اروح لهم والا لا؟؟؟!

يعني اروح لهم الصبح اليوم .... عند بوابة 2

الله يرزقنا واياك ..ع هالخبر ..جعلها تفتح في وجيهنا اليوم ..

قولوا اميــــــــــن ..

ايه ياوزير رح لاتتردد توكل على الله سبحانه وانا شايف ناس تقدم معاهم ثانوي بس وانت معك دورات

روح وقلنا وش يصير الله يوفقك

امين يافهد ايه يافهد روح الله يوفقك شد حيلك

طيب اخوي التقديم وين ؟
في جده والا الرياض

التقديم فالرياض مستشفى الحرس الوطني اللي بخشم العان وترى البنات لهم تقديم

هذا رقمهم اتصل عليهم واتفسر عن طريقة التقديم
012520088